2019-04-24 07:59

Үндэсний номын сангийн шинэ барилгыг энэ ондоо ашиглалтад оруулахаар боллоо

   Өчигдөр Дэлхийн номын өдөр. Дэлхийн 100 гаруй оронд 1995 оноос хойш тэмдэглэх болсон энэ өдрийг Монгол Улс хамгийн ажил хэрэгчээр тэмдэглэлээ. Монгол Улсын Ерөнхий сайд У.Хүрэлсүх өргөн бүрэлдэхүүний хамт Монголын үндэсний номын сан (МҮНС)-гийн үйл ажиллагаатай танилцжээ.

Эхлээд 1951 онд ашиглалтад орсон одоогийн 3 давхар байраар орж, Монгол Улсын ном хэвлэлийн төв байгууллагын үйлчилгээний нөхцөл, ном судруудын хадгалалт, хамгаалалтын чанар, стандарт, ажилтнуудын ачааллыг газар дээр нь харлаа.

Монголын үндэсний номын сангийн захирал Б.Ичинхорлоо “Сүүлийн 30 жилийн түүхэнд ирсэн Ерөнхий сайд та боллоо” гэдгийг онцлоод Төвөд номын фонд, үнэт ховор номын танхим, архив, цахим болон нийтийн уншлагын танхимуудаа танилцуулав. МҮНС нийтдээ 3.5 сая гаруй номтой бөгөөд 1.5 сая нь хуучин, ховор, үнэт номууд байдаг байна. Байшин барилгын багтаамжаас болоод эдгээр номын хадгалалт, хамгаалалтад аюулын харанга дэлдсээр буйг сангийн захирал хэлж байна.

   Дараа нь МҮНС-гийн өргөтгөлийн шинэ барилгын явцтай танилцлаа. Барилгын ажил 2013 онд эхэлсэн ч ажил нь удаашралтай явсаар өнөөдрийг хүрчээ. Барилгын гүйцэтгэгч “Акми холдинг” компанийн захирал Г.Сүхбат газрын маргаан, санхүүжилт зэрэг асуудлаас болж хугацаа алдаж өнөөг хүрсэн гэж тайлбарлалаа.

   Ерөнхий сайд У.Хүрэлсүх хүн ардаа гэгээрүүлж, хүүхэд залуусаа хөгжүүлэхийн тулд томоохон номын сантай, Байгалийн түүхийн музейтэй, Үндэсний урлагийн их театртай болгож өгөх ёстой. Энэ бүхнийг Засгийн газар анхаарч ажиллана. Номын сангийн барилга дээр шаардлагатай байгаа төсвийн үлдэгдлийг гаргана, ингэхээр санхүүгийн хувьд гацаагүй болно. Ажлаа яаралтай дуусга, бүх боломж нөхцлөө дайчил гэдгийг “Акми холдинг” компанийн удирдлагад хэллээ.

