2019-02-28 01:53

“Бүсгүйн зурвас” жүжгийн СОНИРХОЛТОЙ БАРИМТУУД

   “Жүжиг мэт амьдралд-Амьдарч буй мэт жүжиглэсээр орших” хэмээн өгүүлэх “Бүсгүйн зурвас” цоо шинэ нийгмийн драмын жүжиг Улсын драмын эрдмийн театрын тайзнаа тавигдах гэж буй. Нийгэмд нэлээдгүй хүлээлтийг үүсгэж байгаа “Бүсгүйн зурвас” жүжгийн талаар сонирхолтой баримтуудыг хүргэж байна.


“ЯРИЛЦЛАГА” ЖҮЖИГ НЭРЭЭ ӨӨРЧИЛЖЭЭ

Улсын драмын эрдмийн театрын ерөнхий найруулагч, Төрийн соёрхолт Н.Наранбаатар яруу найрагч, зохиолч Л.Өлзийтөгсийн бүтээлийг театрынхаа тайзнаа амилуулна.

Найруулагч Н.Наранбаатар энэ удаа яруу найрагч, зохиолч Л.Өлзийтөгсийн "Ярилцлага" бүтээлээр цоо шинэ нийгмийн драмын жүжиг тайзнаа тавих гэж байгаа нь олны анхаарлыг татаж буй. Уг драмын жүжгийн “Ярилцлага” нэрийг тус театрын Уран сайхны зөвлөлөөр батлахдаа “Бүсгүйн зурвас” хэмээх нэртэй болгожээ.

Л.ӨЛЗИЙТӨГС, Н.НАРАНБААТАР НАР АНХ УДАА

Улсын драмын эрдмийн театрын ерөнхий найруулагч Н.Наранбаатар “Өнөөдөр” сонинд өгсөн ярилцлагадаа “2012 оны сүүлчээр байх аа, тухайн үеийн ССАЖЯ-наас Орчин үеийн жүжгийн зохиолын уралдаан зарласан юм. Уралдаанд ирсэн бүтээлүүд дээр зохиолчдын нэрийг тавихгүй, кодлоод шүүгчдэд уншуулсан. Тэр дунд УИХ-ын гишүүн, сэтгүүлч хоёрын хоорондын харилцан яриа бүхий “Ярилцлага” нэртэй нэгэн бүтээл миний сонирхлыг ихэд татсан нь Л.Өлзийтөгсийн зохиол байсныг хожим мэдсэн.

Хэдийгээр тэр зохиол байр эзлээгүй ч би “Цаг нь болохоор үүгээр заавал жүжиг найруулна” гээд хадгалчихсан байснаа өнөө жил ажил хэрэг болгож байгаа минь энэ. Өлзийд энэ тухай дуулгахад “Зохиолоор минь жүжиг тавих эрхийг чамд өгөлгүй яах вэ. Чи угаасаа чадна. Өгүүллэг байсныг нь жүжиг болгож янзалсан, гайгүй юм болох нь уу” гээд уриалгахан хүлээж авсан” тухайгаа ярьжээ.

ГУРВАН ГАВЬЯАТЫН ХОРШИЛ

“Бүсгүйн зурвас” жүжигт Улсын драмын эрдмийн театрын гурван гавьяат тоглох нь ээ. Тодруулбал, тус театрын жүжигчин, Монгол Улсын гавьяат жүжигчин Б.Жаргалсайхан, Г.Урнаа, Ж.Оюундарь нар тоглож байгааг дуулгахад таатай байна.

ДРАМЫН ТЕАТРЫН ГЭР БҮЛИЙН ХОС

“Бүсгүйн зурвас” жүжигт хүний мөн чанар, ёс зүй, үнэ цэнэ, итгэл үнэмшил хийгээд өнөө цагийн нийгмийн хүрээн дэх ил, далд орших олон асуудлыг хөндөн өгүүлнэ. Энэ жүжгийн гол дүр болох Архай сайдын дүрд Монгол Улсын гавьяат жүжигчин Б.Жаргалсайхан тоглосон бол түүний гэргий Монгол Улсын гавьяат жүжигчин Г.Урнаа Туяагийн дүрд тогложээ.

Н.НАРАНБААТАР НАЙРУУЛАГЧИЙН ХОЁР ДАХЬ НИЙГМИЙН ДРАМ

   Тэрбээр “Өнөөдөр” сонинд өгсөн ярилцлагадаа “Миний хувьд нийгмийн хоёр дахь драмаа тавьж байгаа минь энэ. Ц.Балдорж агсны “Шөнө амталсан нулимс” бүтээлээр 2005 онд нийгмийн драм найруулан тавьж байсныг үзэгчид санаж байгаа байх. Тухайн үедээ нэлээд шуугиан тарьсан бүтээл. Нийгмийн драм гэдэг жанр бол нийтийн эрх ашгийн төлөө, олон түмэнд гашуун үнэнийг мэдүүлж, нийгмийг цочроон сэрээхэд чиглэдгээрээ онцлогтой” гэжээ.

