2013-01-12 12:49

“УДЭТ”-ын тайзнаа 1 дүгээр сард тоглогдох бүтээлүүд...

Францын алдарт зохиолч Виктор Хюгогийн “Парисийн дарь эхийн сүм” сонгодог “Мюзикл”-ыг 2013 оны 01 сарын 14-16-ны өдрүүдэд 13:00, 17:00 цагуудаас 6-хан удаа тоглоно. Тасалбарын үнэ: 10000-45000 төгрөг, Оюутан сурагчдын амралтанд тохиож буйтай холбогдуулан анги хамт олноороо зохион байгуулалттай үзэх бол тасалбарын үнэ хөнглөгдөж  оюутануудад-8000, ЕБС сурагчдад -6000т тоглогдох юм байна.

У.Шекспир “Гамлет” эмгэнэлт драмын жүжиг  2013.01.23-31-ны өдрүүдэд 17:00, 18:00 цагуудаас УДЭТеатрын тайзнаа үзэгчдийн хүсэлтээр дахин  тоглогдож байгаа ажээ. Тасалбарын үнэ: 15000-45000 хооронд. Дэлгэрэнгүй мэдээллийг: 99199794,50117878, Түүнчлэн тоглолтуудын тасалбарын захиалгыг урьдчилж авах юм байна.

Ийнхүү “УДЭТ”-ын тайзнаа 1 дүгээр сард тоглогдох уран бүтээлүүдийн дэлгэрэнгүй танилцуулгыг та бүхэндээ хүргэж байна.

У.Шекспир “Гамлет” эмгэнэлт драмын жүжиг

  Дэлхийн утга зохиолын ноён оргил болсон гурван бүтээлд У.Шекспирийн “Гамлет”, Гётегийн “Фауст”, Сервантесийн “Дон Кихот” багтдаг хэмээн судлаачид үздэг. Энэхүү утга зохиолын ноён оргилын нэг болсон уг бүтээл тухайн улс орны театр урлагийн чансааг харуулж, уран бүтээлчдийнх нь шандасыг сорьсоор эдүгээ XXI зуунтай золгожээ. Суут У.Шекспир “Гамлет” хэмээх энэхүү алдарт бүтээлээ 30 настай байхдаа 60 настай хүний ухаанаар бичсэн бөгөөд эдүүгээ ч  “Орших уу, эс орших уу” хэмээх энэ асуулт хүн төрөлхтний мөнхийн асуулт хэвээр байгаа билээ. Алдарт "Гамлет" жүжиг Монголынт айзнаа 33 жилийн өмнө Ч. Чимидийн орчуулгаар 1979 онд урлагийн гавьяат зүтгэлтэн, найруулагч С.Галсанжав гуай энэ жүжгийг олны хүртээл болгосон юм. “Гамлет”-д Монгол Улсын Ардын жүжигчин Л.Жамсранжав, Ардынжүжигчин Г.Гомбосүрэн, З.Цэндээхүү, Т.Хандсүрэн, Б.Лоовой,Д.Дамдинсүрэн,Улсын гавъяат жүжигчин Г.Мижиддорж нарын зэрэг алтан үеийн сор болсон жүжигчдээс гадна Төрийн шагналт Ардын жүжигчин Н.Сувд зэрэг авъяаслаг уран бүтээлчид тоглож байжээ.

Харин өдгөө 33 жилийн дараа энэхүү бүх цаг үеийн мэргэжлийн урлагийн шилдгийн шилдэг оргил болсон бүтээлээ амжилттай нээсэн билээ.

Тус жүжгийн: Ерөнхий найруулагч: Н.Наранбаатар  /МУСТА /, Ерөнхий зураач: Н. Ганхуяг  /МУСТА /, Хөгжмийн зохиолч:  С. Сансаргэрэлтэх

Гол дүр Гамлет-д   С.Болд-Эрдэнэ /СТА/

Дүрүүдэд:

Клавдий /Данийн ван/-   П.Цэрэндагва /АЖ/
Гертруда-  У.Уранчимэг/ УГЖ/
Офелия-    А.Ганчимэг, Д.Ганцэцэг /СТА/
Полоний-  Б.Жаргалсайхан /УГЖ/
Горацио-   Г.Амгаланбаатар/СТА/
Лаэрт-        Г.Эрдэнэбилэг/СТА/
Фортинбрас-  М.Түвшинхүү /СТА/

Хоёр ясчин АЖ Г.Мягмарнаран, СТА Б.Отгонбат болон УДЭТеатрын үе үеийн шилдэг уран бүтээлчид оролцон тоглоно.

