2012-04-13 11:00

Румба

Биеийн хөдөлгөөнийг хөлийн хөдөлгөөнөөс илүү чухалчилдаг бүжиг хийдэг байсан Африкийн негр боолуудыг Куба руу импортлосноос энэ бүжиг үүсэлтэй. Хөгжмийн ая чухал байсангүй, тогоо, сэрээ, лонх зэргийг ашиглан дуугаргадаг байсан цогц хэмнэл илүү үүрэгтэй байлаа.
 
Энэ нь 19-р зууны Гаванагийн Контраданз-тай нийлсэнтэй холбоотой. Бүжгийн нэрийг Испани хэлний "зам, чиглэл" гэсэн утгатай "румбо", "овоолсон чулуу" гэсэн утгатай "румба", Карибийн орнуудад өргөн хэрэглэгддэг ликор дарсны нэг төрөл болох "рум" зэрэг олон үгнүүдээс үүсэлтэй гэж тайлбарладаг ч 1807 онд бүжгийн хамтлагт зориулан тоглодог байсан "румбосо оркестр" гэсэн нэр томъёоноос үүсэлтэй байж болох юм. Мөн энэ нэрийг Испанийн ‘карусель’ гэдэг үгнээс үүсэлтэй гэж зүтгэгчид ч байдаг.
 
Кубын Румбаны хөдөөгийн хэлбэр нь үггүй жүжиг хэлбэртэй байсан байна. Бүжиглэх үедээ мөрөө тогтмол нэг түвшинд барих нь боолууд хүнд ачааг зөөх чирэх аргатай холбоотой байсан байж болох юм. "Кукарача" хэмээх хөдөлгөөн нь жоомыг (cockroach) бяц дэвслэх хөдөлгөөн, "цэгийн эргэлт" нь тэрэгний мөөрийг тойрох алхалт байсан байна. Румбаны алдарт "Ла Палома" аяыг 1866 онд Кубад мэддэг болсон.
 
Хөдөөгийн Румба нь Гуарача, Сон, Кубын Болеро (Испанийн Болеротой огт хамаагүй)-той нийлсэн хэлбэрээр 1930-аад онд Америкт танил болов.
 
Британий бүжгийн багш Пьер Лавелл 1947 онд Гаванад зочилж очоод Румбаг Америкийн Румба шиг тактын 1-р цохилтон дээр бус 2-р цохилтон дээр, завсарлагатай алхалтаар бүжиглэвэл зөв гэж шийдсэн. Гэвч энэ нь бүхэлдээ зөв бус. Румбад хөгжмийн цохилтыг Клэйвс (хоёр савааг зэрэг цохих) шийдвэрлэдэг байна. Клэйвс нь 2 тактат фразын эхний тактын 1, 4, 7-р хагас цохилтон дээр, хоёрдугаар тактын 3, 5-р хагас цохилтон дээр цохидог. Бүхэл цохилтуудыг тоолох үед эдгээр нь эхний тактын 1-р цохилт, 3-ын өмнөх хагас цохилт, 4-р цохилт, хоёрдугаар тактын 2 ба 3-р цохилтууд дээр таарна. Ингэхлээр хоёр тактын турш 5 алхам Клэйвсийн цохилттой нийлнэ гэсэн үг болж байна. Гэвч бас тийм биш юм. Америкийн Румбаг нэгдүгээр тактын Клэйвсийн цохилтон дээр бүжиглэдэг. Пьер түүний оронд хоёрдугаар тактыг ашиглан, 2 ба 3-р цохилтон дээр алхах, түүн дээр нэмж 4-р цохилтон дээр нэгэн том алхалт хийхээр шийдсэн. Пьер үүнийгээ Гаванад Пип Риверагаар заалгасан өөр олон алхалтуудын хамт Британи руу аваачжээ. 1-р цохилтоос 2-р цохилтыг илүү гэж онцолсон энэ алхалтууд нь 1940, 50-иад оны халуун маргаанаас олон жилийн хойно Олон улсын стандартчилсан Кубын Румбаны нэгэн хэсэг болсон байна.
 
Такт бүрийн 1-р цохилтон дээр биеийн жинг нэг хөлөөс нөгөөд шилжүүлэх, жинхэнэ алхалтыг энэ цохилтон дээр хийхгүй байх нь бүжгийг маш мэдрэмжтэй тачаангуй болгосон байна. 1-р цохилт нь хөгжмийн хүчтэй цохилт боловч энэ цохилтон дээр ташаа л хөдөлнө. Энэ нь хөгжмийн удаан хэмнэлийн (116 цохилт/минут) хамт бүжгийг маш романтик болгодог. Алхалтууд 2, 3, 4-р цохилтууд дээр хийгдэнэ. Өвдөгний шулуун байдал, биеийн жингийн шилжилт, эргэлт зэрэг нь хагас цохилтууд дээр явагдах ба өлмий дээр урагш алхах үед биеийн жин Самбаны адил тогтвортой урагшилж, их бие маш бага хөдөлнө.
Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
  • "Хурд" хамтлаг онлайн тоглолтоороо 246 сая төгрөгийн хандив цуглуулжээ “Хурд” хамтлаг олон улсын эмэгтэйчүүд ийн эрхийг хамгаалах өдрөөр буюу өнөөдөр /2020.03.08/ нийт эмэгтэйчүүддээ зориулж "Буцааж нэхэхгүй хайр" онлайн тоглолт зохион байгууллаа.
 Сүүлд нэмэгдсэн дуу