2019-03-28 02:07

Өмнөговь аймаг 2019 оныг "Соёл, урлагийг дэмжих жил" болгон зарлалаа

    Өмнөговь аймаг 2019 оныг "Соёлыг дэмжих жил" болгон зарлаж Ном уншдаг, Өв соёлоо дээдэлдэг, Нийтийн соёлыг эрхэмлэдэг аймаг болох зорилт тавин ажиллаж байгаа бөгөөд 03-р сарын 25-ны өдөр аймгийн ЗДТГ-ын хурлын танхимд “Соёл урлаг-тогтвортой хөгжил” аймгийн соёлын ажилтны зөвлөгөөнийг зохион байгууллаа. Тус зөвлөгөөнийг Засгийн газрын хэрэгжүүлэгч агентлаг Соёл урлагийн газар нь аймгийн БСУГ-тай хамтран зохион байгуулсан ба зөвлөгөөнд аймгийн ИТХ-ын дарга Х.Сугар, аймгийн засаг дарга Н.Наранбаатар болон сумдын засаг дарга нар, соёл, урлагийн байгууллагын ажилтнууд, ардын авъяастнууд, чөлөөт уран бүтээлчдийн төлөөлөл оролцсон юм.

 

    Соёл, урлагийн газрын дарга Г.Эрдэнэбат: Зөвлөгөөнд оролцогчдод хандаж хэлсэн үгэндээ Монгол улсын Засгийн газрын 2017 оны 269 дүгээр тогтоол, Боловсрол, соёл, шинжлэх ухаан, спортын сайдын 2018 оны А/196 дугаар  тушаал, Засгийн газрын хэрэгжүүлэгч агентлаг Соёл, урлагийн газрын даргын 2018 оны А/157 – р тушаалын хүрээнд 2018 оны 08 – р сарын 11-15 ны өдрүүдэд Улаанбаатар хотноо Хүй долоон худаг, Монгол наадам цогцолборт зохион байгуулагдсан “Нүүдэлчин Монгол” Соёлын биет бус өвийн их наадамд Өмнөговь аймгаас оролцсон ардын авьяастнууд амжилттай оролцож тэргүүн байр эзлэсэн. Энэ бол аймгийн удирдлагуудын дэмжлэг, ардын авъяастнуудын зүтгэл нийлээд ямар амжилтанд хүрч болдгийг бусаддаа харуулсан томоохон үйл явдал байсан.

   Танай аймаг 2019 оныг "Соёлыг дэмжих жил" болгон зарлаж ном уншдаг, өв соёлоо дээдэлдэг, нийтийн соёлыг эрхэмлэдэг аймаг болох зорилт тавин ажиллаж соёл урлагийн салбараа дэмжин орон нутгийн хөрөнгө оруулалтаар 18 тэрбум төгрөгийн хөрөнгө оруулалтын ажлыг хийж гүйцэтгэж байгаа нь Монгол Улсын Ерөнхий сайдын У.Хүрэлсүхийн “Ард түмнээ соён гэгээрүүлэх ажлыг зохион байгуулъя” гэсэн уриалга, санал санаачлагатай цаг үеийн хувьд давхцсан сайхан үйл ажиллагаа болж байна гэсэн юм. Мөн салбартаа үр бүтээлтэй ажилласан шилдэг соёлын ажилтнуудыг Монгол улсын засгийн газрын шагнал “Соёлын тэргүүний ажилтан” цол тэмдэг, БСШУСЯ – ны жуух бичгээр тус тус шагнав. 

   Аймгийн соёл, урлагийн ажилтны зөвлөгөөнд СУГ - ын хэлтсийн дарга Г.Батхуяг “Бүс нутгийн тогтвортой хөгжилд соёлын салбарын гүйцэтгэх үүрэг” сэдвээр,  СУГ – ын Музей, соёлын үл хөдлөх дурсгал хариуцсан мэргэжилтэн Ч.Нацагням “Соёлын өвийн хадгалалт хамгаалалтын менежмент” сэдвээр илтгэл танилцуулж хэлэлцүүлэг өрнүүлсэн юм. Мөн өдрийн үдээс хойших хөтөлбөрийн дагуу  зохион байгуулагдсан “Номын сангийн үйлчилгээний чанар, хүртээмж” салбар хуралдаан, сургалтыг СУГ – ын Ном хэвлэлийн бодлогын хэрэгжилт хариуцсан мэргэжилтэн Д.Бямбасүрэн, “Музей, соёлын өвийн хадгалалт хамгаалалт” салбар хуралдааныг Музей, соёлын үл хөдлөх дурсгал хариуцсан мэргэжилтэн Ч.Нацагням, “Театр урлагийн байгууллагын үйлчилгээний чанар, хүртээмж” салбар хуралдаан, сургалтыг Тайз, циркийн бодлогын хэрэгжилт хариуцсан мэргэжилтэн З.Соёлмаа нар чиглүүлэн ажиллалаа.