В.Хюгогийн  “Парисын дарь эхийн сүм” жүжиг

Францийн алдарт зохиолч Виктор Хюго 1831 онд тэрлэн бичсэн “Парисын эх дагины сүм” хэмээх энэхүү алдарт бүтээл өнөөдөр ч өөрийн үнэ цэнийг алдалгүй амьд хэвээр оршин байж, агуу хайр дурлалын мөнхийн дуулал болсоор байна. Мари Дарь эхийн дурсгалд анхлан зориулан босгосон уран барилгын хосгүй үнэт цогцолбор болох Парисын “Дарь эхийн сүм” өөрийн үнэ цэнээс гадна өөр нэгэн үнэ цэнэтэй урлагийн бүтээлийг хүн төрөлхтөнд өгсөн нь Виктор Хюгогийн туурвин бүтээсэн “Парисын эх дагины сүм” хэмээх алдарт зохиол билээ. “Энэхүү зохиолыг зохиогч өөрийн сод их авъяас билэг, үгийн гайхамшигаар урлан бичиж, хүн төрлөхтөнд өвлүүлсэн байх бөгөөтөл юунд Дарь эхийн сүмд хамаатуулан хэлнэ вэ?” гэж эрхэм та бодож магадгүй юм. Магадгүй эх дагины сүм Парис хотод сүндэрлээгүй байсан бол зохиогч энэхүү бүтээлээ бичихгүй байсан байх.

Тэр сүмийн харанхуй хануудын нэгэн дээр бичсэн “Анаркиабуюу Хувь заяаны эрхшээл” гэсэн тэрхүү сийлбэр бичээс байсныг зохиогч олж хараагүй байсансан бол энэхүү зохиол бас л бичигдэхгүй байсан биз ээ. В.Хюго уг бүтээлийнхээ өмнөтгөлд “Анаркиа” гэсэн үгнээс үндэслэн энэхүү номыг зохиов” хэмээсэн байдаг. Хувь заяа бол ганц хүнийг ч биш бурхадын хэргийг хүртэл захирдаг ялагдашгүй хүч юм гэж эртний хүмүүс биширдэг байжээ. Хэний зовлонт үр нь нарт ертөнцөөс хагацахын өмнө хуучин сүмийн хананд үйлдсэн гэмт хэрэг буюу, зовлонт амьдралынхаа дурсгал болгон дээрх үгийг бичсэн болохыг Зохиогч тайлбарлахыг оролдсон хэмээх домог хууч бий. “Анаркиа” хэмээх энэ үг олон зуун жилийн түүхэнд эх дагины сүмийг дахин дахин засаж будсаны улмаас бүдгэрэн арилсан авч зүрхэнд туссан шарх шиг Дарь эхийн сүмийн цээжинд одоог хүртэл “хөндүүр” оргиулан оршсоор байгаа нь үнэн юм.

Үнэн түүхийг ганцхан өөртөө л авч үлдэн одоо нэгэнт нүднээ харагдахгүй болж “НУУЦ” хэвээр оршсоор байгаа тэр “Анаркиа”-г бадрангуй тууль, домогт хайраар нээн илэрхийлэх гэсэн зохиогчийн хүсэл эрмэлзлэлийг энэ цаг үед монголын драмын урлагийн эрхэм уран бүтээлчид театрын тайзнаа залан авчирч байна. Ийнхүү залан авчрахдаа хүний дотоод гадаад “гоо сайхны” мөн чанарыг Эсмеральда, Квазимода хоёрын дүрээр илэрхийлэн гаргахын зэрэгцээ эрх мэдлийн сөрөг шинж агуулга,  үүнд ташаарсан нийгмийн буурангуй тогтолцооны золиос болсон бүхний эмгэнэлт хувь тавилангийн эцсийн зогсоол хэрхсэн тухай гээд хүний амьдралын өргөн цар хүрээтэй олон асуудлыг хөндөн харуулах гэж байна.

