2012-04-24 02:22

Б.Баасанжав: Өвөг дээдэс нэгтэй бидэнд хамтарч ажиллахад бэрхшээл үгүй

 

 

 

 

 

 

 

 

 

 

 

 

 

Монгол, Өвөр Монгол хоёр улсын уран бүтээлчдийн хамтын томоохон бүтээл болох "Аравт" киноны нээлт өнгөрсөн бямба гаригт боллоо. Энэ кино­ны ерөнхий найруулагчаар "Мон­гол фильм"-ын захирал най­руулагч Д.Золбаяр, Өвөр Монго­лын "Одон" телевизийн найруу­лагч, Өвөр Монголын "Нүүдэл соёл" кино компанийн захирал, кино найруулагч И.Шагдарсүрэн нар ажиллажээ. Тус кино Өвөр Мон­голын Хөх хотод энэ сарын 27-нд нээлтээ хийх аж. Энэхүү киноны Арван цэргийн ахлагч Цахирын дүрд Монголын үзэгч­дэд олон ангит "Чингэс хаан" киноны Тэмүжиний дү­рээр танил болсон Өвөр Мон­голын өөртөө засах орны Кино үйлдвэрийн жүжигчин, БНХАУ-ын нэгдүгээр дэсийн жүжигчин Б.Баасанжав тоглосон билээ. Тэрээр уран сайхны болон олон ангит кинонд 100 гаруй гол дүр бүтээсэн нэгэн аж. Түүнтэй "Аравт" киноны нээлтийн дараа уулзаж ярилцлаа.

-Монголд хэдий хэр хугацаа­гаар ирэв?

-Би киноныхоо нээлтэнд оролцо­хоор (дөрөвдүгээр сарын 20-нд) ирсэн. Энэ сарын 25-нд буцна. Ард ажил их байгаа боло­хоор цаг жаахан давчуу явна. Монголынхоо үзэгчидтэй "Аравт" киногоор уулзаж байгаадаа баяртай байна. Монголчууд миний тоглосон 30 ангит "Чингэс хаан" киног маш сайн мэддэг юм билээ. Намайг их сайхан хүлээж авч хүндэтгэсэн.

-"Аравт" киноны талаар сэт­гэгдлээ хуваалцахгүй юу?

-Сэтгэлд хүрсэн уран бүтээл боллоо. Хоёр орноос тус бүрийн найруулагч, операторуудыг ажил­луулж, ёстой л тал бүрээр хамтарч  байж киногоо хийлээ. Энэ кино монгол найруулагчтай хамтарч ажилласан миний анхны уран бүтээл. Найруулагч Д.Золбаяр гурван жилийн өмнө энэ киног санаачилж Өвөр Монголын уран бүтээлчдэд санал тавьсан л даа. Зохиол нь таалагдсан болохоор  шууд л зөвшөөрсөн.  Хоёр орны найруулагчид их хүч гаргаж, цаг хугацаанд баригдалгүйгээр зөв­лөл­дөж хийсэн учраас чанартай уран бүтээл болсон болов уу гэж бодож байна. Кинонд гарах бай­галь үнэхээр гайхалтай. Увс айм­гийн Түргэн сум болон Тэрэлжид зураг авалт хийсэн. Монголын жүжигчид арын албаныхны ур чадвар өндөр сэтгэгдэл төрүүлсэн. Бүгд л сэтгэлээсээ хичээж  ажил­ласан. Хамтарч ажилласан хүмүүс­тээ баярлаж, талархаж байгаагаа танай сониноор дамжуулан уламжилъя.

-Таныг олон ангит "Чингэс хаан" киноны хааны дүрээр монголчууд сайн мэддэг. Аравт кино Чингэс хаан киноноос юугаараа ялгаатай вэ?

-Би гучин ангит Чингэс хаан кинонд их хааны дүрд тоглож байлаа. Чингэс хааны тухай киног олон оронд олон янзаар хийсэн байдаг. Миний тоглосон "Чингэс хаан" кино бол  нэг өнцөг нь юм. Энэ киноноос  гадаадын үзэгчид монгол үндэстэн гэж дэлхийн тав­цанд ямар хүмүүс байсныг мэдэр­сэн байх.  Чингэс хааны талаар  өөрийн гэсэн бодол, үнэлэмжтэй  болсон байх. "Аравт" киноны хувьд XIII зууны үеийн Монголын түүхийг харуулсан кинонуудаас эгэл жирийн цэрэг эрс хэрхэн амьдарч тэмцэж, хооллож ундалж, нөхөр­лөж, аян  дайны хүнд бэрхийг нэгэн санаагаар туулж байсныг харуулс­наараа онцлог. "Аравт"-аас  монгол дайчид эзэндээ хэрхэн зүтгэж, ямаршуухан аж төрж байсныг мэдэх боломжтой. Зураач Ж.Цог маань тэр үеийн хувцас хэрэглэ­лийг маш сайн бүтээсэн. XIII зууны үеийн монгол баатрын дээлний заг­вараар хийсэн.

-Өмнө нь Чингэс хааны дүрд тоглож байсан бол энэ удаа цэргийнх нь дүрд тоглолоо. Их хаадын үеийн өөр ямар дүрд тоглож байсан бэ?

-Би Чингэс хаанаас гадна Өгө­дэй, Хубилай, Мөнх гээд Монго­лын­хоо дөрвөн их хааны дүрд тоглосон. Мөн Хятадын олон алдартай найруулагчдын кинонд баатар, жанждын дүрийг бүтээж байсан.  "Аравт" кинонд Арван цэргийн ахлагч Цахирын дүрд тоглолоо. Өмнө нь энэ үеийг харуулсан кинонд тоглож байсан. Чингэс хааны дүрийг бүтээхэд хааны сэтгэлээр хандана. Харин цэрэг, жанжны дүр бүтээхдээ мөн л тийм сэтгэл хэрэгтэй. Най­руу­лагчдынхаа хүссэн дүрийг гаргахыг зорилоо.

