2018-12-28 13:45

“Учиртай гурван толгой”-д үе үеийн уран бүтээлчид тоглоно

 

  Монгол Улсад хамгийн анхны хөгжмийн театр 1950 оны арванхоёрдугаар сарын 30-ны өдөр байгуулагдсан түүхтэй. Энэ нь Монголд төдийгүй Ази тивд цорын ганц “хөгжмийн сонгодог театр” нээгдэх суурийг тавьжээ. Энэхүү түүхт хөгжмийн театр үүсэн байгуулагдсаны 68 жилийн ой, Улсын дуурь, бүжгийн эрдмийн театрын 55 жилийн ойг тохиолдуулан энэ сарын 30-ны өдөр Б.Дамдинсүрэнгийн “Учиртай гурван толгой” дуурийг гурван үеийн уран бүтээлчид хамтран тоглохоор болжээ. Мөн энэ өдөр дуурийн Юндэн, Нансалмаа, Балган, Хоролмаагийн дүрийг бүтээж байсан уран бүтээлчдийн уулзалтыг хийхээр болсон байна. Энэ талаар УДБЭТ-аас хэвлэлийн бага хурал хийлээ.

УДБЭТ-ын ерөнхий захирал Ц.Төвшинтөгс театрын анх байгуулагдсан он, жилийг судалгаа шинжилгээний үндэслэлтэйгээр үнэн зөв тогтоох, баталгаажуулах зорилгоор 2018 онд эрдэм шинжилгээний томоохон ажлыг хийлээ гэв. Тэрбээр “Монгол улсын дуурь бүжгийн эрдмийн театрын үүсэл хөгжил” сэдэвт эрдэм шинжилгээний хурлыг соёл урлагийн салбарын эрдэмтэн, профессорууд, судлаач нартай хамтран зохион байгуулсан. Эрдэм шинжилгээний хурлын хүрээнд “Монголын дуурь, бүжгийн эрдмийн театрын үүсэл хөгжлийн зарим асуудал” сэдвээр илтгэлүүдийг судалгаа шинжилгээний үндэслэлтэй хамтран хэлэлцэж, анхны хөгжмийн театр 1950 оны арванхоёрдугаар сарын 30-ны өдөр ашиглалтад орж Монголын анхны сонгодог дуурь болох Б.Дамдинсүрэнгийн “учиртай гурван толгой” дууриар нээлтээ хийж байжээ. Тиймээс энэ жилийн арванхоёрдугаар сарын 30-ны өдөр бол театрын уран бүтээлчдийн хувьд онцгой өдрийн нэг байх болно. Энэ удаа бид “Учиртай гурван толгой” дуурийг гурван үеийн уран бүтээлчдийг оролцуулан тоглох болж бэлтгэлээ хийж байна.” гэв.

Б.Дамдинсүрэнгийн “Учиртай гурван толгой” дуурийг ирэх Ням гаригт /2018.12.30/ тоглох бөгөөд үе үеийн удирдлагууд, уран бүтээлчид, ажилтан албан хаагчиддаа хүндэтгэл үзүүлэн ойн арга хэмжээг тэмдэглэхээр болжээ. Уг дуурьт гурван үеийн уран бүтээлчид хамтран тоглох гэж байна. Тус дуурийн Юндэн, Нансалмаа, Балган, Хоролмаагийн дүрийг театрын тайзнаа амилуулж ирсэн уран бүтээлчдийг нэгэн тайзнаас харах боломжийг олгож байгаа аж.

