2020-06-08 01:03

Т.Өрлөг: Би хүүхэд байхаасаа л ар Монголд ирэхийг хүсдэг байсан

“Монгол тв”-ийн “The Voice of Mongolia”-2 шоуны оролцогч Т.Өрлөгтэй ярилцлаа. Тэрбээр “The Voice of Mongolia” шоуны өнгөрсөн долоо хоногт гарсан Монгол дууны шатнаас хасагдсан билээ.

-Юуны өмнө өөрийгөө товчхон танилцуулахгүй юу?

-Сайн байна уу? Намайг Т.Өрлөг гэдэг, 1989 онд төрсөн. Өвөр Монголын Хянган аймгаас ирсэн. Одоогоор Монгол Улсын консерватурт их хуурын мэргэжлээр суралцаж байгаа энэ жил төгсөх анги. Гэр бүр зохиогоогүй, Монголд ганцаараа байдаг. Өвөр Монголд аав, ээжийн хамтаар амьдардаг байсан.

-Монголд хэд дэх жилдээ амьдарч байна вэ?

-Монгол Улсад ирээд тав дахь жилдээ амьдарч байна.

-Эндхийн амьдралд дасч байна уу. Хэцүү зүйл тохиолдох, соёлын ялгаа гарч байв уу?

-Анх Монголд ирэхэд соёлын ялгаа бага зэргийн мэдрэгдэж байсан. Манай хоёр нутгийн хэлний аялга, дуудлага жаахан өөр болохоор энд хүмүүстэй харилцахад нэлээд бэрхшээлтэй санагддаг байсан. Мөн мөнгөн дэвсгэрт өөр учраас эхэндээ тооцоо алдаад жаахан хэцүү байдаг байсан /инээв/. Гэхдээ одоо жил ирэх тусам эндхийн амьдралд дасан зохицож байна. Хэл маань ч гэсэн нэлээд сайжирсан гэж бодож байгаа.

-Яагаад Монголд сурахаар болсон бэ?

-Би хүүхэд байхаасаа л  Монголд ирж үзэх, эндхийн соёл иргэншилтэй танилцаж, амьдрах хүсэлтэй байсан юм. Хоёрдугаарт би урлагт маш их хайртай, урлагийн ажил, амьдралаар амьдрах чин хүсэлтэй байсан минь намайг энд ирэхэд хүргэсэн. Учир нь Монголын хөгжмийн боловсрол маш сайнаар үнэлэгддэг шүү дээ. Анх морин хуураар суралцах хүсэлтэй байсан ч их хуур нь илүү давуу талтай, ашигтай гэсэн зөвлөгөөг сонсоод энэ мэргэжлээр Монголд суралцах болсон.

-Танай удамд урлагийн хүн бий юу?

-Манай гэр бүлд яг урлагаар мэргэжлийн сургуульд номын дууг нь сонссон хүн байдаггүй ч аав маань сонирхлоороо уртын, ардын, зохиолын гээд бүх л төрлийн дууг их сайхан дуулдаг хүн байдаг.  Мөн аавын маань дүү дуучин, харин өвөө нь морин хуурч байсан юм гэнэ лээ.

 

-Таны бага нас хэрхэн өнгөрсөн бэ?

-Миний бага нас бусад хүүхдүүдийнхтэй л ижил, төстэй өнгөрсөн дөө. Бага сургуульд байхдаа хоёр жил орчим морин хуурын сургалтад хамрагдаж байсан. Дараа нь Япон улсаас олон хүн ирээд бидэнд нэмэлт хичээл зааж, тэндхийн олон хүүхдүүдтэй хамтран тоглолт хийж байсан.

-Цаашдын зорилго мөрөөдөл тань юу вэ?

-Би өөрийгөө, өөрийнхөө хүрч чадах хязгаар хүртэл сайжруулах зорилготой байгаа. “The Voice of Mongolia” шоунд оролцоод өөрт олж авсан мэдлэг, туршлагаа илүү хөгжүүлж, өөртөө суулгаж улам илүү сайжрахыг хүсэж байна. Мөн цаашлаад дэлхийн алдартай топ дуучдын дунд өөрийнхөө нэрийг байхыг харах нь  миний хүсэл мөрөөдлийн нэг хэсэг. Тиймээс энэ мөрөөдлийнхөө төлөө хичээж ажиллана.

-Д.Уламбаяр буюу Ука шүүгчийг яагаад сонгох болсон бэ. Түүнтэй хамтарч ажиллахад ямар чанар нь илүү сэтгэлд тань хүрсэн бэ?

-Монголд ирээд хамгийн их хүндэлдэг болсон уран бүтээлч бол Ука шүүгч, дасгалжуулагч маань юм. Түүний уран бүтээлүүдийг сонсоод үзэхэд яг л миний үзэл бодол сонирхолтой дөхсөн маш сайхан зүйлүүд байдаг учраас тэр хүнтэй хамтран ажиллая гэж бодсон. Ука шүүгч, дасгалжуулагчтайгаа хамтраад, ажиллаад үзэхэд үнэхээр л сэтгэлээрээ, бүх зүйл дээр надад тусалж, дэмжиж байсан. Дуучин хүн ямар байх ёстой, тайзан дээр, олон нийтийн сүлжээнд хэрхэн биеэ авч явах гээд бүх л шаардлагатай зүйлсэд намайг баг багаар сургасан гэж бодож байгаа. Мөн “Монгол тв”-ийн хамт олноос маш олон зүйл сурч авсан. Над шиг олон залуусын хүсэл мөрөөдлийг биелүүлж, нийт Монголчуудад таниулж, үлгэрийн юм шиг цаг хугацаагаар аялуулж байгаад нь энэ ташрамд баярлалаа гэж хэлмээр байна.

