2020-09-28 06:17

Бүжгийн багш нарыг мэргэжил дээшлүүлэх сургалтад хамрууллаа

   СУИС-ийн Бүжгийн урлагийн сургуулиас Төв аймгийн сумдын Соёлын төвийн бүжгийн багш нарт зориулсан богино хугацааны мэргэжил дээшлүүлэх сургалт зохион байгуулав. 2020 оны 09 дүгээр сарын 21-нээс 24-ны өдрүүдэд болсон тус сургалтад 20 сумын Соёлын төвийн багш нар хамрагдлаа. Тус сургалт нь орон нутгийн бүжгийн багш нарын онол, практикын мэдлэг чадвар, бүжиг заах арга зүйг дээшлүүлэх зорилготой, гурван багц цагийн сертификаттай сургалт болно.

   “Монгол бүжгийн утга бэлгэдэл” сэдвээр “Ардын урлаг, бүжиг судлалын профессорын баг”-ийн тэргүүлэх профессор, Ардын багш, Шинжлэх ухааны доктор С.Дулам лекц уншиж, “Бүжгийн зохиомжийн арга зүй” хичээлийг Бүжгийн урлагийн сургуулийн захирал Урлагийн гавьяат зүтгэлтэн Д.Баярбаатар, “Сонгодог бүжиг заах арга зүй” хичээлийг Д.Алтантуяа, “Монгол бүжиг заах арга зүй” хичээлийг Гавьяат жүжигчин Д.Энхгэрэл, “Бүжгийн хөгжмийн шинжлэл” хичээлийг Т.Гэрлээ нарын шилдэг багш нар заав. Хөдөлмөрийн баатар, Ардын жүжигчин, Төрийн шагналт балетмейстер Б.Жамъяндагва бүжгийн багш нартай уулзалт хичээл хийж мэдлэг туршлагаа хуваалцлаа.

   Төв аймгийн Засаг даргын тамгын газар, Нийгмийн бодлогын хэлтсийн дэмжлэг, “Монгол туургатан” театр, СУИС-ийн Бүжгийн урлагийн сургуулийн хамтын ажиллагааны хүрээнд зохион байгуулсан мэргэжил дээшлүүлэх сургалт үр дүнтэй боллоо. Сумдын бүжгийн багш нар: Ийм үр дүнтэй, ач холбогдолтой сургалтад тодорхой давтамжтайгаар, тогтмол хамрагдах хүсэлтэй байгаагаа илэрхийлж байлаа.

  СУИС-ийн Бүжгийн урлагийн сургууль нь мэргэжлийн урлагийн байгууллага, соёлын байгууллагад ажиллаж буй бүжгийн мэргэжилтнүүдийн мэргэжил дээшлүүлэх төв байх бодлогынхоо хүрээнд энэхүү богино хугацааны сургалтыг зохион байгууллаа.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Д.Отгонжаргал фэнүүдээ Д.Отгонжаргал фэнүүдээ "Хун галуу"-ны эгшиглэнт ертөнцөөр аялуулнаДуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ "Монгол Улсын Соёлын тэргүүний ажилтан" хэмээх эрхэм алдрыг хүртсэн нь саяхан.
  • С.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлангийн дууг мэдэхгүй хүн гэж үгүй. Найман настай балчраас наян настай буурай хүртэл даган дуулж, уяран хайлж байна. Түүний дуунууд одоо ч хуучнаараа, сонсох бүрийд дотнохон. УИХ-ын гишүүн болоод урлагийн алтан тайз, үзэгч, сонсогч фэнүүдээсээ хэсэг хугацаанд хөндийрөөд байсан Гавьяат жүжигчин С.Жавхлан тайзнаа иргэн ирлээ. Тэрээр ард түмэнтэйгээ тайзан дээрээс энэ өдрүүдэд мэндчилж байна.
  • “МОРИН ХУУР- 33” шилдэг дууны концерт болно“МОРИН ХУУР- 33” шилдэг дууны концерт болноМонгол Улсын Соёлын яам, Засгийн газрын хэрэгжүүлэгч агентлаг Соёл, урлагийн газар, Монголын Хөгжмийн Зохиолчдын холбоо, Монгол Улсын Филармони хамтран “БҮХ НИЙТИЙН ХӨГЖМИЙН БАЯР 2020” арга хэмжээг 2020 оны аравдугаар сарын 05-ны өдрөөс арваннэгдүгээр сарын 15-ны өдрийг хүртэлх хугацаанд улсын хэмжээнд зохион байгуулж байна.
  • Ерөнхий сайд гэргийтэйгээ үзсэн Ерөнхий сайд гэргийтэйгээ үзсэн "Анна Каренина"Бямба/2020.10.03/гариг. Цагийн зүү 18.00-ыг зааж байлаа. Улсын драмын эрдмийн театрт үзэгчид цагаасаа өмнө ирцгээжээ. Бүтэн 10 сар хаалга барьсан драмын театр үзэгчдээ, үзэгчид театраа санасан мэт. Ийнхүү Төрийн соёрхолт найруулагч Н.Наранбаатарын найруулгаар Монголын тайзнаа амилж буй алдарт Лев Толстойн “Анна Каренина” үзэгчдийн оюуны цангааг тайлахад бэлэн болжээ. "Анна Каренина" аль эртнээс үзэгчдийн хүлээлт дагуулсан ч коронавирусийн улмаас нээлтээ хойшлуулснаар намартай золгосон.
  • П.И.Чайковскийн мэндэлсний 180 жилийн ойд зориулсан хүндэтгэлийн концерт болноП.И.Чайковскийн мэндэлсний 180 жилийн ойд зориулсан хүндэтгэлийн концерт болноМонгол Улсын Филармонийн Симфони найрал хөгжим Петр Ильич Чайковскийн мэндэлсний /1840-1893/ 180 жилийн ойд зориулсан хүндэтгэлийн концертыг өөрийн тайзнаа 2020.10.10-10.24-ны өдрүүдэд 18:00 цагт Улсын Филармонийн тайзнаа тоглогдох болно.
 Сүүлд нэмэгдсэн дуу