2019-04-16 04:48

"Хаан ширээний тоглоом"-оос төрсөн саятнууд

   "Хаан ширээний тоглоом" телевизийн олон ангит киноны сүүлчийн бүлгийн эхний анги өнөөдөр /2019.04.15/ үзэгчдэд хүртээл боллоо. Найман жилийн туршид бүтээгдсэн тус кино өнөөдөр дэлхий нийтийг байлдан дагуулж байгаа бөгөөд жүжигчдийнх нь ч ашиг орлого нэмэгджээ. Тэгвэл "Хаан ширээний тоглоом" киноны жүжигчид нэг ангид тоглоход хэчнээн ам.долларын орлого олдог тухай сонирхолтой баримтыг хүргэе.

КИТ ХАРИНГТОН (ЖОН СНОУ)

   "Хаан ширээний тоглоом" киноны гол дүрийн нэг бол Жон Сноу. Тус дүрд жүжигчин Кит Харингтон тоглосон. Тэрбээр тус кинонд тоглохоосоо өмнө хэн ч биш байсан тул киноны эхлэл хэсэгт тийм ч өндөр цалин авдаггүй байжээ. Гэхдээ түүний энэ байдал 2014 онд өөрчлөгдөж, тэрбээр нэг ангид нь 300 мянган ам.доллароор тоглох тохиролцоо хийх алдартай жүжигчин болсон юм. Улмаар түүний орлого киноны тав болон зургаадугаар бүлэг гэхэд ойролцоогоор зургаан сая ам.доллар болтлоо өсчээ. Хожим нь тэрбээр нэг ангид 500 мянган ам.доллароор тоглох тохиролцоо хийсэн ажээ. Энэ мэтчилэн Кит сүүлийн хоёр бүлэгт ойролцоогоор 6.5 сая ам.доллароор орлого нэмэгдүүлсэн байна.  Харин киноны бүхий л цаг хугацаанд тэрбээр 12.5 сая ам.долларыг олжээ.

ЛИНА ХИДИ (СЕРСЕЯ ЛАННИСТЕР)

   Кит Харингтоны адил Лина Хиди бол "Хаан ширээний тоглоом"-ын чухал дүр. Тэрбээр “Терминатор” болон “300” зэрэг кинонд 300 мянган ам.доллароор нэг ангид нь тоглодог жүжигчин байв. Харин одоо түүнд киноны нэг ангид тоглоход нь 500 мянган ам.доллар төлдөг болжээ. Тэрбээр "Хаан ширээний тоглоом" кинонд тоглосноор 20 сая ам.долларын орлого олжээ.

ПИТЕР ДИНКЛЭЙЖ (ТИРИОН ЛАННИСТЕР)

   Тирион Ланнистер дүрд тоглосон жүжигчин Питер Динклэйж "Хаан ширээний тоглоом" киноны нэг ангид тоглоход 500 мянган ам.доллароор тогложээ. Харин киноны туршид тэрбээр 16 сая ам.доллар олжээ. Тэрбээр "Хаан ширээний тоглоом" кинонд тоглосноор бусад жүжигчдийн адил алдартай болсон бөгөөд өмнө нь “Нарни” зэрэг олон кинонд тоглож байв.

ЭМИЛИЯ КЛАРК (ДЕЙЕНЕРИС ТАРГАРИЕН)

    "Хаан ширээний тоглоом" кинонд тоглосноор Эмилия Кларк 12.5 сая ам.долларын орлого олжээ. Тэрбээр нэг ангид 500 мянган ам.доллароор тоглосон аж. Үүнээс гадна, зар сурталчилгаа болон бусад кинонд тоглох урилга авчээ. Түүний банкны дансанд 13 сая ам.доллар байдаг ажээ.

НИКОЛАЙ КОСТЕР-ВАЛЬДАУ (ЖЕЙМЕ ЛАННИСТЕР)

   "Хаан ширээний тоглоом" кинонд чухал дүр бүтээсэн Николай хэд хэдэн удаа контрактаа өөрчлөх саналыг HBO-д тавьж байсан удаатай. Үүнийхээ ачаар тэрбээр саятан болж чадсан юм. Тэрбээр 16 сая ам.долларын орлого олжээ.

МЭЙСИ УИЛЬЯМС (АРЬЯ СТАРК)

   "Хаан ширээний тоглоом" киноны туслах дүрийн нэг бол Арья Старк. Тэрбээр нэг ангид 150 мянган ам.доллароор тогложээ. Өнөөдрийн байдлаар түүний банкны дансанд 6 сая ам.доллар байдаг.

СОФИ ТЁРНЕР (САНСА СТАРК)

   Софи Тёрнер "Хаан ширээний тоглоом" киноны  нэг ангид 150 мянган ам.доллароор тогложээ. Хэдийгээр Софи Тёрнер алдарт кинонд бага хөлсөөр ажилласан ч хожим нь түүнд "Х хүмүүс" кинонд тоглох урилга иржээ. Түүний дансанд 6 сая ам.доллар бий.

Эх сурвалж: life.ru

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • "The Hu" хамтлагийн аялан тоглолтын тасалбар дуусчээМонголын “The Hu” хамтлаг 2020 оны Европ тивийн аялан тоглолтоо нэгдүгээр сарын 15-наас эхлүүлээд буй. Тэдний эхний тоглолт ХБНГУ-ын Хамбург хотоос эхэлсэн. Хамтлагийн энэ удаагийн аялан тоглолтын тасалбар тун эрэлттэй байгаа бөгөөд худалдаанд гарсан даруйдаа дуусчээ.
  • "Анд" цуврал контент үзэгчдийн хүртээл болж эхэллээ
  • Анна Каренина амилахад 40 хоног үлдлээАнна Каренина амилахад 40 хоног үлдлээДэлхийн сонгодог роман болох Оросын нэрт зохиолч Л.Н.Толстойн "Анна Каренина"-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
  • Энэ оны эхний жүжиг “Надтай үлдээч”Энэ оны эхний жүжиг “Надтай үлдээч”Улсын драмын эрдмийн театр /УДЭТ/-ын уран бүтээлчид 2020 оны уран бүтээлийн салхиа “Надтай үлдээч” жүжгээр хагалж байна. Өнгөрсөн жил нээлтээ хийсэн тус жүжгийг энэ сарын 18, 19, 25, 26-нд 18.00 цагт тоглох аж.
  • "Хун цагаан хайр"-ын дууч Л.БОЛДБААТАРЫН "Түмэндээ өргөх дуунууд"“1992 оны намар сан. Аав минь намаржин будаанд явж олсон цалингаараа надад магнитифон аваад өгчихөж билээ. Ээж минь ширүүхэн буусан боловч тэгсхийгээд зөөлөрсөн сөн. Хүүгээ дуу, хөгжимд дурлуулж, хөгжүүлэх гэсэн аав, ээж хоёрын минь сэтгэл агуу байж” гэж түүнийг хэлэхэд аньсага нь мэлмэрээд ирэх. Бүх ард түмний урлагийн үзлэгээс алтан медаль авч урам зориг авснаас хойш урлагийн гавьяат жүжигчин болтлоо дуу, хөгжмөөсөө тэр урвасангүй. Зөөлөн тослог хоолой, аргадаж учирласан өнгө, сэтгэл сэмлэсэн бүлээн салхи шиг түүний дуунууд ард түмний сэтгэлд хэдийн хоногшжээ.
 Сүүлд нэмэгдсэн дуу