2020-10-01 12:28

УДБЭТ “Учиртай гурван толгой” дууриар улирлаа эхлүүлнэ

Улсын дуурь бүжгийн эрдмийн театр /УДБЭТ/ 58 дахь удаагийн улирлын нээлтээ Монголын сонгодог бүтээл болох Б.Дамдинсүрэнгийн “Учиртай гурван толгой” дуурь, Ж.Мэнд-Амарын “Үйлийн гурван толгой” балетээр эхлүүлэх гэж байна.  “Учиртай гурван толгой” дуурийг аравдугаар сарын 3-нд, “Үйлийн гурван толгой” балетыг аравдугаар сарын 4-нд тус, тус тоглох юм.

УДБЭТ-ын захирал Ц.Түвшинтөгс хэлэхдээ “Ахмадууд маань жил бүр "Учиртай гурван толгой" дууриар улирлаа нээж, хаадаг байсан уламжлалтай. Энэхүү уламжлалыг эвдэхгүй. Эдгээр бүтээл нь Монголын өв уламжлал, ёс заншлыг өгүүлсэн шилдэг уран бүтээл юм. Манай урын санд дуурь, балет нийлсэн 150 гаруй бүтээл бий.  Мөн бид судалгаанд суурилан уран бүтээлүүдээ тайзнаа тавина. Манай театрын маркетинг судалгааны алба сүүлийн 20 жилд эх орондоо болон олон улсад тоглогдсон сонгодог бүтээлүүд, үзэгчдийн судалгааг хийсэн. Үүнд түшиглэн уран бүтээлийн хуваарийг гаргаж байх болно. Өмнө нь бүтэн жилээр нь хуваариа төлөвлөдөг байсан бол энэ жилээс эхлэн гурван сараар гаргадаг болсон. Үзэгчдийн сэтгэл ханамжийг судалгааг ч хийсэн. Сонгодог урлагийг зөвхөн Улаанбаатар хотын үзэгчдээр хязгаарлахгүй орон нутгийн үзэгчдэд таниулахад анхаарна. Залуучуудад Монголын уламжлалт өв соёлоо сонгодог бүтээлүүдээрээ дамжуулан таниулах  зорилт тавин ажиллаж байна” гэлээ.

Мөн театрынхаа орчин нөхцөлийг засч янзлах, тоног төхөөрөмжийг шинэчлэх шаардлагатай талаар дээд албан тушаалтнуудад хүсэл тавьсан  ч өнөөдрийг хүртэл тодорхой хариу өгөөгүй байгааг театрын захирал онцоллоо.

Тоглолтын 58 дахь улирлын нээлтийн үйл ажиллагааны тоглолтын Удирдаачаар Урлагийн гавьяат зүтгэлтэн Ц. Мөнхболд туслах найруулагчаар Гавьяат жүжигчин Х.Гэрэлчимэг, хөтлөх найруулагч Соёлын тэргүүний ажилтан Б.Туул нар ажиллана.

"УЧИРТАЙ ГУРВАН ТОЛГОЙ" ДУУРИЙН ДҮРҮҮДЭД:

  • Юндэн (Жирийн ард) – Л.Бүүвэйбаатар,
  • Нансалмаа (Юндэнгийн сүйт бүсгүй) – Ш.Наранчимэг МУСТА ,
  • Хоролмаа (Юндэнд сэтгэлтэй бүсгүй) – С.Мөнгөнцэцэг
  • МУГЖ, Балган (Хошуу ноён)-О.Хүрэлбаатар МУСТА,
  • Худалдаачин – Э.Отгонбат,
  • Дууч – Б.Мөнхбаатар МУГЖ,
  • Ц.Мөнхболд УГЗ,
  • Хуурч – Ард өвгөн – Ө.Цэрэнчунт МУСТА,
  • Замын тосуул-Д.Эрдэнэ-Очир СТА,
  • Б.Алтанхуяг МУСТА,
  • Бүүвэйч-Г.Доржхорол МУГЖ,
  • Согтуу ноён – М.Даваадорж МУСТА,
  • Балганы дагуулууд- С.Бат-Эрдэнэ СТА, Л.Болдцэрэн, Б.Монголхүү, Г.Дашчанрав, Э.Мөнхтөр,
  • Хатад -Г.Энхцэцэг МУСТА, Ж.Иймаа,
  • Лам – Н.Төмөрсүх МУСТА,
  • Юндэнгийн дагуулууд – Э.Амарсайн, Б.Энхсайхан МУСТА, УДБЭТ-ийн найрал дуучид, Симфони найрал хөгжимчид оролцоно.

