2019-02-22 03:22

БНСУ-ын Засгийн газар К-поп оддоо шүүмжлэв

   Өмнөд Солонгосын Засгийн газар "К-поп одод ижил төрхтэй" хэмээн шүүмжилж, хөгжмийн энэ салбарыг солонгоруулах зорилгоор ерөнхий чиглэл гаргасан ч шүтэн бишрэгчдийн зүгээс эсэргүүцэлтэй тулсан учир татаж авахад хүрчээ.

   Өнгөрсөн долоо хоногт Хүйсийн тэгш байдал, гэр бүлийн яамнаас Солонгосын телевизүүдэд хүргүүлсэн чиглэлд К-поп хамтлагуудын ижил төрх үзэгчдийн дунд гоо сайхны эрүүл бус стандарт тогтооход хүргэж болзошгүй хэмээн анхааруулжээ. Гэвч шүүмжлэгчид Засгийн газрын өгсөн чиглэлийг өндөр ашигтай салбарыг цензурдэх оролдлого гэж үзжээ. Иймээс холбогдох яам ерөнхий чиглэлийн зарим заалтыг дахин боловсруулах гэнэ. Хөгжмийн шоуны гоо сайхны стандарт энэчлэн ноцтой асуудал болж байна. Үзэгчдийн шүтээн болсон хамтлагуудын гишүүд нийгмийн өнгө төрхийг бүхэлд нь илэрхийлэхгүй байна гэж тус чиглэлд дурдсан байжээ. Мөн алдартай хамтлагуудын ихэнх гишүүд туранхай, цагаан царай, үсний засалт, бие барьсан хувцас, нүүр будалт зэрэг гадаад төрхөөрөө ижил байгааг шүүмжилсэн байна.

   “Засгийн газар цагаан царайтай царайлаг одууд телевизээр нэгэн зэрэг гарч болохгүй гэлээ. Энэ нь эрчүүдийн үсний засалт, эмэгтэйчүүдийн банзалын уртыг хянадаг цэргийн дэглэмээс юугаараа ялгаатай юм бэ? Олон нийт өөрсдөө юу сонирхох эсэхээ шийдэх ёстой” гэж сөрөг хүний намын хууль тогтоогч Ха Тэ-кюн олон нийтийн сүлжээнд бичжээ. Харин Хүйсийн тэгш байдал, гэр бүлийн яамны зүгээс "Эдгээр саналыг цензур гэж тайлбарлаж буй нь ерөнхий чиглэлийн зорилгыг үгүйсгэх оролдлого. Түүнээс урлагийн энэ урсгалыг хянах зорилго агуулаагүй" гэж тайлбарласан талаар CNN мэдээлжээ.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
  • Үндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой энэ жил тохиож буй. Ойн хүрээнд баримтат кино, кино концерт, түүхэн ном бүтээж, цуврал тоглолт хийхээр төлөвлөж байгаа талаар уран бүтээлчид нь мэдээлэл хийлээ.
  • Д.Отгонжаргал фэнүүдээ Д.Отгонжаргал фэнүүдээ "Хун галуу"-ны эгшиглэнт ертөнцөөр аялуулнаДуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ "Монгол Улсын Соёлын тэргүүний ажилтан" хэмээх эрхэм алдрыг хүртсэн нь саяхан.
  • С.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлангийн дууг мэдэхгүй хүн гэж үгүй. Найман настай балчраас наян настай буурай хүртэл даган дуулж, уяран хайлж байна. Түүний дуунууд одоо ч хуучнаараа, сонсох бүрийд дотнохон. УИХ-ын гишүүн болоод урлагийн алтан тайз, үзэгч, сонсогч фэнүүдээсээ хэсэг хугацаанд хөндийрөөд байсан Гавьяат жүжигчин С.Жавхлан тайзнаа иргэн ирлээ. Тэрээр ард түмэнтэйгээ тайзан дээрээс энэ өдрүүдэд мэндчилж байна.
  • “МОРИН ХУУР- 33” шилдэг дууны концерт болно“МОРИН ХУУР- 33” шилдэг дууны концерт болноМонгол Улсын Соёлын яам, Засгийн газрын хэрэгжүүлэгч агентлаг Соёл, урлагийн газар, Монголын Хөгжмийн Зохиолчдын холбоо, Монгол Улсын Филармони хамтран “БҮХ НИЙТИЙН ХӨГЖМИЙН БАЯР 2020” арга хэмжээг 2020 оны аравдугаар сарын 05-ны өдрөөс арваннэгдүгээр сарын 15-ны өдрийг хүртэлх хугацаанд улсын хэмжээнд зохион байгуулж байна.
 Сүүлд нэмэгдсэн дуу