-Монголын найруулагч, жү­жигчидтэй анх удаа хамтран ажиллалаа. Арга барилын хувьд зөрөх ч юм уу хүндрэл, бэрхшээл гарч байв уу?

-Бид өвөг дээдэс нэгтэй, соёл зан заншил ижил  ах дүү нар тул соёлын салбарт хамтарч ажил­лахад ямар нэгэн бэрхшээл гарах нь бага байдаг. Зураг авалтын эхэнд бие биенээ ойлгохын тулд тодорхой хугацаанд хамт байсан. Монгол Улсын гавьяат жүжигчин Ё.Цог, ӨМӨЗО-ын жүжигчин Л.Жамбал (олон ангит Чингэс хаан киноны Сорхон шар), ӨМӨЗО-ны жүжигчин Б.Аюурдарь (Сергей Бодровын "Монгол" киноны бөөгийн дүрд тоглосон жүжигчин) болон Б.Амарсайхан,  Г.Золбоот, Н.Онон, жүжигчин С.Ариунбямба, ӨМӨЗО-ын жүжигчин Э.Буянхишиг, Ч.Бодь гээд хоёр орны авьяаслаг жүжигчид хамтран ажиллалаа. Нэг нэгнээ маш сайн ойлгож бие бие­нийхээ сайн талуудаас суралцсан. Сэтгэл зүрх, хүсэл нэг болохоор хүндрэл гэхээр зүйл гарсангүй. Яавал нэг сайхан монгол кино бүтээх вэ гэсэн сэтгэлээр най­руулагчид, жүжигчид уран бүтээлчид  дор бүрдээ хичээсэн.

-Бүтээхсэн гэж  хүсч  явдаг дүр бий юу?

-Кино бүтээгчид, ивээн тэтгэгчид ямар жүжигчин тоглуулахаа шийд­дэг шүү дээ.  Би санал тавьсан киноны зохиолыг нь хамгийн тү­рүүнд  уншдаг. Кино бүтээнэ гэдэг бол ганцхан жүжигчний ажил биш. Хувцасны дизайнер, зураглаач, зураач, нүүр хувиргагч болоод арын албаны тогооч, жолооч гээд зүйл бүрийн мэргэжилтэй хүн нэг сэтгэлээр зүтгэж байж сайн уран бүтээл төрдөг. Түүнээс сайн жүжигчид байлаа гээд кино сайхан болдоггүй. Сайн кино үйлдвэр бол бүх талаараа сайн байхыг л хэлнэ. Олон хүн нэгэн сэтгэлээр зүтгэсний хүчинд "Аравт" кино бүтлээ. Сая  үзлээ.  Сайхан кино болж. Тэгэхээр би сайн кинонд дүр бүтээхийг хүсдэг.

-Таныг түүхэн кинонд бүтээ­сэн дүрээр тань ихэвчлэн мэддэг. Түүхэн кинонд тоглох илүү сонирхолтой юу?

-Жүжигчин ямар ч дүрийг бүтээх чадвартай байх ёстой. Зөвхөн хааны дүрд тоглодог жү­жигчин байж болохгүй. Нэг сайхан малчин хүний дүрд тоглож болно шүү дээ. Дарга ноёдын аав, хөгшин хүний дүрд ч тоглож болно. Төрөл бүрийн хүний дүрд тоглоно шүү дээ. Миний эгэл малчны дүрд тоглосон нэг киног  охид маань  үзэх их дуртай байдаг. Жинхэнэ эрдэм ур чадвар бол бүх л дүрд орохыг хэлнэ.

-Таны нутаг ус хаана вэ. Одоо хаана амьдарч байгаа вэ?

-Би Шинжаан мужийн дотор орших Монголын өөртөө засах аймагт төрж өссөн. Одоо Өвөр Монголын өөртөө засах орны кино үйлдвэрт жүжигчнээр ажиллаж байна. Би киноныхоо ажлаар гадаадын орноор их явдаг.

-Аав, ээж чинь  ямар ажил хийдэг хүмүүс байсан бэ. Ах дүү хэдүүлээ вэ. Танаас өөр жүжигчин бий юу?

-Аав ээж хоёр маань  малчин хүмүүс байсан. Би нутгаасаа гарч Өвөр Монголын урлагийн сургуульд  жүжигчин, бүжигчний мэргэжил эзэмшсэн. Дараа нь цэргийн уран сайханд 14 жил ажиллаад цэргээс халагдсан даа. Тэгээд Өвөр­ Мон­голд эргэж очоод Кино үйлдвэрт орж өдий хүртэл ажиллаж байна. Дээрээ хоёр ах, гурван эгчтэй.  Надаас өөр жүжигчний мэргэжил эзэмшсэн хүн байхгүй.

-Гэр бүлээ танилцуулахгүй юу?

-Манайх ам бүл дөрвүүлээ. Хоёр охинтой. Эхнэрийг маань Сарангоо гэдэг. Өвөр Монголын урлагийн байгууллагад ажилладаг,  дуучин хүн. 

Ж.БАЯРСАЙХАН

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
  • "Хурд" хамтлаг онлайн тоглолтоороо 246 сая төгрөгийн хандив цуглуулжээ “Хурд” хамтлаг олон улсын эмэгтэйчүүд ийн эрхийг хамгаалах өдрөөр буюу өнөөдөр /2020.03.08/ нийт эмэгтэйчүүддээ зориулж "Буцааж нэхэхгүй хайр" онлайн тоглолт зохион байгууллаа.
 Сүүлд нэмэгдсэн дуу