2019-06-19 06:06

Жуулчдын сэтгэлийг татах “LEGEND”

   Урин дулаан цаг ирж албан байгууллагуудын амралт эхлэхтэй зэрэгцэн аялал жуулчлалын үез алгадаг. Манай улс зуны улиралд 3 сая жуулчин хүлээн авах бүрэн хүчин чадалтай ч сүүлийн 10 жилд ирж буй гадаадын жуулчдын тоо 400 мянгаас илүү гарахгүй байна гэх судалгаа бий. Гадаадын жуулчид Монголд ирээд нүд хужирлах чанартай, хүлээн зөвшөөрөгдөхүйц соёл, урлагийн арга хэмжээ байхгүй байдаг нь жилийн жилд бидэнд тулгардаг асуудлын нэг.

   Соёл, урлаг бол аялал жуулчлалыг татах хамгийн том хүчин зүйлсийн нэг гэдгийг хаа хаанаа хүлээн зөвшөөрөх хэрэгтэй. Монголын Соёлын төвийг хилийн чанадад байгуулах, кино урлаг болон бусад соёл урлагаар эх орноо гадаадад сурталчилах, соёлын цогц хөтөлбөр боловсруулан гаргах зэрэг олон талт арга замаар аялал жуулчлалаар дамжуулан ирж буй гадаад иргэдийн тоог өсгөж болох юм. Харин энэ зуны хувьд жуулчдын анхаарлыг ихэд татахуйц монголын соёл урлагийг брэнд болгох нэгэн урлагийн арга хэмжээ тогтмол зохион байгуулагда хгэж байна. Энэ бол үндэсний язгуур урлаг, орчин үеийн бүжиг, балет, циркийн үзүүлбэр зэрэг урлагийн олон төрлийг хослуулсан, цогц хэлбэрийн “Legend” энтертайнмент шоу тоглолт юм. Тоглолтын хөгжмийн продюсерээр хөгжмийн зохиолч Д.Түвшинсайхан, ерөнхий найруулагчаар Н.Наранбаатар нар ажиллаж байгаа юм.

   Найруулагч Н.Наранбаатар “Аялал жуулчлалыг соёл урлагийн хөтөлбөрөөр дэмжих, жуулчдыг татах хүрээнд Legend нэртэй туульсын хэв маяг бүхий тоглолтыг хүргэхээр бэлтгэл ажилдаа ороод явж байна. Монгол ардын аман зохиолоос сэдэвлэж байгаа учир илүү туульсын шинж чанартай цогц тоглолт болох болов уу. Монголын биет болоод биет бус соёлын өвийн үнэт зүйлсийг тоглолтондоо илүү тусгахыг хичээнэ. Мэдээж драмын найруулагч ерөнхий найруулагчаар ажиллаж байгаа учир энгийн нэг концертоос илүү үйл явдал баялаг, өрнөлтэй, гүн гүнзгий утга агуулгатай бүтээл төрөх болов уу. Нүүдэлчдийн ахуй соёлыг тун сонирхолтой талаас нь харуулахыг зорьж байгаа болохоор жуулчдын нүдийг хужирлаж, чихийг баясгах тоглолт болно гэдэгт итгэлтэй байна” гэлээ.

   “Legend” энтертайнмент шоу тоглолтыг монгол ардын бэр цэцгийн домгоос сэдэвлэжээ. Харин “Legend” тоглолтын логог Нүүдэлчин ахуй соёлоо өмгөөлөн хамгаалж, арвижуулан хөгжүүлж, түгээн дэлгэрүүлэхийг бэлгэдэн “Зээ бад” хээг брэндийн дүрст бэлгэ тэмдэг болгон сийрүүлжээ. “Зээ бад” хээ нь муу зүйлийг хорьж, сайн үйлс саарахгүй дэлгэрч байхын бэлгэдэл агаад үхэр хамартай, тэмээн чихтэй, адуун соёо шүдтэй, хонин эвэртэй, ямаан сахалтайгаар дүрслэгддэг байна.