   БСШУС-ын сайд Ё.Баатарбилэг төсвийнхөө хуваариар ирэх жил орох ёстой, гэхдээ Ерөнхий сайдаас өгсөн чиглэл, нийгмийн зайлшгүй шаардлагын дагуу энэ ондоо багтааж ашиглалтад оруулахыг салбарын яамны зүгээс анхаарч ажиллана гэв. Ажил юунаас болж удаашрав, одоо яаж урагшлуулах уу гэдэг асуултад хариу эрсэн Ерөнхий сайдын бүрэлдэхүүнд БСШУС-ын сайд Ё.Баатарбилэг, Сангийн сайд Ч.Хүрэлбаатар, УИХ-ын гишүүн Г.Мөнхцэцэг, БХБ-ын дэд сайд Б.Мөнхбаатар, Эрчим хүчний яамны Төрийн нарийн бичгийн дарга З.Мэндсайхан, Нийслэлийн Засаг дарга С.Амарсайхан нар багтсан нь тулгарсан асуудлыг шат шатандаа анхаарч, төр засгаас шалтгаалах ажлуудад дэмжлэг үзүүлж, шуурхайлах зорилготой байв. Шинэ барилга ашиглалтад орсноор МҮНС-гийн номын фондын 2 сая гаруй нь шилжиж, орчин үеийн үйлчилгээний цогц төв болох юм.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “Үдшийн музей” жазз хөгжмөөр “амьсгалав”“Үдшийн музей” жазз хөгжмөөр “амьсгалав”“Үдшийн музейд” 2015 онд “Хөсөгтөн” хамтлаг, 2016 онд Морин хуурын чуулга, 2017 онд “Улаанбаатар” чуулгын уран бүтээлчид зочилж байсан бол энэ жил Монгол Улсын Филармонийн “Баянмонгол” чуулга жазз тоглолтоороо үзэгчдэд бэлэг барилаа. Мөн Чойжин ламын сүм музейн арвин баялаг сан хөмрөг, хосгүй үнэт бүтээлүүдээс цугласан олонд тусгайлан зориулж, музейн “Цам” үзэсгэлэнг сонирхуулсан бол “Монгол төрийн сахиусны өргөө” түүхэн гэрэл зургийн үзэсгэлэнг үзэж мэлмий баясгахын зэрэгцээ музейн өвөрмөц тансаг орчинд тухлан жазз хөгжмийн гайхамшигт тоглолтыг тогложээ.
  • “Naadam night” шоу зохион байгуулна“Naadam night” шоу зохион байгуулнаБаяр наадмын үеэр жуулчдад зориулан зохион байгуулж буй “Naadam night” шоу долоодугаар сарын 11-ний орой 21:00 цагт Үндэсний соёл амралтын хүрээлэнд болно. Наадмын нээлтийн соёл урлагийн хөтөлбөрийг орой нь жуулчдад зориулан орчуулгатай хүргэх “Naadam night” шоу арга хэмжээг зохион байгуулах бэлтгэл ажил хангагдаж хөтөлбөр бэлэн болсон байна гэж
  • Хятан-Их Ляо улсын үеийн шилдэг үзмэрийн үзэсгэлэн нээгдлээХятан-Их Ляо улсын үеийн шилдэг үзмэрийн үзэсгэлэн нээгдлээМонгол Улс, БНХАУ-ын хооронд дипломат харилцаа тогтоосны 70 жилийн ойг хоёр улс 2019 онд ёслол төгөлдөр тэмдэглэж байна. Ойн хүрээнд хоёр улсын соёлын солилцоог хөгжүүлэх зорилгоор зохион байгуулж буй нэгэн томоохон ажил нь БНХАУ-ын Өвөр Монголын музей, Монголын Үндэсний музейтэй хамтран "Хятан-Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэн юм.
  • “Урлагийн амьдрал” хамтарсан үзэсгэлэн тун удахгүй дэлгэгдэнэ“Урлагийн амьдрал” хамтарсан үзэсгэлэн тун удахгүй дэлгэгдэнэМонголын зураач урчууд Ардын Их баяр наадамдаа онцгой сайхан уран бүтээлийн бэлэг барьдаг уламжлал ёсоор Бадамжавын Чогсом /Монгол улсын Ардын зураач, МУЭ-ийн шагналт/ Долгоржавын Болд /Монгол улсын Ардын зураач, Төрийн шагналт/ нар хамтран “Урлагийн амьдрал” уран бүтээлийн хамтарсан үзэсгэлэнгээ 2019 оны 07 сарын 01-28-ны өдрүүдэд “МОНГОЛ АРТ ГАЛЕРЕЙ”-н танхимд дэлгэн толилуулах гэж байна.
  • Жуулчдын сэтгэлийг татах “LEGEND”Жуулчдын сэтгэлийг татах “LEGEND”Урин дулаан цаг ирж албан байгууллагуудын амралт эхлэхтэй зэрэгцэн аялал жуулчлалын үез алгадаг. Манай улс зуны улиралд 3 сая жуулчин хүлээн авах бүрэн хүчин чадалтай ч сүүлийн 10 жилд ирж буй гадаадын жуулчдын тоо 400 мянгаас илүү гарахгүй байна гэх судалгаа бий. Гадаадын жуулчид Монголд ирээд нүд хужирлах чанартай, хүлээн зөвшөөрөгдөхүйц соёл, урлагийн арга хэмжээ байхгүй байдаг нь жилийн жилд бидэнд тулгардаг асуудлын нэг.