Энэ хорвоогийн хүмүүний амьдралын хамгийн гол утга учир, үнэт баялаг нь  “хайрлахуйн сэтгэл – хайрын хүч” билээ. Зүрхтэй хүн бүхэнд дурлал ирдэг. Харин гагцхүү хүн түүнд хэрхэн яаж хандахаас л “хайрын хүч”-ний үнэ цэнэ тодорхойлогддог билээ. Дэлхийн олон орны том театруудад тайз, дэлгэцийн бүтээл болсон энэхүү алдарт зохиолыг Монголын театрт анх удаа шинэ төрөл жанраар тайзны бүтээл болгон тавьж байсан юм. Энэхүү жүжгийн гол агуулга нь Квазимадогийн Эсмеральдад өгсөн хайраар хүн бүхэн хайр сэтгэлийн сайн сайхан зол жаргалыг эдлэх эрхтэй байдгийн адилаар өөртөө олдсон тэр хайр дурлал, зол жаргалд үнэнч байхын чухалыг  эмэгтэй хүний гоо үзэсгэлэнг олон түмэнд  тунхаглах юмаа.

Энэхүү уран бүтээл маань 3 хоор болон 10 дуутай бөгөөд дууны шүлгийг “шүлгийн хаан” гэгддэг Яруу найрагч Ш.Гүрбазар бичиж, жүжгийн хөгжмйиг  “New star” дуу бичлэгийн студийн продюсер С.Гантөр зохион найруулж,  дуу бичлэгийн бүх ажлыг хийсэн бөгөөд Драмын театрын жүжигчид өөрсдөө бүх дуугаа дуулж байгаагаараа онцлогтой юм.

Тус жүжгийн: Орчуулагч: АУЗ Д.Цоодол, Жүжгийн зохиолч: СТА. Р.Батсайхан, Ерөнхий найруулагч: СТА.Н.Наранбаатар, Ерөнхий зураач СТА.Т Ганхуяг, Хөгжмийн зохиолч: С.Гантөр, Бүжиг дэглээч:СТА.Т.Төгсөө, Шүлгийг: СГЗ. Ш.Гүрбазар, СТА. Д.Эрдэнэцэцэг

Дүрүүдэд:

Эсмеральдо- МУГЖ У.Уранчимэг,  Г.Отгонцэцэг
Квазимадо-    СТА. Г.Эрхэмбаяр, СТА. С.Болд-Эрдэнэ
Фроллоламтан- АЖ. П.Цэрэндагва  СТА. Г.Эрдэнэбилэг
Феб-     СТА. Г.Амгаланбаатар, СТА. М.Түвшинхүү      
Гудул- СТА. Б.Нармандах, СТА. Б.Эрдэнэцэцэг    

МУГЖ. Б.Жаргалсайхан зэрэг УДЭТеатрын үе үеийн шилдэг уран бүтээлчид оролцон тоглоно.

В.Хюго  “Хүн бүхэн буянтай, цэвэр, шударга, нэр төртэйгээр эхээс төрдөг. Харин хүмүүс бид л цэвэр ариун сэтгэл рүү нь хүйтэн ус цацаж эвддэг юм”
В.Хюго  “Амьдрал бол цэцэг, хайр дурлал бол түүнээс гарах бал бурам мөн” хэмээсэн байдаг билээ.

УДЭТеатрын маркетенгийн алба: www.DRAMA.mn, 99199794,50117878

           Та бүхнийг урлагийн тэнгэр ивээг...
www.URLAG.mn

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
  • "Хурд" хамтлаг онлайн тоглолтоороо 246 сая төгрөгийн хандив цуглуулжээ “Хурд” хамтлаг олон улсын эмэгтэйчүүд ийн эрхийг хамгаалах өдрөөр буюу өнөөдөр /2020.03.08/ нийт эмэгтэйчүүддээ зориулж "Буцааж нэхэхгүй хайр" онлайн тоглолт зохион байгууллаа.
 Сүүлд нэмэгдсэн дуу