ТАЙЗ, ЧИМЭГЛЭЛД ОРЧИН ЦАГИЙН СЦЕНОГРАФИЙГ АШИГЛАСАН

   “Бүсгүйн зурвас” шинэ уран бүтээлийн ерөнхий зураач Т.Ганхуяг ярихдаа “Энэ жүжгийн гол санаа бол нийгмийн олон санааг давхцуулж хийж байгаагаараа онцлог. Учир нь хамгийн сүүлийн үеийн урлагийн ертөнцийн чиглэл өрөг буюу инстоляци. Энэ өрөг урлаг нь олон санааны нэгдэл шүү дээ. Үүнтэй адил “Бүсгүйн зурвас” жүжгийн тайз, декорацын санаа бол жүжгийнхээ агуулгыг бүхлээр нь агуулж байгаа.

   Жишээлбэл, театрын тайз дөрөв дэх засаглал болсон хэвлэл мэдээллийн хэрэгслийн талаар өгүүлнэ. Монголчууд төрт ёсны уламжлалтай. Бид одоо ч төрийн хар хүн гэж ярьдаг. Төрийн хар гэж ямар хүн юм бэ, хүмүүний амьдралын дотоод сэтгэлийн энэрэл, хайр, нигүүсэл энэ бүхэн байхгүй болбол бидний ёс суртахуун яаж доройтож байна вэ. Ерөөсөө “Бүсгүйн зурвас” жүжгээрээ энэ нийгмийн ёс суртахууны доройтлын тухай л тайз, декорац тэр чигээрээ дуугарч байгаа” гэв.

А.СҮРЭН

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Нэрт найруулагч Г.Доржсамбуу агсны 70 насны ойд зориулсан тоглолт болноНэрт найруулагч Г.Доржсамбуу агсны 70 насны ойд зориулсан тоглолт болноУлсын Драмын Эрдмийн театрын хамт олон алтан үеийн болон ахмад уран бүтээлчдийн алдрыг хүндэтгэж, бүтээж туурвих арга ухааныг нь хойч үедээ уламжлуулан үлдээх зорилгоор “Алтан тайзны эзэд- Бид мартахгүй” дурсамж, хүндэтгэлийн арга хэмжээг жил бүр уламжлал болгон зохион байгуулдаг билээ. Харин энэ удаад нэрт найруулагч, жүжигчин Г. Доржсамбуу агсны 70 насны ойг тохиолдуулан “Тэнгэр мэднэ” хүндэтгэлийн арга хэмжээг зохион байгуулах гэж байна.”Тэнгэр мэднэ” хүндэтгэлийн арга хэмжээ энэ сарын 22-нд Улсын Драмын эрдмийн театрт 13:00 цагт болно.
  • Олон улсын циркийн тоглолтын эхний өдрүүдийн тасалбар дуусчээОлон улсын циркийн тоглолтын эхний өдрүүдийн тасалбар дуусчээЖил бүрийн хавар Монголын Үндэсний Цирк дэлхийн өнцөг булан бүрээс шилдэг циркийн үзүүлбэрүүдийг эх орондоо урьж авчирдаг. Тэгвэл энэ жилийн хувьд Олон улсын циркийн тоглолт 3-р сарын 23-ны өдрөөс эхлэх гэнэ. Тус тоглолтонд Орос, Франц, Украин, Киргиз, Польш зэрэг орны төлөөллүүд хүрэлцэн ирсэн байна. Жүжигчдийн хувьд олон улсын циркийн наадмын шагналт, тэргүүн байрын уран бүтээлчид байгаагаараа онцлог аж. Үзэгч хүүхдүүдэд хамгийн их таалагдах үзүүлбэр нь сургуультай пудль нохой, эр зоригт морьтон залуусын тоглолт байх бол үзэгчдийг хөгжөөн баясгах алиалагчид энэ удаа жинхэнэ мэт цагаан баавгайтай хамтран тоглох нь.
  • Дөрөвдүгээр сарын үзвэрийн хуваарьДөрөвдүгээр сарын үзвэрийн хуваарьУрлагийн салбарын салаа мөчир дундаас сонгодог урлаг, дуурийн дуулаач, балеть мастерууд үзэгчдийн мэлмийг баясгаж оюуны боловсрол олгон, сэтгэлийн таашаал өгч байдаг. Ингээд дөрөвдүгээр сард ямар ямар тоглолт болох талаарх мэдээллийг хүргэе.
  • "Хайрын урь" тоглолт болноХүмүүний амьдралд жаргал зовлон, баяр гуниг, хайр дурлал, хагацал учрал байгаа цагт дуу төрсөөр, дуучид дуулсаар л байх болно. Дуу хөгжим гэдэг хүний сэтгэлийг сэргээн уярааж, ухаарал уярал хайрлаж байдаг агуу ид шидтэй, ая эгшигийн дээд. Монгол түмэн хэзээнээсээ дууч ард түмэн.
  • "Алтан өргөө" симфони чуулбар болон дан хөгжмийн бүтээлүүд эгшиглэнэ1961 онд “Алтан өргөө” Монголын уран сайхны кино дэлгэцийн бүтээл болж, та бидний сэтгэлд хоногшин үлдсэн түүхтэй. Эл киног үзээгүй хүн ховор. Тэгвэл "Алтан өргөө" киноны симфони чуулбарыг Монгол Улсын Филармонийн симфони найрал хөгжим үзэгчдэд сонордуулах гэж байна. Тоглолт 2019 оны гуравдугаар сарын 15-нд 19:00 цагаас Улсын Филармонийн тайзнаа ганцхан удаа болно. Тоглолтын үеэр хөөмий, хуучир, төгөлдөр хуурын дан хөгжмийн бүтээлийг мөн толилуулах ажээ.