2012-04-20 11:49

Цохивор хөгжмийн тоглолт болно

 

“Найруулга-2012” цохивор хөгжимчдийн шинэ уран бүтээлийн тоглолт ирэх гуравдугаар сарын 9, 10-нд болох гэж байна.  Хөгжим бүжгийн коллежийн цохивор хөгжмийн ангийн сурагч, оюутнуудаас бүрдсэн цохивор хөгжмийн чуулга нь жил бүр “Найруулга” тоглолтыг хийдэг уламжлалтай. Энэ жил ч гэсэн уламжлал ёсоор зохион байгуулахаар бэлтгэлдээ оржээ.

 Ирэх гуравдугаар сарын 9-нд 8:45 цагт, 10-ны өдөр 17:45 цагт Улсын Филармоний тоглолтын танхимд болох юм. 

Дэлхийн болон Монголын сонгомол бүтээлүүдийг авч зөвхөн цохивор хөгжмийн чуулгад найруулан бичиж хөгжим сонирхогч, судлаач шүүмжлэгчдийн сонорыг мялаасаар ирсэн уламжлалтай. 2010 онд хөгжмийн зохиолч Л.Мөрдоржийн “Алтан Өргөө” киноны хөгжим, 2011 онд Бизе-Щедриний “Кармен” сюит, Сен-Сансын “Амьтдын багт наадам” цуврал зохиол гэх мэтээр хөгжимдөж ирсэн бол энэ жилийн гол найруулга нь Монголын хөгжмийн зохиолч Э.Чойдогийн “Монголын сайхан орон” бүтээл юм. Тус зохиолыг Симфони найрал эсхүл Үндэсний найрал хөгжимд зориулан бичсэнээр та бид сонсч дассан бол энэ удаад сонгодог цохивор чуулга дээр хэрхэн эгшиглэхийг анх удаа сонсох болно.

Тоглолтод орсон бүтээлүүдийг ХБКоллежийн оюутан сурагчид болон, УДБЭТ, Улсын филармони, ҮДБЭЧ болон бусад хамтлагуудад хөгжимддөг цохивор хөгжимчид хамтран тоглох юм. Тоглолтын тасалбарын хувьд 12.000 төгрөгийн үнэтэй байх аж. 

 

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу

Шинэ мэдээ
Тоглолтын мэдээ
  • “Чөлөөт хос” жүжиг Якутад тоглогдоно“Чөлөөт хос” жүжиг Якутад тоглогдоно Улсын Драмын Эрдмийн Театрын уран бүтээлчид энэ сарын 21-27ны өдрүүдэд Якут улсын П.А.Ойунского-ийн нэрэмжит Драмын Эрдмийн театрын урилгаар тус улсад “Чөлөөт хос” мюзикл инээдмийн жүжгийг тоглохоор болжээ. Мөн ОХ-ын Якут улсын П.А Ойунского-ийн нэрэмжит драмын эрдмийн театрын үйл ажиллагаатай танилцах, хоёр орны театрын хамтын ажиллагааг өргөжүүлэх, цаашдын хамтын ажиллагааны талаар ярилцах, монголын драмын театрын уран бүтээлийг гадаадад сурталчлах аж.
  • Дуучин Б.Маралжингоо анхны тоглолтоо хийнэДуучин Б.Маралжингоо анхны тоглолтоо хийнэМонголын поп, ритмт блюз дуучин Батчулууны Маралжингоогийн “Хүлээсэн Учрал” дуугаараа нэрлэсэн анхны бие даасан тоглолт энэ сарын 17-нд Крокус Event Hall -ийн тайзнаа 20 цагаас болох гэж байна. “Хүлээсэн учрал” тоглолт 3 хэсгээс бүрдэнэ.
  • Монголын хөгжмийн зохиолчдын бүтээлүүд эгшиглэнэМонголын хөгжмийн зохиолчдын бүтээлүүд эгшиглэнэМонгол Улсын Филармонийн Морин хуурын чуулга үүсэн байгуулагдсаны түүхт 25 жилийн ой энэ 2017 онд тохиож байгаа билээ. Тус чуулгын уран бүтээлчид, хөгжимчид ойн баяраа угтан олон тоглолт, төсөл хөтөлбөрүүдийг хэрэгжүүлж байгаагийн нэг нь орчин цагийн Монголын хөгжмийн зохиолчдын дан хөгжмийн бүтээлүүдээс бүрдсэн “Монгол хөгжмийн зохиолчдын бүтээлүүд” концертыг 2017 оны 06-р сарын 22-нд 19:00 цагт Улсын Филармонийн концертын танхимд зохион байгуулах гэж байна.
  • Алдарт “EAST 17” хамтлаг Crocus-т 6-р сарын 9-нд тоглолтоо хийх гэж байнаАлдарт “EAST 17” хамтлаг Crocus-т 6-р сарын 9-нд тоглолтоо хийх гэж байна1990-ээд оны залуусын шүтээн Английн алдарт “EAST 17” хамтлаг Монголд тоглолтоо хийх гэж байна. Тус хамтлагийн тоглолт энэ сарын 09-нд буюу ирэх баасан гарагт “Крокус эвэнт Холл”-д болно. Нэгэн цаг үед уран бүтээлээрээ дэлхийн олон сая залуусыг байлдан дагуулж явсан “EAST 17” хамтлаг нь 1991 онд байгуулагдсан.
  • Амралтын өдрүүдэд сонгодог хөгжмөөр “амьсгалаарай”Амралтын өдрүүдэд сонгодог хөгжмөөр “амьсгалаарай”Монгол Улс Америкийн нэгдсэн улсын хооронд дипломат харилцаа тогтсоны 30 жилийн ой тохиож байна. Энэ хүрээнд АНУ-ын Филадельфийн Симфони найрал хөгжимчид манай улсад хүрэлцэн иржээ. Тэд зургадугаар сарын 3-ны 11.00 цагт Хүүхдийн ордонд Филадельфиагийн сонгодог найрал хөгжмийн хөгжмийн утсан хөгжмийн дөрвөл “Олон улсын хүүхдийн долоо хоног” концерт тоглоно. Мөн тус өдрийн 12.00 цагт Улсын их дэлгүүрийн өмнөх Битлзийн хөшөөний дэргэд Филадельфийн сонгодог найрал хөгжмийн үлээвэр хөгжмийн тавал поп-ап концерт тоглох аж. Үүний дараа 18.30 цагт Улсын филармонийн концертын танхимд Филадельфийн сонгодог найрал хөгжмийн уран бүтээлчид “Найрамдлын аялгуу-Түншлэлийн 30 жилийн ойд зориулав” концертыг олон нийтэд тоглож үзүүлэхээр төлөвлөжээ. Тоглолт үнэ төлбөргүй гэдгийг зохион байгуулагчид тодотгож байна.