2019-01-03 11:02

Уран зохиолын өдрүүд эхэлж байна

   Монголын зохиолчдын эвлэлийн 90 жилийн ой энэ онд тохиож буй. Ойд зориулан өнөөдөр /2019.01.03/ "Бадрангуй урлаг" ТББ-аас шинэ оны босгон дээр баринтагласан "Чингисийн Монголын тэнгэрлэг зохиолчид” номынхоо дээжийг Зохиолчдын эвлэлийн удирдлагуудад гардуулан өглөө. Мөн энэ өдөр ойн хүрээнд санаачилж, хэрэгжүүлэх ажлын талаар тус эвлэлийн Удирдах зөвлөлийн дарга До.Цэнджав, гүйцэтгэх захирал М.Саруулдалай, МЗЭ-ийн яруу найргийн Үндэсний төвийн тэргүүн Ж.Баяржаргал нар “Өдрийн сонин”-ы Асуух эрхийн танхимд мэдээлэл өглөө.

Яруу найргийн үндэсний төвийн тэргүүлэгч, “Болор цом”-ын эзэн Ж.Баяржаргал хэлэхдээ " Монголын зохиолчдын эвлэлийн ой энэ сарын 9-нд тохиож байна. Энэ сарын 5-нд Говь-Алтай аймагт  Болор цом наадам болно. Энэ үеэр Болор цомын шагналтнууд найргаа уншихаас гадна Монгол туургатан зохиолчдын байгууллага болох Тува, Өвөрмонгол, дээд Монголын зохиолчдын байгууллагаас төлөөлөл ирнэ. Энэ баасан гаригт “Их соёл Их үндэс” хөтөлбөрийн хүрээнд Монголын зохиолчдын эвлэлийн 90 жилийн нэрэмжит уран үгсийн нэгдсэн чуулган Говьсүмбэр аймгийн төвд зохион байгуулагдана. Үүнд ахмад, дунд, залуу үеийн 15 зохиолч, яруу найрагч оролцох юм. Үүнд, Монгол Улсын Ардын уран зохиолч  СГЗ Т.Галсан, МУ-ын СГЗ А.Төмөр-Очир, МУ-ын Төрийн шагналт Ц.Бавуудорж, МУ-ын СГЗ Г.Аюурзана, МУ-ын СГЗ Ш.Гүрбазар, СГЗ Б.Догмид нар уран үгсийн чуулганаа уншина. Энэ бол уншигч, зохиолчыг  уулзуулах хамгийн том арга хэмжээний нэг болоод байна" гэсэн юм.

Ойн хүрээнд уран зохиолын өдрүүд энэ долоо хоногт эхэлж байна. Энэ жил 39 дэх удаагаа зохиогдож буй "Болор цом" наадамд оролцох шилдэг 27 найрагчийн нэрс тодорсон бөгөөд 17 нь Монголын зохиолчдын эвлэлийн шагналтан байгаа аж. Наадамд оролцохоор 147 бүтээл иржээ. Мөн Яруу найргийн үндэсний төв, Монголын усан будгийн холбоо, Бест арт галлерей хамтран “Яруу найрагчийн хөрөг” үзэсгэлэнг маргааш үзэгчдийн хүртээл болгох аж. Үзэсгэлэнд 60 гаруй яруу найрагчийн хөргийг дэлгэнэ гэдгийг  Монголын зохиолчдын эвлэлийн олон нийттэй харилцах, хэвлэл мэдээллийн ажилтан Н.Пүрэв хэллээ. Тэрбээр “Ойг тохиолдуулан үзэсгэлэнгээс гадна маш олон үйл ажиллагааг зохион байгуулахаар төлөвлөсөн. Энэ сарын 4-нд Чойр хотод уран үгсийн чуулган уншигч зохиолчдын уулзалт болно. Оны шилдэг шалгаруулах "Алтан өд" наадам нэгдүгээр сарын 7-нд гадаад харилцааны яаманд болно. Мөн энэ сарын 8-нд Монголын зохиолчдын эвлэлийн 90 жилийн ойд зориулсан эрдэм шинжилгээний бага хурлыг Монгол улсын их сургуулийн номын санд зохион байгуулна. Ойн өдөр Их зохиолч, төр нийгмийн зүтгэлтэн Д.Нацагдорж, эзэн Чингис хааныхаа хөшөөнд цэцэг өргөж хүндэтгэл үзүүлэн баярын хурлаа хийнэ” гэв. 

