2012-09-13 07:16

“Бөмбөгөр ногоон”-ы нээлтийг “Үнэн” жүжгээр хийж байжээ

“Үзмэр амилах цагаар” булангаараа Монголын театрын музейтэй хамтарч танай улсын театр, чуулгуудын түүхэн дэх онцлох үйл явдлуудын талаар тус музейн сан хөмрөг дэх үзмэрүүдийг тайлбарлах замаар хүргэж эхэлсэн билээ. Энэ удаа Монголын театрын гал голомт “Бөмбөгөр ногоон”-ы нээлтийг хийж байсан ‘Үнэн” жүжгийн талаар бэлтгэлээ.

1931 онд Улсын төв театр “Бөмбөгөр ногоон”-ыг байгуулж, зохиолч С.Буяннэмэхийн “Үнэн” хэмээх жүжгийн бяцхан үзэгдлийг дуу хөгжимтэй найруулан тавьсан аж. Уг жүжигт үг цөөн, үйл явдал нь зөн, бэлгэ тэмдгийн чанартай байжээ. Утга санаа нь ард олныг феодалын дарлалаас ангижруулахын төлөөх тэмцлийн тухай юм байна. Үүнийг ЗХУ-ын мэргэжилтэн А.Эфремов найруулжээ. Гол дүрүүдийн нэг хар феодалд жүжигчин Пүрэвсүрэн, шар феодалд Шаравдоо, гамин ноёнд Гомбожав, нэгдүгээр боолд Намдаг, Коминтернийн төлөөлөгчид Лувсансодном нар тоглосон байна.

Уг жүжгийн зохиол бүрэн эхээрээ олдоогүй тул сүүлд нэрт найруулагч Д.Намдаг “Шинэ Монголын шинэ театр” хэмээх номондоо оруулан бичжээ. Тэрбээр уг жүжгийн тухай “Тайзанд хар, цагаан, шар гурван өнгийн өндөр ханыг ташуулдуулан тавьсны өмнө хар, шар хоёр феодалын олбогт түшлэгийг тулган тавьсан байна. Гаслант авиа хөгжмийн эгшиг хүчтэй сонсогдоно. Гэтэл баруунаа нүд боолттой хэсэг боол ар араасаа барин гарч ирнэ. Эд цөм тэмтчин явна. Хөгжмийн ая тасарч, хар феодал банз барин гарч ирээд “Та нар муусайн боолууд харин ингэж явдаг юм бий вий” гэж хашгиран, банзаа дээш өргөн заналхийлнэ. Боолууд айж сандран “Ээ, тэнгэр минь уучил, уучил” гэж унан тусна. Энэ даруй бишгүүр дуу гарч номын хувцас өмссөн шар феодал гарч ирж хар феодалд найр тавин ёсолсноо боолуудад хандан “Олон түмэн шавь нар сүсэг бишрэлээ хийцгээ. Дээр тэнгэр, дэргэд чинь бурхан сахиус та нарыг ямагт толилон ширтэж байна. Энэ хорвоод лам, багш гурван эрдэнээс илүү хүчтэй зүйл үгүй” гэв. Тэгтэл шар феодал “Энэ яваа насанд тохиолдох гай гамшиг, зовлон зүдгүүрийг тэсвэрлэ. Ихэс дээдэс тэнгэр язгууртны өлмийд цаг ямагт сөхрөн захирагдагтун” гэж боолууд дээр хөл тавин тавлана.

Удалгүй ямаан бүрээ хангинаж, бөмбөр нижгэнэж гамин ноён генерал ирнэ. Феодалууд айн чичирч Гамин ноёнд үнэт ангийн арьс бэлэглэхэд ноён сэтгэлдээ таараагүйг нь шидэлнэ. Энэ даруй час улаан хүрэмтэй нэгэн хүн гарч ирнэ. Энэ нь “Коминтерн” аж. Тэрбээр “Дэлхий дахины гадаад дотоодын харгисуудад хэдэн давхар дарлагдсан бага буурай орны ардууд сонсоцгоо. Одоо та нар өөрсдөө босон тэмцэж гадаад дотоодын дайснуудыг устган сөнөөж ирэх чөлөөгөө олох цаг болсон” гэж хэлнэ гэхчлэн дэлгэрэнгүй өгүүлжээ.

Б.Марал-Эрдэнэ
“Өдрийн шуудан” сонин

 

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • "Анд" цуврал контент үзэгчдийн хүртээл болж эхэллээ
  • Анна Каренина амилахад 40 хоног үлдлээАнна Каренина амилахад 40 хоног үлдлээДэлхийн сонгодог роман болох Оросын нэрт зохиолч Л.Н.Толстойн "Анна Каренина"-г Монголд анх удаа театрын жүжиг болгон тавих гэж байгаа талаар бид өмнө нь мэдээлсэн. Үзэгчдийн дунд хүлээлт үүсгээд байгаа тус жүжиг Улсын драмын эрдмийн театрын тайзнаа тавигдахад 40 хоног үлдээд байна. Зуу гаруй жил дамнан уншигдсан “Анна Каренина” романыг Н.Пүрэвдагва жүжгийн зохиол болгон бичсэн бөгөөд жүжгийн ерөнхий найруулагчаар Н.Наранбаатар, ерөнхий зураачаар Т.Ганхуяг нар ажиллах юм.
  • Энэ оны эхний жүжиг “Надтай үлдээч”Энэ оны эхний жүжиг “Надтай үлдээч”Улсын драмын эрдмийн театр /УДЭТ/-ын уран бүтээлчид 2020 оны уран бүтээлийн салхиа “Надтай үлдээч” жүжгээр хагалж байна. Өнгөрсөн жил нээлтээ хийсэн тус жүжгийг энэ сарын 18, 19, 25, 26-нд 18.00 цагт тоглох аж.
  • "Хун цагаан хайр"-ын дууч Л.БОЛДБААТАРЫН "Түмэндээ өргөх дуунууд"“1992 оны намар сан. Аав минь намаржин будаанд явж олсон цалингаараа надад магнитифон аваад өгчихөж билээ. Ээж минь ширүүхэн буусан боловч тэгсхийгээд зөөлөрсөн сөн. Хүүгээ дуу, хөгжимд дурлуулж, хөгжүүлэх гэсэн аав, ээж хоёрын минь сэтгэл агуу байж” гэж түүнийг хэлэхэд аньсага нь мэлмэрээд ирэх. Бүх ард түмний урлагийн үзлэгээс алтан медаль авч урам зориг авснаас хойш урлагийн гавьяат жүжигчин болтлоо дуу, хөгжмөөсөө тэр урвасангүй. Зөөлөн тослог хоолой, аргадаж учирласан өнгө, сэтгэл сэмлэсэн бүлээн салхи шиг түүний дуунууд ард түмний сэтгэлд хэдийн хоногшжээ.
  • Шинэ жилийн баярын ТОГЛОЛТ, ЖҮЖГҮҮДШинэ жилийн баярын ТОГЛОЛТ, ЖҮЖГҮҮД Шинэ жилийн баяр ойртож энд тэнд янз бүрийн тоглолт, жүжиг, хүлээн авалтууд болдог. Ажлаа түр хойш тавиад хайртай хүмүүстэйгээ, бяцхан үртэйгээ баярын уур амьсгал мэдрүүлсэн урлаг соёлын үзүүлбэр, тоглолт үзэх сайхан байдаг билээ. Хаана, хэзээ, ямар тоглолт, наадам, жүжиг болох талаар түүвэрлэн мэдээлэл өгье.
 Сүүлд нэмэгдсэн дуу