-“The Voice of Mongolia” шоун дээр дуулсан дууны сонголтоо хэрхэн хийсэн бэ?

- Дууны сонголтуудыг ихэвчлэн шүүгч, дасгалжуулагчтайгаа хамтран ярилцаад шийддэг. Надад аль болох ашигтай, миний хоолойн өнгөнд тохирох дуунуудыг шүүгч дасгалжуулагч маань сонгож өгөхийг хичээдэг. Гэхдээ мэдээж энэ чинь тэмцээн, уралдаан учраас заавал тодорхой хэмжээний сорилт, хичээл зүтгэл шаардсан дуу дуулах нь элбэг байдаг. Монгол дууны шат явагдах үеэр анх удаа Л.Тайванбат ахын “Цэнхэр сарны туяа” хэмээх сайхан дууг сураад үзэгчдэдээ хүргэсэн байгаа. Энэ нь миний Монголд ирээд сурсан хамгийн анхны Монгол дуу байсан.

-“The Voice of Mongolia” шоуны дараагийн шатанд тэнцэж чадсангүй. Тухайн үед сэтгэлээр унасан уу?

-“The Voice of Mongolia” шоуны Монгол дууны шатнаас хасагдахдаа огтхон ч сэтгэлээр унаагүй ээ. Учир нь би бүрэн боловсорсон мэргэжлийн дуучин биш, анх удаа л ийм том, дэлхийн хэмжээний тэмцээн уралдаанд оролцож байгаа. Тийм байхад ийм хол явсандаа харин ч талархаж, өөрийгөө чамлахааргүй амжилт гэж бодож байсан. Хамгийн чухал нь “The Voice of Mongolia” шоунд оролцсоноороо Ука шүүгч, дасгалжуулагчаасаа болоод “Монгол тв”-ийн хүчирхэг хамт олноосоо маш их зүйлсийг суралцаж авсан байсан. Одоо намайг маш олон Монгол ахан дүүс маань таньдаг мэддэг болсон. Дэмжиж байгаа олон сэтгэгдэл уншсан. Үүнийг харахад надад үнэхээр сайхан байсан.  Урлагийн амьдрал хатуу, үргэлж шалгууртай тулгардаг юм шиг. Үүнд би бэлэн л байх ёстой.

-Өмнө нь ямар нэг уран бүтээл гаргаж байсан уу?

-Өмнө нь өөрийн гэсэн уран бүтээл гаргаж байгаагүй ээ. Одоохондоо ч гэсэн ойрын хугацаандаа уран бүтээл гаргах гэж яарахаасаа өмнө илүү сайн өөрийгөө тунгааж, ойлгож “The Voice of Mongolia” шоунаас сурсан зүйлсээ өөртөө илүү суулгаж, сайжирсны дараа бүр илүү сайн уран бүтээл гаргах төлөвлөгөөтэй байгаа.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
  • Үндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой энэ жил тохиож буй. Ойн хүрээнд баримтат кино, кино концерт, түүхэн ном бүтээж, цуврал тоглолт хийхээр төлөвлөж байгаа талаар уран бүтээлчид нь мэдээлэл хийлээ.
  • Д.Отгонжаргал фэнүүдээ Д.Отгонжаргал фэнүүдээ "Хун галуу"-ны эгшиглэнт ертөнцөөр аялуулнаДуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ "Монгол Улсын Соёлын тэргүүний ажилтан" хэмээх эрхэм алдрыг хүртсэн нь саяхан.
  • С.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлангийн дууг мэдэхгүй хүн гэж үгүй. Найман настай балчраас наян настай буурай хүртэл даган дуулж, уяран хайлж байна. Түүний дуунууд одоо ч хуучнаараа, сонсох бүрийд дотнохон. УИХ-ын гишүүн болоод урлагийн алтан тайз, үзэгч, сонсогч фэнүүдээсээ хэсэг хугацаанд хөндийрөөд байсан Гавьяат жүжигчин С.Жавхлан тайзнаа иргэн ирлээ. Тэрээр ард түмэнтэйгээ тайзан дээрээс энэ өдрүүдэд мэндчилж байна.
  • “МОРИН ХУУР- 33” шилдэг дууны концерт болно“МОРИН ХУУР- 33” шилдэг дууны концерт болноМонгол Улсын Соёлын яам, Засгийн газрын хэрэгжүүлэгч агентлаг Соёл, урлагийн газар, Монголын Хөгжмийн Зохиолчдын холбоо, Монгол Улсын Филармони хамтран “БҮХ НИЙТИЙН ХӨГЖМИЙН БАЯР 2020” арга хэмжээг 2020 оны аравдугаар сарын 05-ны өдрөөс арваннэгдүгээр сарын 15-ны өдрийг хүртэлх хугацаанд улсын хэмжээнд зохион байгуулж байна.
 Сүүлд нэмэгдсэн дуу