МЗЭ-90 жилийн ойн хүндэтгэлийн үйл ажиллагааны ХӨТӨЛБӨР

2019-01-03

14:00 “Яруу найрагчдын хөрөг-2019” уран зургийн үзэсгэлэн /Монголын Урчуудын Эвлэлийн “Best Art” галарей/

2019-01-04

08:00 “Уран үгсийн чуулган”-д оролцох зохиолчид Улаанбаатараас хөдлөх 12:00 “Уран үгсийн чуулган” Баянтал суманд 14:00 “Уран үгсийн чуулган” Шивээговь суманд

18:00 Говьсумбэр аймагт “Уран үгсийн нэгдсэн чуулган “Боржигон” театрт 19:00 “Номтой галт тэрэг” хөтөлбөрийн нээлт /Улаанбаатар төмөр зам вокзал/

21:00 “Болор цом-36”-д оролцох яруу найрагчид Говьсүмбэр рүү хөдлөх

2019-01-05

08:00 Өглөөний цай

09:00 МЗЭ-ийн удирдлага, “Болор цом”-д оролцох найрагчдыг аймгийн ЗДТГ тосч авах

11:40 “Болор цом-36” наадмын нээлт

15:00 Үдийн завсарлага

18:00 “Болор цом”-ын хаалт

19:00 Говьсүмбэр аймгийн ЗД-ын хүлээн авалт

22:00 Галт тэргэндээ суух

24:00 Галт тэрэг хөдлөх /01,06-ны 07:00 Улаанбаатарт ирэх/

2019-01-07

18:00 Утга зохиолын оны шилдэг бүтээл шалгаруулах “Алтан-Өд-2018” наадмын ёслолын ажиллагаа /Гадаад Харилцааны Яам/

2019-01-08

14:00 “Монголын шинэ үеийн уран зохиолын өнөөгийн төлөв, ирээдүйн чиг хандлага” сэдэвт эрдэм шинжилгээний хурал /МУИС-ийн номын сан/

18:00 Богино өгүүллэгийн “Утгын чимэг-2018” наадам /Монголын Хүүхдийн Ордон/

2019-01-09

13:00 Д.Нацагдоржийн хөшөөнд цэцэг өргөх ёслол, Чингис хаан, Д.Сүхбаатарын хөшөөнд хүндэтгэл үзүүлэх

14:00 “Монголын Зохиолчид -90” гэрэл зургийн үзэсгэлэн,

Номын чимэг зургийн үзэсгэлэн /Хүүхдийн номын ордон/

15:00 “Монголын Зохиолчдын Эвлэл-90”баярын хурал, хүндэтгэлийн концерт /УлсынДуурь Бүжгийн Эрдмийн Театр/

