2012-04-20 11:46

“Аав ээжээ магтан дуулъя”

 

Эрдэнэтээс гаралтай гурван бүдүүн найз анх байрны орцонд банзан гитар нүдэж дуу аяланхан байсан цаг тэртээд хүүхэд насны гэгээн дурсамж болон үлджээ. Гэхдээ чухам л тэр үеэс эхлэн өдгөө цагт шүтэн бишрэгч, фенүүдийнх нь аялах дуртай болсон дуунуудынх нь санаа төрсөн нь гурван бүдүүний уран бүтээл хэзээнээс эхэлснийг бэлхэнээ гэрчилнэ.
Тэдний “38-тай аав”, “Ээжийгээ гомдоох учиргүй”, “Хүн шиг явж ээжийгээ баярлуулъя” зэрэг сиймгэр цагаан будан шиг хөнгөн гуниг төрүүлдэг үнэн үгтэй, өөрийн эрхгүй аялмаар уран бүтээлүүдийнх нь санаа хүүхэд настай нь салшгүй холбоотой.
 “38-тай аав”, “Ээжийгээ гомдоох учиргүй”, “Хүн шиг явж ээжийгээ баярлуулъя” зэрэг дуунууд нь тэдний брэнд дуунууд. Бас фенүүдийнх нь ч хайртай дуу. Анх 2005 онд монголын орчин үеийн хөгжмийн ертөнцөд уянгалаг, намуухан ухаарал хайрламаар үнэн үгтэй дуунуудыг өөрийн имидж болгон орж ирсэн залуус өдгөө эрч хүчээ ч алдалгүй уран бүтээлээ туурвисаар байгаа. 
 
   ... “Хорвоо ямар хоёр эргэх биш дээ, ээж минь
   Харин түүний оронд хүн шиг явж баярлуулъя
   Дандаа би ямар ижийдээ очиж үнсүүлэх  ч биш дээ
   Дан ганц цэцэгсийн баглаагаар сэтгэлийг нь хуураад яах юм бэ” хэмээн дуулах дуу яасан ч үнэн үгтэй юм бэ дээ. Үнэхээр хүн шиг хүн явж чадахгүй байж дан цэцэгсийн баглаагаар ижийнхээ сэтгэлийг хуураад ч яах билээ. Харин хүний дайтай хүн шиг явбал хүү нь болж төрсний гавъяа тэр. Бас ижийгээ ч баярлуулна. Үртэй хүний жаргал тэр. Үнэн үгтэй, бас ингэн тэмээний нулимс шиг мэлмэрүүлмээр энэ эгэлхэн дуу эх үрсийн зүрхэнд үүрд мөнх эгшиглэх нь мэдээж. 
 
Харин “Гурван бүдүүн”-ий хийж, хөдөлмөрлөсөн уран бүтээлийн үнэ цэнэ чухамдаа үүнд л оршино. Өдгөө боловсролыг шүтэж, хослон амьдрахын жаргалыг хойш тавьсан энэ нийгэмд “38-тай аав”-ууд олон бий. Гэсэн ч хожуу төрсөн хэнзхэн үрийнхээ үнэрт уяран зүүд шиг сайхан дурсамжийг хүмүүний түүхэнд сийлэн үлдээх нь бас л “Гурван бүдүүн”-ий бүтээлийн нэгэн хэсэг. 
 
Санаа алдмаар, сайхан ч юм шиг гуниг төрүүлсэн дууг сонсох нь сонсогчийнх бус уран бүтээлчийн ур чадварынх гэдэгтэй хэн ч маргахгүй биз ээ. Сэтгэлд хоногшиж, зүрхэнд үлдсэн уран бүтээлийн эзэд энэ сарын 25-ны билэгт сайн өдөр аав ээжээ магтан дуулахаар зэхэж буй. Эл тоглолт “Аав, ээжээ магтан дуулъя” нэртэй. Анх “38-тай аав”-аараа ард түмэнтэйгээ уулзаж байсан тэд хоёр дахь удаагаа “Ижийгээ гомдоох учиргүй” хэмээн уулзсан. Харин одоо “Аав ээжээ магтан дуулъя” цэнгүүнээр уулзана. 
 
Уянга, ухаарал, хайр энэрэлээр бялхсан хөнгөн гунигийн жаргалыг мэдрэхийг хүсвэл та ч гэсэн “Аав ээжээ магтан дуулъя” цэнгүүнийг зориорой. Нэр шигээ жин дарах чамбай уран бүтээлч залуус таны цаг завыг дэмий үрэхгүй гэдгийг очоод ойлгох болно. 
 

   “Гурван бүдүүн”-ийг урлагийн охин тэнгэр Янжинлхам ивээх болтугай.

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Дуучин Б.Гүрбадамын “Дурлал шиг бүсгүй” тоглолт болноДуучин Б.Гүрбадамын “Дурлал шиг бүсгүй” тоглолт болноНийтийн дууны урлагт хоолойн цар хүрээгээрээ өөрийн гэсэн өвөрмөц өнгө аясыг бий болгож чадсан дуучин бол Баянмөнхийн Гүрбадам юм. Тэрээр “Өр зүрхний ээж” хэмээх энэрэл хайр, ухаарал шингэсэн дууг анх дуулж урлагт орж ирсэн бол “Дурлал шиг бүсгүй”, “Насанд олдсон хань” зэрэг хуучны сайхан дуунуудыг сэргээн дуулж, дахин амилуулж ард түмэнд танигдсан билээ. Түүний дуучин Э.Чулуунчимэгтэй хамтран дуулсан “Хайрт минь утсаа аваарай”, “Сайхан хань”, “Эрийн гурван наадам” дуучин Г.Энхнарантай “Ганцхан чамдаа”, дуучин Р.Болортуяатай “Учрлын уянга” зэрэг дуунууд нь сонсогчдийн хүртээл болж, фм радиогийн хит парадуудыг тэргүүлсээр байгаа билээ.
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
 Сүүлд нэмэгдсэн дуу