2018-12-18 06:57

”Авьяаслаг монголчууд” шоуны ялагчаар илбэчин С.Билэгт тодорлоо

   Mонгол HD телевиз албан ёсны эрхтэйгээр монголчуудын хүртээл болгож буй "Авьяаслаг монголчууд" шоуны гуравдугаар улирлын эцсийн шатны шалгаруулалт өнөөдөр /2018.12.16/ өндөрлөж, гурван сарын турш үргэлжилсэн шоу нэвтрүүлгийн ялагчаар илбэчин С.Билэгт тодорлоо. Сүүлийн шатанд үзэгчдээс хамгийн олон санал авсан С.Билэгт ялагч болсноор 100 сая төгрөгийн эзэн болж байна. Тэрбээр шилдгээр шалгарсныхаа дараа "Шагналын мөнгөө сайн үйлсийн аянд зориулна" гэв.

   Шилдгийн шилдэг 10 оролцогчоос үзэгчдийн саналын тоогоор ОХУ-ын Буриад улсаас тус шоуг зорьж ирж оролцсон циркийн жүжигчин Дулма, Паша нар дэд байрт шалгарлаа. Хөтлөгч санал хураалтын дүнг зарлахын өмнө шүүгчдээс хэнийг дэмжиж байгаа талаар сэтгэгдлийг сонсоход гурав нь Буриадын циркчдийг нэрлэж байв.

Сүүлийн шатанд шалгарсан шилдэг 10 оролцогчийн үзэгчдийн саналаар байр эзэлсэн байдлыг сонирхуулъя.

1. С.Билэгт /Илбэчин/

2 Дулма, Паша /Цирк, агаарын үзүүлбэр/

3. "116" хамтлаг /Бүжиг/

4. Б.Дуулал /Хөгжимчин/

5. Н.Амаржин /Комеди/

6.Б.Жавхлантөгс /Дуурийн дуучин/

7. Г.Гантогтох /Жүжиглэлт, уншлага/

8. Д.Бердибек /Дуучин/

9.Б.Батболд /Дуучин/

10. "Assasins" хамтлаг /Бүжиг/

Тус шоуны анхны буюу 2015 оны ялагчаар "Эгшиглэнт чимээ" хөгжмийн хамтлаг шалгарч, Б.Мягмарцэрэн, Х.Бархүү нарын хөгжимчид удаалж байсан юм. Харин 2016 онд Орхон аймгийн оролцогч, дуучин О.Энх-Эрдэнэ түрүүлж, Б.Шижирбат удаалж байсан юм.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • "The Hu" хамтлагийн аялан тоглолтын тасалбар дуусчээМонголын “The Hu” хамтлаг 2020 оны Европ тивийн аялан тоглолтоо нэгдүгээр сарын 15-наас эхлүүлээд буй. Тэдний эхний тоглолт ХБНГУ-ын Хамбург хотоос эхэлсэн. Хамтлагийн энэ удаагийн аялан тоглолтын тасалбар тун эрэлттэй байгаа бөгөөд худалдаанд гарсан даруйдаа дуусчээ.
  • "Анд" цуврал контент үзэгчдийн хүртээл болж эхэллээ
  • Анна Каренина амилахад 40 хоног үлдлээАнна Каренина амилахад 40 хоног үлдлээДэлхийн сонгодог роман болох Оросын нэрт зохиолч Л.Н.Толстойн "Анна Каренина"-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
  • Энэ оны эхний жүжиг “Надтай үлдээч”Энэ оны эхний жүжиг “Надтай үлдээч”Улсын драмын эрдмийн театр /УДЭТ/-ын уран бүтээлчид 2020 оны уран бүтээлийн салхиа “Надтай үлдээч” жүжгээр хагалж байна. Өнгөрсөн жил нээлтээ хийсэн тус жүжгийг энэ сарын 18, 19, 25, 26-нд 18.00 цагт тоглох аж.
  • "Хун цагаан хайр"-ын дууч Л.БОЛДБААТАРЫН "Түмэндээ өргөх дуунууд"“1992 оны намар сан. Аав минь намаржин будаанд явж олсон цалингаараа надад магнитифон аваад өгчихөж билээ. Ээж минь ширүүхэн буусан боловч тэгсхийгээд зөөлөрсөн сөн. Хүүгээ дуу, хөгжимд дурлуулж, хөгжүүлэх гэсэн аав, ээж хоёрын минь сэтгэл агуу байж” гэж түүнийг хэлэхэд аньсага нь мэлмэрээд ирэх. Бүх ард түмний урлагийн үзлэгээс алтан медаль авч урам зориг авснаас хойш урлагийн гавьяат жүжигчин болтлоо дуу, хөгжмөөсөө тэр урвасангүй. Зөөлөн тослог хоолой, аргадаж учирласан өнгө, сэтгэл сэмлэсэн бүлээн салхи шиг түүний дуунууд ард түмний сэтгэлд хэдийн хоногшжээ.
 Сүүлд нэмэгдсэн дуу