"ҮЙЛИЙН ГУРВАН ТОЛГОЙ" БАЛЕТЫН ДҮРҮҮДЭД:

  • Юндэн (Жирийн ард) -А.Эрдэнэболд МУСТА,
  • Нансалмаа (Юндэнгийн сүйт бүсгүй) – Б.Саруул МУСТА,
  • Хоролмаа (Юндэнд сэтгэлтэй бүсгүй)- Б.Баасансүрэн МУСТА,
  • Балган (Хошуу ноён)-Э.Эрдэнэжаргал МУСТА,
  • Ноён-М.Од МУСТА,
  • Хатан-Э.Ууганцэцэг,
  • Өвгөн сахиул-С.Ганбат МУСТА,
  • Бор охин-Ч.Дүүрэнжаргал,
  • Худалдаачин-Т.Хан-Очир,

Тасалбар суудлын зэрэглэлээс хамааран 10-30 мянган төгрөгийн үнэтэй байх аж.

Б.ӨЛЗИЙНАРАН

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Д.Отгонжаргал фэнүүдээ Д.Отгонжаргал фэнүүдээ "Хун галуу"-ны эгшиглэнт ертөнцөөр аялуулнаДуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ "Монгол Улсын Соёлын тэргүүний ажилтан" хэмээх эрхэм алдрыг хүртсэн нь саяхан.
  • С.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлангийн дууг мэдэхгүй хүн гэж үгүй. Найман настай балчраас наян настай буурай хүртэл даган дуулж, уяран хайлж байна. Түүний дуунууд одоо ч хуучнаараа, сонсох бүрийд дотнохон. УИХ-ын гишүүн болоод урлагийн алтан тайз, үзэгч, сонсогч фэнүүдээсээ хэсэг хугацаанд хөндийрөөд байсан Гавьяат жүжигчин С.Жавхлан тайзнаа иргэн ирлээ. Тэрээр ард түмэнтэйгээ тайзан дээрээс энэ өдрүүдэд мэндчилж байна.
  • “МОРИН ХУУР- 33” шилдэг дууны концерт болно“МОРИН ХУУР- 33” шилдэг дууны концерт болноМонгол Улсын Соёлын яам, Засгийн газрын хэрэгжүүлэгч агентлаг Соёл, урлагийн газар, Монголын Хөгжмийн Зохиолчдын холбоо, Монгол Улсын Филармони хамтран “БҮХ НИЙТИЙН ХӨГЖМИЙН БАЯР 2020” арга хэмжээг 2020 оны аравдугаар сарын 05-ны өдрөөс арваннэгдүгээр сарын 15-ны өдрийг хүртэлх хугацаанд улсын хэмжээнд зохион байгуулж байна.
  • Ерөнхий сайд гэргийтэйгээ үзсэн Ерөнхий сайд гэргийтэйгээ үзсэн "Анна Каренина"Бямба/2020.10.03/гариг. Цагийн зүү 18.00-ыг зааж байлаа. Улсын драмын эрдмийн театрт үзэгчид цагаасаа өмнө ирцгээжээ. Бүтэн 10 сар хаалга барьсан драмын театр үзэгчдээ, үзэгчид театраа санасан мэт. Ийнхүү Төрийн соёрхолт найруулагч Н.Наранбаатарын найруулгаар Монголын тайзнаа амилж буй алдарт Лев Толстойн “Анна Каренина” үзэгчдийн оюуны цангааг тайлахад бэлэн болжээ. "Анна Каренина" аль эртнээс үзэгчдийн хүлээлт дагуулсан ч коронавирусийн улмаас нээлтээ хойшлуулснаар намартай золгосон.
  • П.И.Чайковскийн мэндэлсний 180 жилийн ойд зориулсан хүндэтгэлийн концерт болноП.И.Чайковскийн мэндэлсний 180 жилийн ойд зориулсан хүндэтгэлийн концерт болноМонгол Улсын Филармонийн Симфони найрал хөгжим Петр Ильич Чайковскийн мэндэлсний /1840-1893/ 180 жилийн ойд зориулсан хүндэтгэлийн концертыг өөрийн тайзнаа 2020.10.10-10.24-ны өдрүүдэд 18:00 цагт Улсын Филармонийн тайзнаа тоглогдох болно.
 Сүүлд нэмэгдсэн дуу