2019-11-11 06:06

Д.Болдын багийнханаас дараагийн тэсрэлтийг хэн хийх вэ

 

Энэ жил "B Production"  "440Hz records"-ын студийн нээлт,  шинэ артистуудаар уран бүтээл хэдийн олны хүртээл болоод эхлэв.

 

Дуучин Д.Болд ганц өөрийн уран бүтээлээ туурвиад зогсохгүй залгамж халаа болсон залуусынхаа уран бүтээлийг зөв залж, өвөрмөц дүр төрхтэйгээр Монголын урлагт тамгалж өгөхөд "гүүр" нь болж явна. Өнгөрөгч арван сарын дундуур өөрийн "Зүүдний хаалган дээр" дуугаа цацаж, фэнүүдээ зүүдний ертөнцөөр аялуулаад буй. 

 

Түүний шинэ бүтээлийн араас  “Voice of Mongolia” шоунд түүний багт байсан залуу дуучин Ж.Ариунжаргалын "Тал нутгийн охин" анхны клип нь хэдхэн хоногийн өмнө цацагдаж, 247 мянган хөгжимд дурлагчдын сонорыг мялаагаад байна.

 

Түүнийг “Universe Best Song” шоуны авьяаслаг нэгэн оролцогч болсноор нь залуус танина. Гэхдээ "The Voice of Mongolia 2018" шоунд оролцсоноор нь илүүтэй олон нийтэд танигдсан нэгэн. Тэрбээр Төрийн хошой шагналт, ардын жүжигчин, хөгжмийн зохиолч Н.Жанцанноров гуайн охин. Дуулахаас гадна төгөлдөр хуур тоглодог бөгөөд мэргэжлийн уран зураг зурдаг нэгэн. Поп, R&B, Жазз чиглэлээр уран бүтээлээ толилуулж эхэлсэн түүний анхны дууг Д.Болд аяыг ятга хөгжмийн эгшгийг илүүтэй мэдрүүлэхээр зохиож, шүлгийг нь "ноён"  Quiza тэрлэсэн юм.

 

 

Тэгвэл дараагийн тэсрэлтийг хэн хийх бол гэсэн асуулт хэдийнээ залуусын дунд хүлээлт үүсгээд эхэлжээ. О.БҮЖИНЛХАМ, С.ИДЭРМААЭ.ГАНБИЛЭГБ.БИЛГҮҮН нар  шинэ уран бүтээлээ хүргэхээр зэхэж байгаа юм. "440Hz records"-ын шинэ артистуудын хэний бүтээлийг та тэсэн ядан хүлээж байна. 

Б.БИЛГҮҮН

Төрийн соёрхолт, Дуучин Д.Болдын багийн бас нэгэн авьяаслаг дуучин бол Б.Билгүүн. Түүнийг "Universe best songs-2015" тэмцээний ялагч гэдгээр нь залуус илүүтэй танина. Тэгвэл тэрбээр өнгөрөгч онд зохион байгуулагдсан "The voice of mongolia" шоуны Д.Болд шүүгчийн шилдэг 16 оролцогчийн 1 болж, амжилтаа ахиулсан нэгэн. Төгөлдөр хуур, гитар тоглохоос гадна ая зохиогч авьяастай уран бүтээлч юм. Поп, R&B, Жазз, поп рок урсгалаар дуулах ажээ. Чөлөөт цагаараа ширээний теннис, хөл бөмбөг тоглодог гэнэ.

 

О.БҮЖИНЛХАМ

https://www.dorgio.mn/uploads/2019/10/318c7735e3c5c74ce071519faca1fa10.jpg

Тэрбээр дуулахаас гадна бүжгийн урлагаар хичээллэдэг гайхалтай эмэгтэй. Монгол бүжиг, цэнгээнт болон поп бүжгийг хослуулдаг дууч бүсгүй жүжиглэх ур чадвартай гэнэ. Хөгжим сонирхогч залуус түүний Universe Best Songs-2016 шоуны шилдэг 12 оролцогчийн нэг болж байсныг андахгүй мэднэ. Түүний амжилт үүгээр зогсохгүй ээ. Одоогоос хоёр жилийн өмнө Баянзүрх дүүргийн шилдэг сурагч болж байсан удаатай. Мөн өнгөрөгч оны The Voice of Mongolia шоуны Төрийн соёрхолт, Дуучин Д.Болд шүүгчийн шилдэг хоёр оролцогчийн нэг болж байсан өвөрмөц хоолойтой дуучны Поп, R&B чиглэлээр дуулсан шинэхэн дууг хүлээх л үлдлээ.

