2019-06-03 08:47

“Монгол хүүхдүүд” баярын нэгдсэн үйл ажиллагаа амжилттай зохион байгуулагдлаа

   Нийслэлийн Засаг даргын 2019 оны А/409 захирамжийн дагуу Нийслэлийн Засаг даргын Хүний хөгжил, нийгмийн бодлогын асуудал хариуцсан орлогч Ш.Анхмаа ажлын хэсгийн бүрэлдэхүүнийг удирдан “Олон Улсын хүүхдийн эрхийг хамгаалах өдөр”-ийг 67 дахь жилдээ амжилттай тэмдэглэн өнгөрүүллээ. Монгол Улсын Ерөнхийлөгчийн 2019 оны 60 дугаар зарлигийг үндэслэн Монгол Улсын Засгийн газраас Хүүхдийн эрх аюулгүй байдлыг хангах, хууль тогтоомжийн хэрэгжилтийг эрчимжүүлэх зорилгоор “2019-2020 оныг Хүүхдийн хөгжил, хамгааллын жил” болгон зарласны хүрээнд тус баярын өдөр хүүхдийн эрхийг хүндэтгэх, хүүхдийн эрх зөрчигдөхөөс урьдчилан сэргийлэх, хамгаалах чиглэлээр тайзны зүүн талд засагдсан асрууд Төрийн болон төрийн бус байгууллагууд мэдээлэл сурталчилгааг олон нийтэд хүргэсэн.

   Тус өдрийн төв талбайн үйл ажиллагааг Нийслэлийн Засаг даргын Тамгын газар, Нийслэлийн Соёл, урлагийн газар, Нийслэлийн Гэр бүл, Хүүхэд, залуучуудын хөгжлийн газар, Монгол Улсын Хүүхэлдэйн театр хамтран “Монгол хүүхдүүд” сэдвийн хүрээнд 11:00-17:00 цагийн хооронд зохион байгууллаа.

   Баярын нээлтийн үйл ажиллагаанд Монгол Улсын Ерөнхий сайд, Хүүхдийн төлөө үндэсний зөвлөлийн тэргүүн У.Хүрэлсүх, УИХ, Засгийн газрын гишүүд, Нийслэлийн Иргэдийн Төлөөлөгчдийн Хурлын дарга Р.Дагва, Нийслэлийн Засаг дарга бөгөөд Улаанбаатар хотын захирагч, Нийслэлийн Хүүхдийн төлөө зөвлөлийн тэргүүн С.Амарсайхан болон нийслэлийн иргэдийн хурлын Тэргүүлэгч, Төлөөлөгчид, нийслэлийн төр захиргааны байгууллагуудын удирдлагууд, хүүхэд, гэр бүлийн чиглэлээр үйл ажиллагаагаа эрхэлдэг төрийн болон төрийн бус байгууллагууд, олон улсын байгууллагуудын удирдлагууд, төлөөлөл, иргэд, хүүхэд багачууд оролцлоо.

   Энэ жилийн хүүхдийн баярын нэгдсэн үйл ажиллагааны тоглолтонд нийслэлийн ерөнхий боловсролын сургууль, цэцэрлэг, байгууллагуудын 1500 орчим уран бүтээлчид, авьяаслаг хүүхэд багачууд оролцож тайзнаа уран бүтээлээ үзүүллээ. Мөн Д.Сүхбаатарын хөшөөний баруун болон зүүн талуудад байрласан асруудад Монголын үндэсний үйлдвэрлэгчид өөрсдийн үзэсгэлэн худалдаагаа гаргаж, төрийн болон олон нийт, хувийн хэвшлийн байгууллагуудаас хүүхдийн өөрийн оролцоонд суурилсан уралдаан наадам, хөгжөөнт тоглоом, хүүхдийн эрхийн талаарх мэдээлэл, сурталчилгаа хийж үйл ажиллагаа явуулсан юм. Түүнчлэн баярын нэгдсэн үйл ажиллагаа, хүндэтгэлийн тоглолтыг Монголын Үндэсний Олон Нийтийн телевиз, UBS телевиз орон даяар шууд дамжуулж үзэгчдэд хүргэсэн билээ гэж Нийслэлийн Соёл, урлагийн газраас мэдээллээ.

1 3 2 4 54

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
  • Үндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой энэ жил тохиож буй. Ойн хүрээнд баримтат кино, кино концерт, түүхэн ном бүтээж, цуврал тоглолт хийхээр төлөвлөж байгаа талаар уран бүтээлчид нь мэдээлэл хийлээ.
  • Д.Отгонжаргал фэнүүдээ Д.Отгонжаргал фэнүүдээ "Хун галуу"-ны эгшиглэнт ертөнцөөр аялуулнаДуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ "Монгол Улсын Соёлын тэргүүний ажилтан" хэмээх эрхэм алдрыг хүртсэн нь саяхан.
  • С.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлангийн дууг мэдэхгүй хүн гэж үгүй. Найман настай балчраас наян настай буурай хүртэл даган дуулж, уяран хайлж байна. Түүний дуунууд одоо ч хуучнаараа, сонсох бүрийд дотнохон. УИХ-ын гишүүн болоод урлагийн алтан тайз, үзэгч, сонсогч фэнүүдээсээ хэсэг хугацаанд хөндийрөөд байсан Гавьяат жүжигчин С.Жавхлан тайзнаа иргэн ирлээ. Тэрээр ард түмэнтэйгээ тайзан дээрээс энэ өдрүүдэд мэндчилж байна.
  • “МОРИН ХУУР- 33” шилдэг дууны концерт болно“МОРИН ХУУР- 33” шилдэг дууны концерт болноМонгол Улсын Соёлын яам, Засгийн газрын хэрэгжүүлэгч агентлаг Соёл, урлагийн газар, Монголын Хөгжмийн Зохиолчдын холбоо, Монгол Улсын Филармони хамтран “БҮХ НИЙТИЙН ХӨГЖМИЙН БАЯР 2020” арга хэмжээг 2020 оны аравдугаар сарын 05-ны өдрөөс арваннэгдүгээр сарын 15-ны өдрийг хүртэлх хугацаанд улсын хэмжээнд зохион байгуулж байна.
 Сүүлд нэмэгдсэн дуу