   Бэр цэцгийн домог нь ариун сэтгэл, хагацашгүй хайрыг бэлгэддэг. Тоглолтод уртын дуучин, гавьяат жүжигчин Б.Мөнхбаатар, уртын дуучинЖ.Эрдэнэцэцэг, Д.Үүрийнтуяа, Д.Жавхаасайхан, Б.Алтанжаргал, Т.Баянжаргал, О.Анхчимэг, Б.Баатархүү, хөөмийч Ж.Мэндбаяр, Номадик балет продакшн, Хилийн цэргийн дуурь бүжгийн эрдмийн чуулга, Enkheeboys циркийн хамтлаг оролцон тоглоно. “Legend” тоглолт долоодугаар сарын 7-12-ныг дуустал үргэлжлэх юм.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • “Үдшийн музей” жазз хөгжмөөр “амьсгалав”“Үдшийн музей” жазз хөгжмөөр “амьсгалав”“Үдшийн музейд” 2015 онд “Хөсөгтөн” хамтлаг, 2016 онд Морин хуурын чуулга, 2017 онд “Улаанбаатар” чуулгын уран бүтээлчид зочилж байсан бол энэ жил Монгол Улсын Филармонийн “Баянмонгол” чуулга жазз тоглолтоороо үзэгчдэд бэлэг барилаа. Мөн Чойжин ламын сүм музейн арвин баялаг сан хөмрөг, хосгүй үнэт бүтээлүүдээс цугласан олонд тусгайлан зориулж, музейн “Цам” үзэсгэлэнг сонирхуулсан бол “Монгол төрийн сахиусны өргөө” түүхэн гэрэл зургийн үзэсгэлэнг үзэж мэлмий баясгахын зэрэгцээ музейн өвөрмөц тансаг орчинд тухлан жазз хөгжмийн гайхамшигт тоглолтыг тогложээ.
  • “Naadam night” шоу зохион байгуулна“Naadam night” шоу зохион байгуулнаБаяр наадмын үеэр жуулчдад зориулан зохион байгуулж буй “Naadam night” шоу долоодугаар сарын 11-ний орой 21:00 цагт Үндэсний соёл амралтын хүрээлэнд болно. Наадмын нээлтийн соёл урлагийн хөтөлбөрийг орой нь жуулчдад зориулан орчуулгатай хүргэх “Naadam night” шоу арга хэмжээг зохион байгуулах бэлтгэл ажил хангагдаж хөтөлбөр бэлэн болсон байна гэж
  • Хятан-Их Ляо улсын үеийн шилдэг үзмэрийн үзэсгэлэн нээгдлээХятан-Их Ляо улсын үеийн шилдэг үзмэрийн үзэсгэлэн нээгдлээМонгол Улс, БНХАУ-ын хооронд дипломат харилцаа тогтоосны 70 жилийн ойг хоёр улс 2019 онд ёслол төгөлдөр тэмдэглэж байна. Ойн хүрээнд хоёр улсын соёлын солилцоог хөгжүүлэх зорилгоор зохион байгуулж буй нэгэн томоохон ажил нь БНХАУ-ын Өвөр Монголын музей, Монголын Үндэсний музейтэй хамтран "Хятан-Их Ляо улс: БНХАУ-ын ӨВӨР МОНГОЛЫН ХЯТАНЫ ШИЛДЭГ ҮЗМЭР" үзэсгэлэн юм.
  • “Урлагийн амьдрал” хамтарсан үзэсгэлэн тун удахгүй дэлгэгдэнэ“Урлагийн амьдрал” хамтарсан үзэсгэлэн тун удахгүй дэлгэгдэнэМонголын зураач урчууд Ардын Их баяр наадамдаа онцгой сайхан уран бүтээлийн бэлэг барьдаг уламжлал ёсоор Бадамжавын Чогсом /Монгол улсын Ардын зураач, МУЭ-ийн шагналт/ Долгоржавын Болд /Монгол улсын Ардын зураач, Төрийн шагналт/ нар хамтран “Урлагийн амьдрал” уран бүтээлийн хамтарсан үзэсгэлэнгээ 2019 оны 07 сарын 01-28-ны өдрүүдэд “МОНГОЛ АРТ ГАЛЕРЕЙ”-н танхимд дэлгэн толилуулах гэж байна.
  • Жуулчдын сэтгэлийг татах “LEGEND”Жуулчдын сэтгэлийг татах “LEGEND”Урин дулаан цаг ирж албан байгууллагуудын амралт эхлэхтэй зэрэгцэн аялал жуулчлалын үез алгадаг. Манай улс зуны улиралд 3 сая жуулчин хүлээн авах бүрэн хүчин чадалтай ч сүүлийн 10 жилд ирж буй гадаадын жуулчдын тоо 400 мянгаас илүү гарахгүй байна гэх судалгаа бий. Гадаадын жуулчид Монголд ирээд нүд хужирлах чанартай, хүлээн зөвшөөрөгдөхүйц соёл, урлагийн арга хэмжээ байхгүй байдаг нь жилийн жилд бидэнд тулгардаг асуудлын нэг.