2012-04-11 08:45

Гарчиг

Шүдэнзний хайрцаг доторх морин хуур 

Шүдэнзний хайрцаг доторх морин хуур

Монголын хамгийн жижигхэн морин хуур долоон сантиметр өндөр. Түүнийг бүтээсэн сийлбэрч Д.Хуягттай ярилцлаа. Тэрээр шүдэнзний хайрцагтай андуурам бүтээлээ “өлгийдөөд” удаагүй. Усан болон газрын хээгээр хайрцгийг нь чимж, жирийн морин хуурыг 17-18 дахин багасган бүтээжээ. 

-Хамгийн жижиг морин хуур урлах санаа хэрхэн төрсөн бэ. Багагүй ур хийц шаардсан уу? 
-Би 30 гаруй жил сийлбэрчнээр ажиллалаа. Олон морин хуур бүтээсэн. Саяхан энэ санаа төрж хамгийн жижигхэнийг хийлээ. Эхэндээ өөртөө итгэлгүй байсан ч зориглоод суувал бүтдэг юм байна. 

-Яагаад заавал шүдэнзний хайрцаг шиг бүтээсэн юм бэ? 
-Шүдэнзний хайрцаг гэж ойлгож болохгүй. Сүүлийн үед морин хуурыг жаазанд хийдэг болсон. Түүнээс санаа авлаа. Жижигхэнийг урлана гэдэг том хуур бүтээхээс хэцүү санагдсан. Бүх хэмжээ нь стандартын дагуу нарийн хэмжээстэй. Багажаа зүү шиг нарийхан болгох шаардлага гарсан. 

-Бүх зүйл стандартын дагуу гэхээр энэ хуур дуугарах уу? 
-Дуугарна. Гэхдээ хэтэрхий жижигхэн учир хүмүүсийн хүссэнээр эгшиглэж чадахгүй. Түүнээс биш давирхайтай, жинхэнэ Монгол адууны үсээр утсыг нь хийсэн. Мөн хуурын цар, иш нь яг морин хуур шиг бүтээсэн. 

-Ямар зорилгоор хуураа урласан юм бэ. Хүмүүст сонирхуулж амжив уу? 
-Үзсэн улс гайхаж сайхан хүлээн авсан. Худалдаж авъя гэсэн хүн олон байна. Цаашид дахин хийх хүсэл бий. Сайхан бэлэгдэлтэй хөгжмөө баяжуулъя, урлаач хүний хувьд болохоос нь болохгүйг хүртэл сэтгээд үзье гэж бодлоо. 

-Таныг М.Чуваамид гуайн шавь гэж сонссон. Энэ талаар хуучлахгүй юу? 
-Багш маань намайг сийлбэрч болгосон. Би гар урлалын үйлдвэрт чимэглэгчээр ажиллаж байлаа. Тухайн үед М.Чуваамид гуай урлалын цехэд нь уран сайхны удирдаач байв. Нэг өдөр “Ажлаа тараад ороод ирээрэй” гэж байна. Тэгээд 15 дугаар хорооллоос V сургууль хүртэл намайг дагуулаад алхлаа. Багшийн гэр нь V сургуулийн урд байсан. Алхах замдаа “Чамд авьяас байна, сийлбэрч болоход алдах зүйл байхгүй” гэж намайг ятгасан. Тэгээд л багшийнхаа удирдлагад ажиллах болсон юм.

Т.Сайхан

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
  • "Хурд" хамтлаг онлайн тоглолтоороо 246 сая төгрөгийн хандив цуглуулжээ “Хурд” хамтлаг олон улсын эмэгтэйчүүд ийн эрхийг хамгаалах өдрөөр буюу өнөөдөр /2020.03.08/ нийт эмэгтэйчүүддээ зориулж "Буцааж нэхэхгүй хайр" онлайн тоглолт зохион байгууллаа.
 Сүүлд нэмэгдсэн дуу