“Учиртай гурван толгой” дуурьт УДБЭТ-ын үе үеийн шилдэг уран бүтээлчид болох Ардын жүжигчин А.Долгор, А.Дашпилжээ, Ч.Мөнхшүр, Б.Жавзандулам, Гавьяат жүжигчин Ц.Төвшинтөгс, Гавьяат жүжигчин Х.Үнэнхүү, Ж.Бүтэд, Л.Болд, Б.Цэцгээ, Д.Ганхуяг, С.Мөнгөнцэцэг, Б.Эрдэнэтуяа болон Соёлын тэргүүний ажилтан Баянбилэг, Ш. Наранчимэг, Э.Бумхүү, Гомбо-Очир, Шижирболд, Даваадорж, Алтанхуяг, Бүүвэйбаатар болон УДБЭТ-ын симфони найрал хөгжим, найрал дуучид болон балетын жүжигчид оролцон тоглох юм байна. Удирдаачаар УДБЭТ-ын ерөнхий удирдаач, урлагийн гавьяат зүтгэлтэн Н.Туулайхүү ажиллана.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “Үдшийн музей” жазз хөгжмөөр “амьсгалав”“Үдшийн музей” жазз хөгжмөөр “амьсгалав”“Үдшийн музейд” 2015 онд “Хөсөгтөн” хамтлаг, 2016 онд Морин хуурын чуулга, 2017 онд “Улаанбаатар” чуулгын уран бүтээлчид зочилж байсан бол энэ жил Монгол Улсын Филармонийн “Баянмонгол” чуулга жазз тоглолтоороо үзэгчдэд бэлэг барилаа. Мөн Чойжин ламын сүм музейн арвин баялаг сан хөмрөг, хосгүй үнэт бүтээлүүдээс цугласан олонд тусгайлан зориулж, музейн “Цам” үзэсгэлэнг сонирхуулсан бол “Монгол төрийн сахиусны өргөө” түүхэн гэрэл зургийн үзэсгэлэнг үзэж мэлмий баясгахын зэрэгцээ музейн өвөрмөц тансаг орчинд тухлан жазз хөгжмийн гайхамшигт тоглолтыг тогложээ.
  • “Naadam night” шоу зохион байгуулна“Naadam night” шоу зохион байгуулнаБаяр наадмын үеэр жуулчдад зориулан зохион байгуулж буй “Naadam night” шоу долоодугаар сарын 11-ний орой 21:00 цагт Үндэсний соёл амралтын хүрээлэнд болно. Наадмын нээлтийн соёл урлагийн хөтөлбөрийг орой нь жуулчдад зориулан орчуулгатай хүргэх “Naadam night” шоу арга хэмжээг зохион байгуулах бэлтгэл ажил хангагдаж хөтөлбөр бэлэн болсон байна гэж
  • Хятан-Их Ляо улсын үеийн шилдэг үзмэрийн үзэсгэлэн нээгдлээХятан-Их Ляо улсын үеийн шилдэг үзмэрийн үзэсгэлэн нээгдлээМонгол Улс, БНХАУ-ын хооронд дипломат харилцаа тогтоосны 70 жилийн ойг хоёр улс 2019 онд ёслол төгөлдөр тэмдэглэж байна. Ойн хүрээнд хоёр улсын соёлын солилцоог хөгжүүлэх зорилгоор зохион байгуулж буй нэгэн томоохон ажил нь БНХАУ-ын Өвөр Монголын музей, Монголын Үндэсний музейтэй хамтран "Хятан-Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэн юм.
  • “Урлагийн амьдрал” хамтарсан үзэсгэлэн тун удахгүй дэлгэгдэнэ“Урлагийн амьдрал” хамтарсан үзэсгэлэн тун удахгүй дэлгэгдэнэМонголын зураач урчууд Ардын Их баяр наадамдаа онцгой сайхан уран бүтээлийн бэлэг барьдаг уламжлал ёсоор Бадамжавын Чогсом /Монгол улсын Ардын зураач, МУЭ-ийн шагналт/ Долгоржавын Болд /Монгол улсын Ардын зураач, Төрийн шагналт/ нар хамтран “Урлагийн амьдрал” уран бүтээлийн хамтарсан үзэсгэлэнгээ 2019 оны 07 сарын 01-28-ны өдрүүдэд “МОНГОЛ АРТ ГАЛЕРЕЙ”-н танхимд дэлгэн толилуулах гэж байна.
  • Жуулчдын сэтгэлийг татах “LEGEND”Жуулчдын сэтгэлийг татах “LEGEND”Урин дулаан цаг ирж албан байгууллагуудын амралт эхлэхтэй зэрэгцэн аялал жуулчлалын үез алгадаг. Манай улс зуны улиралд 3 сая жуулчин хүлээн авах бүрэн хүчин чадалтай ч сүүлийн 10 жилд ирж буй гадаадын жуулчдын тоо 400 мянгаас илүү гарахгүй байна гэх судалгаа бий. Гадаадын жуулчид Монголд ирээд нүд хужирлах чанартай, хүлээн зөвшөөрөгдөхүйц соёл, урлагийн арга хэмжээ байхгүй байдаг нь жилийн жилд бидэнд тулгардаг асуудлын нэг.