19:00 “МЗЭ 90” хүндэтгэлийн хүлээн авалт /Улаанбаатар ресторан/

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Жуулчдын сэтгэлийг татах “LEGEND”Жуулчдын сэтгэлийг татах “LEGEND”Урин дулаан цаг ирж албан байгууллагуудын амралт эхлэхтэй зэрэгцэн аялал жуулчлалын үез алгадаг. Манай улс зуны улиралд 3 сая жуулчин хүлээн авах бүрэн хүчин чадалтай ч сүүлийн 10 жилд ирж буй гадаадын жуулчдын тоо 400 мянгаас илүү гарахгүй байна гэх судалгаа бий. Гадаадын жуулчид Монголд ирээд нүд хужирлах чанартай, хүлээн зөвшөөрөгдөхүйц соёл, урлагийн арга хэмжээ байхгүй байдаг нь жилийн жилд бидэнд тулгардаг асуудлын нэг.
  • “The Hu” хамтлаг өнөөдрөөс эхлэн Европын зургаан хотод тоглоно“The Hu” хамтлаг өнөөдрөөс эхлэн Европын зургаан хотод тоглоноЕвропын 23 орноор аялан тоглолт хийж буй “The Hu” хамтлагийг өчигдөр Монгол Улсаас ИБУИНХУ-д суугаа Элчин сайд Н.Тулга хүлээн авч уулзжээ. Энэ үеэр Элчин сайдын яам болон тоглолтын ерөнхий зохион байгуулагч “Eleven Seven” студи хамтран хэвлэлийн бага хурал, уулзалт ярилцлага зохион байгуулжээ. Үүнд Британийн нэр хүндтэй “BBC 3 World Music”, “Daily Express”, “BBC Radio 6 Music” “Daily Telegraph”, “I Newspaper”, “Classic Rock”, “Freelance”, “Forbes”, “Меtro”, “Record Collector” зэрэг 20 гаруй хэвлэл мэдээллийн байгууллагын 40 төлөөлөгч оролцож, “The Hu” хамтлагийн хамтлагийн уран бүтээл, Монгол хөгжмийн гайхамшгийн талаар чөлөөт яриа өрнүүллээ. Энэ үеэр “The Hu” хамтлагийнхан жил хүрэхгүй хугацаанд зөвхөн youtube сувгаар 27 орчим сая сонсогч, үзэгчид хүрсэн “Yu ve yu ve yu” дуугаа дуулж сонирхуулав.
  • “Хайрын виз” 13-н жилийн дараа шинэ дүр төрх, шинэ тавилттайгаар дахин амилна“Хайрын виз” 13-н жилийн дараа шинэ дүр төрх, шинэ тавилттайгаар дахин амилнаУлсын драмын эрдмийн театрт соёлын гавьяат зүтгэлтэн, зохиолч, сэтгүүлч Ц.Балдоржийн “Хайрын виз” уянгын драмын жүжгийг 13-н жилийн дараа шинэ дүр төрх, шинэ тавилттайгаар дахин амилуулахаар болжээ. Жүжгийн найруулагчаар М.Батболд ажиллаж байгаа бол Т.Сэргэлэн, О.Майдарравжаа, П.Мягмарсүрэн, Ц.Цэлмүүн, СТА М.Түвшинхүү, МУГЖ Ж.Оюундарь нар тоглож байгаа юм байна.
  • "К ПОП"-ын ковер тоглолт үзээд Солонгос Улсад хосоороо аялаарайДэлхийн урлаг соёлын салбарт Ази, тэр дундаа Солонгос уран бүтээлчид хүчээ авч байгаа энэ цаг үед "Dream High Mongolia"-гийн хамт олон цаг үеэ олсон тоглолтыг зохион байгуулахаар болоод байна. Энэхүү тоглолт нь "Kpop cover concert" юм.
  • “The Hu” хамтлагийнхан хоёр азтан шалгаруулна“The Hu” хамтлагийнхан хоёр азтан шалгаруулнаДэлхийд нэрээ цуурайтуулж буй “The Hu” хамтлаг анхныхаа бүрэн хэмжээний тоглолтоо эх орондоо хийх гэж байгаа билээ. Тэд “Гэрэг” хэмээх анхны рок концертоо тавдугаар сарын 23,24-ний өдрийн 19.00 цагаас “White Rock” центрт тоглоно. Тэгвэл тус хамтлагийн “Гэрэг” цомгийн дуунуудаас бүрдсэн тоглолтын өдөр хоёр азтан шалгаруулж, тасалбар олгох гэж байна.