2019-10-29 05:24

Ж.Ариунжаргал анхны гоёмсог дуугаараа олныг уяраана

Монголын рок попын ертөнц шинэ өнгийг нэмсэн бүтээлээр бүл нэмээд удаагүй байгаа билээ. Төрийн соёрхолт, Дуучин Д.Болд "Зүүдний хаалган дээр" шинэхэн клипээ цацаж, олон залуусыг зүүдний ертөнцөөр гайхалтайгаар аялуулсаар байна.  Тэрбээр өөрийн шинэ уран бүтээлээ олны хүртээл болгоод зогсохгүй залгамж үе болсон залуу уран бүтээлчдээ дэмжиж ажиллаж буй.

Түүнийг "440Hz records"-ын албан ёсны нээлтээ хийж, хөгжимд дурлагч залуустаа гайхалтай уран бүтээлүүдийг хүргэхээр зэхэж байгаа талаар өмнө нь дуулгаж байсан билээ.

 

Тэгвэл  “The Voice of Mongolia” шоунд түүний багт байсан Ж.Ариунжаргалын "Тал нутгийн охин" хэмээх содон нэртэй шинэ дуугаараа өнөөдрөөс FM сонсогдын сонорыг мялаагаад эхэлжээ. Уг дууны аяыг Д.Болд, шүлгийг Quiza зохиосон байна. 

Тал нутгийн охин дууг “The Voice of Mongolia” шоунд оролцож байхад нь Ж.Ариунжаргалд дуучин Д.Болд зөвхөн түүнд зориулан бүтээж, өгсөн дуу юм. Финалын шатанд хэрвээ багтсан бол тус шоуны тайзнаа эгшиглэх байсан гэдэг. Энэ талаар "Би энэ хүртэл явсандаа харамсахгүй байна. Зүгээр нэг юманд харамсаж байна. Тэр нь юу вэ гэхээр хоёр сонгогдсон хүн нь шинэ дуугаа дуулах эрхтэй болно. Миний тэр дуулах дуу болохоор Д.Болд ахын зохиож өгсөн бүр үнэхээр гоёмсог, хэний ч санаанд оромгүй маш гоё дуу байсан. Би түүнийг дуулахыг үнэхээр их хүссэн. Гэхдээ мэдээж юм санаснаар болдоггүй, би та бүхэнд тэр дуугаа хүргээгүй дээ л хамгийн их харамсаж байна. Гэхдээ миний өмнөөс харамсаад хэрэггүй шүү, би өөрөө яагаад гэвэл харамсахгүй байна. Би хэзээ ч дуулахаа зогсоохгүй" хэмээж байсан удаатай. Ийнхүү өөрийн дуулахыг хүсэж байсан гоёмсог дуугаа 100 хувь амьдаар бүтээж, тун удахгүй клипийг нь үзэгчдийн хүртээл болгоход бэлэн болжээ. 

 

Дашрамд сонирхуулахад, Ж.Ариунжаргал нь Төрийн хошой шагналт, ардын жүжигчин, хөгжмийн зохиолч Н.Жанцанноров гуайн охин. Түүний ээж нь хөгжмийн бүжгийн коллежийн ятга хөгжмийн багш. Ийнхүү урлагийн гэр бүлээс гаралтай гайхалтай хоолойтой түүнд Төрийн соёрхолт Д.Болд "Тал нутгийн охин" дуунд нь ятга хөгжмийн эгшгийн гайхамшгийг илүүтэй мэдрүүлэхээр  аялгууг нь зохиосон байна.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Анна Каренина жүжгийн нээлт хойшлогджээАнна Каренина жүжгийн нээлт хойшлогджээУлсын драмын эрдмийн театраас мэдэгдэл гаргажээ. Тус мэдэгдэлд дурдсанаар "нийслэлийн засаг даргын хэрэгжүүлэгч агентлаг, Мэргэжлийн хяналтын газрын мэдэгдлийн дагуу Улсын драмын эрдмийн театр нь үзэгчдийнхээ эрүүл мэндийг урьдчилан сэргийлэх үүднээс хоёрдугаар сарын тоглолтууд болон «Анна каренина» жүжгийн нээлтийг хойшлуулж түр хугацаанд үйлчилгээгээ зогсоож байна. Жүжгийн нээлтийн хугацааг тун удахгүй мэдээлэх болно" гэжээ.
  • "The Hu" хамтлагийн аялан тоглолтын тасалбар дуусчээМонголын “The Hu” хамтлаг 2020 оны Европ тивийн аялан тоглолтоо нэгдүгээр сарын 15-наас эхлүүлээд буй. Тэдний эхний тоглолт ХБНГУ-ын Хамбург хотоос эхэлсэн. Хамтлагийн энэ удаагийн аялан тоглолтын тасалбар тун эрэлттэй байгаа бөгөөд худалдаанд гарсан даруйдаа дуусчээ.
  • "Анд" цуврал контент үзэгчдийн хүртээл болж эхэллээ
  • Анна Каренина амилахад 40 хоног үлдлээАнна Каренина амилахад 40 хоног үлдлээДэлхийн сонгодог роман болох Оросын нэрт зохиолч Л.Н.Толстойн "Анна Каренина"-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
  • Энэ оны эхний жүжиг “Надтай үлдээч”Энэ оны эхний жүжиг “Надтай үлдээч”Улсын драмын эрдмийн театр /УДЭТ/-ын уран бүтээлчид 2020 оны уран бүтээлийн салхиа “Надтай үлдээч” жүжгээр хагалж байна. Өнгөрсөн жил нээлтээ хийсэн тус жүжгийг энэ сарын 18, 19, 25, 26-нд 18.00 цагт тоглох аж.
 Сүүлд нэмэгдсэн дуу