2019-01-30 01:11

Хөвсгөлийн хөгжмийн зохиолчид цомог худалдаанд гарлаа

   Монголын ард түмний сэтгэлд мөнхрөн хоногшсон  тансаг  олон  сайхан аялгууг Морин хуурийн хөг эгшгээр шинэчлэн найруулан тоглож, олны хүртээл болгоод байна. Тодруулж хэлбэл, Хөвсгөл нутгийн алдартай авьяаслаг хөгжмийн  зохиолчдын хөгжмийн бүтээлүүдийг МОРИН ХУУРЫН ЧУУЛГЫН шинэчилсэн найруулгаар дахин мөнхөлж,  “Хөвсгөлийн хөгжмийн зохиолчид” хөгжмийн цомгийг  бэлтгэн  худалдаанд гаргажээ. Энэхүү хөгжмийн найруулгыг Филармонийн Морин хуурын чуулгын  удирдаач,  МУСТА Д.Түвшинсайхан хийсэн байна.

   Хөвсгөл нутгаас 20-р зууны эхэн үеэс өнөөг хүртэл 17 хөгжмийн зохиолч төрсөн бөгөөд тэдгээр хөгжмийн зохиолчдод хүндэтгэл үзүүлэх  тоглолтыг “Хөвсгөлийн хөгжмийн зохиолчдыг дэмжих сан” өнгөрсөн оны зургаадугаар сард зохион байгуулсан  билээ. Анх удаа хөгжмийн зохиолчдын нэгдсэн тоглолт болж, Монголын хөгжмийн урлагийн түүхэнд шинэ хуудас нээж байв.

   Хөвсгөл аймгийн Эрдэнэбулган сумын уугуул Цэргийн хөгжмийн нэрт зүтгэлтэн, хөгжмийн зохиолч, удирдаач Монгол Улсын ардын жүжигчин  Пүрэвжавын Хаянхярваагийн хөгжим “Цэргийн нөхөр Цэрэнтэйгээ”.

  • Хөвсгөл аймгийн Их-Уул сумын уугуул хөгжмийн зохиолч, найрал дууны удирдаач МУУГЗ Товуугийн Насанбуянгийн хөгжим “Орь залуу нас”.
  • Хөвсгөл аймгийн Мөрөн сумын уугуул хөгжмийн зохиолч, удирдаач, “Морин хуур” наадмын Тэргүүн шагналт, МУСТА агсан Жигжидийн Жаргалсайханы хөгжим “Гэнэн сэтгэл” киноны дуу.
  • Хөвсгөл аймгийн Ханх сумын уугуул хөгжмийн зохиолч, судлаач, “Морин хуур” наадмын хошой Тэргүүн шагналт, МУУГЗ Тогтохын Сэр-Одын хөгжим “Зөвхөн чамдаа”.
  • Хөвсгөл аймгийн Ханх сумын уугуул Цэргийн хөгжмийн зүтгэлтэн, хөгжмийн зохиолч, удирдаач МУУГЗ агсан Рэнцэндоржийн Ганбатын хөгжим “Насны ганц хань”.
  • Хөвсгөл аймгийн Чандмань- Өндөр сумын уугуул хөгжмийн зохиолч, “Морин хуур” наадмын хошой Тэргүүн шагналт, МУСТА Цэндээгийн Эрдэнэбатын хөгжим “Бодлын бороо- Сэтэрт тал”.
  • Хөвсгөл аймгийн Мөрөн сумын уугуул хөгжмийн зохиолч МУСТА Очирбатын Эрдэнэбатын хөгжим “Нүдэн гоо” зэрэг бүтээлүүд багтжээ.

   Монгол түмний уламжлалт их баяр цагаан сараар  гайхалтай аялгуутай хуурцагийг авч эрхэм нандин  хүмүүстээ бэлэглэж сэтгэлийн их цэнгэл эдлүүлээрэй.

   Алдарт хөгжмийн зохиолчдын тансаг эгшиглэн  сонорыг тань мялааж, зүрхийг тань дүүргэн,  сэтгэлийг тань баясгана.