 

С.ИДЭРМАА

https://www.dorgio.mn/uploads/2019/10/404f9e75ae1f5356fa4a3cbaaeecc8ee.jpg

Энэ үзэсгэлэнтэй эмэгтэйг "The Voice of Mongolia-2018" шоуны шилдэг 16-д багтаж байснаар нь уншигчид андахгүй танина. Тэрбээр дуулахаас гадна мэргэжлийн жүжигчин төдийгүй гитар сайн тоглодог авьяас билиг нь цогцолсон нэгэн. Урлагийн хүн бүх төрлийн авьяастай байх хэрэгтэй гэдэг шүү дээ. Тэр ч мөн адил дуулах, жүжиглэхээс гадна сонгодог урлагийн нэг болох балетээр хичээллэдэг аж. Монгол ардын бүжиг, хип-хоп гээд бүжгийн олон төрөлт хувирч өөрийгөө өөр өнцгөөс нь харуулах шинэ уран бүтээлч маань Поп, Данс чиглэлээр уран бүтээлээ туурвих юм байна.

 

Э.ГАНБИЛЭГ

https://www.dorgio.mn/uploads/2019/10/2fdb9cb588eedeca9debb969d65c8d35.jpg

Шинэ уран бүтээлч Э.Ганбилэг нь гитар, төгөлдөр хуур тоглодог өөрийн авьяасаа өнгөлөхөөр "The Voice of Mongolia-2018" шоунд оролцож шилдэг 16-ын нэг болж чадсан. Тэрбээр чөлөөт цагаараа  сагсан бөмбөг тоглодог чадварлаг тоглогч гэнэ. Тун удахгүй поп чиглэлээр уран бүтээлээ олны хүртээл болгохоор зэхжээ.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
  • Үндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой энэ жил тохиож буй. Ойн хүрээнд баримтат кино, кино концерт, түүхэн ном бүтээж, цуврал тоглолт хийхээр төлөвлөж байгаа талаар уран бүтээлчид нь мэдээлэл хийлээ.
  • Д.Отгонжаргал фэнүүдээ Д.Отгонжаргал фэнүүдээ "Хун галуу"-ны эгшиглэнт ертөнцөөр аялуулнаДуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ "Монгол Улсын Соёлын тэргүүний ажилтан" хэмээх эрхэм алдрыг хүртсэн нь саяхан.
  • С.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлангийн дууг мэдэхгүй хүн гэж үгүй. Найман настай балчраас наян настай буурай хүртэл даган дуулж, уяран хайлж байна. Түүний дуунууд одоо ч хуучнаараа, сонсох бүрийд дотнохон. УИХ-ын гишүүн болоод урлагийн алтан тайз, үзэгч, сонсогч фэнүүдээсээ хэсэг хугацаанд хөндийрөөд байсан Гавьяат жүжигчин С.Жавхлан тайзнаа иргэн ирлээ. Тэрээр ард түмэнтэйгээ тайзан дээрээс энэ өдрүүдэд мэндчилж байна.
  • “МОРИН ХУУР- 33” шилдэг дууны концерт болно“МОРИН ХУУР- 33” шилдэг дууны концерт болноМонгол Улсын Соёлын яам, Засгийн газрын хэрэгжүүлэгч агентлаг Соёл, урлагийн газар, Монголын Хөгжмийн Зохиолчдын холбоо, Монгол Улсын Филармони хамтран “БҮХ НИЙТИЙН ХӨГЖМИЙН БАЯР 2020” арга хэмжээг 2020 оны аравдугаар сарын 05-ны өдрөөс арваннэгдүгээр сарын 15-ны өдрийг хүртэлх хугацаанд улсын хэмжээнд зохион байгуулж байна.
 Сүүлд нэмэгдсэн дуу