   Соёл урлагийн газрын дарга Г.Эрдэнэбат болон холбогдох мэргэжилтнүүд 03-р сарын 26 ны өдөр орон нутгийн хөрөнгө оруулалтаар баригдаж буй музей, театрын барилгын явц, үйл ажиллагаатай танилцаж соёлын зориулалттай барилга байгууламжид тавигдах стандартын хүрээнд мэргэжлийн зөвлөгөө өгч ажилласан юм. 

  

   Мөн Өмнөговь аймгийн төв талбай дээр зохион байгуулагдсан “Соёлыг дэмжих жил"-ийн нээлт болон аймгийн ЗДТГ –аас сумдын соёлын төвүүдэд “Пургон” авто машины түлхүүр гардуулах ёслолын ажиллагаанд оролцлоо.

 

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “Үдшийн музей” жазз хөгжмөөр “амьсгалав”“Үдшийн музей” жазз хөгжмөөр “амьсгалав”“Үдшийн музейд” 2015 онд “Хөсөгтөн” хамтлаг, 2016 онд Морин хуурын чуулга, 2017 онд “Улаанбаатар” чуулгын уран бүтээлчид зочилж байсан бол энэ жил Монгол Улсын Филармонийн “Баянмонгол” чуулга жазз тоглолтоороо үзэгчдэд бэлэг барилаа. Мөн Чойжин ламын сүм музейн арвин баялаг сан хөмрөг, хосгүй үнэт бүтээлүүдээс цугласан олонд тусгайлан зориулж, музейн “Цам” үзэсгэлэнг сонирхуулсан бол “Монгол төрийн сахиусны өргөө” түүхэн гэрэл зургийн үзэсгэлэнг үзэж мэлмий баясгахын зэрэгцээ музейн өвөрмөц тансаг орчинд тухлан жазз хөгжмийн гайхамшигт тоглолтыг тогложээ.
  • “Naadam night” шоу зохион байгуулна“Naadam night” шоу зохион байгуулнаБаяр наадмын үеэр жуулчдад зориулан зохион байгуулж буй “Naadam night” шоу долоодугаар сарын 11-ний орой 21:00 цагт Үндэсний соёл амралтын хүрээлэнд болно. Наадмын нээлтийн соёл урлагийн хөтөлбөрийг орой нь жуулчдад зориулан орчуулгатай хүргэх “Naadam night” шоу арга хэмжээг зохион байгуулах бэлтгэл ажил хангагдаж хөтөлбөр бэлэн болсон байна гэж
  • Хятан-Их Ляо улсын үеийн шилдэг үзмэрийн үзэсгэлэн нээгдлээХятан-Их Ляо улсын үеийн шилдэг үзмэрийн үзэсгэлэн нээгдлээМонгол Улс, БНХАУ-ын хооронд дипломат харилцаа тогтоосны 70 жилийн ойг хоёр улс 2019 онд ёслол төгөлдөр тэмдэглэж байна. Ойн хүрээнд хоёр улсын соёлын солилцоог хөгжүүлэх зорилгоор зохион байгуулж буй нэгэн томоохон ажил нь БНХАУ-ын Өвөр Монголын музей, Монголын Үндэсний музейтэй хамтран "Хятан-Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэн юм.
  • “Урлагийн амьдрал” хамтарсан үзэсгэлэн тун удахгүй дэлгэгдэнэ“Урлагийн амьдрал” хамтарсан үзэсгэлэн тун удахгүй дэлгэгдэнэМонголын зураач урчууд Ардын Их баяр наадамдаа онцгой сайхан уран бүтээлийн бэлэг барьдаг уламжлал ёсоор Бадамжавын Чогсом /Монгол улсын Ардын зураач, МУЭ-ийн шагналт/ Долгоржавын Болд /Монгол улсын Ардын зураач, Төрийн шагналт/ нар хамтран “Урлагийн амьдрал” уран бүтээлийн хамтарсан үзэсгэлэнгээ 2019 оны 07 сарын 01-28-ны өдрүүдэд “МОНГОЛ АРТ ГАЛЕРЕЙ”-н танхимд дэлгэн толилуулах гэж байна.
  • Жуулчдын сэтгэлийг татах “LEGEND”Жуулчдын сэтгэлийг татах “LEGEND”Урин дулаан цаг ирж албан байгууллагуудын амралт эхлэхтэй зэрэгцэн аялал жуулчлалын үез алгадаг. Манай улс зуны улиралд 3 сая жуулчин хүлээн авах бүрэн хүчин чадалтай ч сүүлийн 10 жилд ирж буй гадаадын жуулчдын тоо 400 мянгаас илүү гарахгүй байна гэх судалгаа бий. Гадаадын жуулчид Монголд ирээд нүд хужирлах чанартай, хүлээн зөвшөөрөгдөхүйц соёл, урлагийн арга хэмжээ байхгүй байдаг нь жилийн жилд бидэнд тулгардаг асуудлын нэг.