Захиалгын утас: 77118833, 99071460

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “Үдшийн музей” жазз хөгжмөөр “амьсгалав”“Үдшийн музей” жазз хөгжмөөр “амьсгалав”“Үдшийн музейд” 2015 онд “Хөсөгтөн” хамтлаг, 2016 онд Морин хуурын чуулга, 2017 онд “Улаанбаатар” чуулгын уран бүтээлчид зочилж байсан бол энэ жил Монгол Улсын Филармонийн “Баянмонгол” чуулга жазз тоглолтоороо үзэгчдэд бэлэг барилаа. Мөн Чойжин ламын сүм музейн арвин баялаг сан хөмрөг, хосгүй үнэт бүтээлүүдээс цугласан олонд тусгайлан зориулж, музейн “Цам” үзэсгэлэнг сонирхуулсан бол “Монгол төрийн сахиусны өргөө” түүхэн гэрэл зургийн үзэсгэлэнг үзэж мэлмий баясгахын зэрэгцээ музейн өвөрмөц тансаг орчинд тухлан жазз хөгжмийн гайхамшигт тоглолтыг тогложээ.
  • “Naadam night” шоу зохион байгуулна“Naadam night” шоу зохион байгуулнаБаяр наадмын үеэр жуулчдад зориулан зохион байгуулж буй “Naadam night” шоу долоодугаар сарын 11-ний орой 21:00 цагт Үндэсний соёл амралтын хүрээлэнд болно. Наадмын нээлтийн соёл урлагийн хөтөлбөрийг орой нь жуулчдад зориулан орчуулгатай хүргэх “Naadam night” шоу арга хэмжээг зохион байгуулах бэлтгэл ажил хангагдаж хөтөлбөр бэлэн болсон байна гэж
  • Хятан-Их Ляо улсын үеийн шилдэг үзмэрийн үзэсгэлэн нээгдлээХятан-Их Ляо улсын үеийн шилдэг үзмэрийн үзэсгэлэн нээгдлээМонгол Улс, БНХАУ-ын хооронд дипломат харилцаа тогтоосны 70 жилийн ойг хоёр улс 2019 онд ёслол төгөлдөр тэмдэглэж байна. Ойн хүрээнд хоёр улсын соёлын солилцоог хөгжүүлэх зорилгоор зохион байгуулж буй нэгэн томоохон ажил нь БНХАУ-ын Өвөр Монголын музей, Монголын Үндэсний музейтэй хамтран "Хятан-Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэн юм.
  • “Урлагийн амьдрал” хамтарсан үзэсгэлэн тун удахгүй дэлгэгдэнэ“Урлагийн амьдрал” хамтарсан үзэсгэлэн тун удахгүй дэлгэгдэнэМонголын зураач урчууд Ардын Их баяр наадамдаа онцгой сайхан уран бүтээлийн бэлэг барьдаг уламжлал ёсоор Бадамжавын Чогсом /Монгол улсын Ардын зураач, МУЭ-ийн шагналт/ Долгоржавын Болд /Монгол улсын Ардын зураач, Төрийн шагналт/ нар хамтран “Урлагийн амьдрал” уран бүтээлийн хамтарсан үзэсгэлэнгээ 2019 оны 07 сарын 01-28-ны өдрүүдэд “МОНГОЛ АРТ ГАЛЕРЕЙ”-н танхимд дэлгэн толилуулах гэж байна.
  • Жуулчдын сэтгэлийг татах “LEGEND”Жуулчдын сэтгэлийг татах “LEGEND”Урин дулаан цаг ирж албан байгууллагуудын амралт эхлэхтэй зэрэгцэн аялал жуулчлалын үез алгадаг. Манай улс зуны улиралд 3 сая жуулчин хүлээн авах бүрэн хүчин чадалтай ч сүүлийн 10 жилд ирж буй гадаадын жуулчдын тоо 400 мянгаас илүү гарахгүй байна гэх судалгаа бий. Гадаадын жуулчид Монголд ирээд нүд хужирлах чанартай, хүлээн зөвшөөрөгдөхүйц соёл, урлагийн арга хэмжээ байхгүй байдаг нь жилийн жилд бидэнд тулгардаг асуудлын нэг.