2013-01-23 01:40

Эрдмийн чуулгын 2 дугаар сарын үзвэрийн хуваарь

  Ази тивийн цээжинд Анхны төрт улс Хүннү гүрэн байгуулагдсаны 2222 жилийн ойд зориулан Үндэсний дуу бүжгийн эрдмийн чуулгын хамт олон “Салхины дууль” шинэ уран бүтээлээ ирэх сарын 1-3-нд 19:00 цагт үзэгч түмэндээ толилуулах гэж байна. Энэхүү ”Салхины дууль” уран бүтээл өнөө үеийн монголчууд бидэнд дөнгөж судлагдаж оньс мэт сонин, таавар мэт хүчирхэг гүрэн улсыг байгуулж байсан өвөг дээдэс “Хүн” улсын дуу хуур, бүжиг магтаал, туульс, уртын дууг бидэнд олдсон биет өвийн үндэс сууринаас ургуулан бүтээхэд оршино. Монгол улсын ерөнхийлөгч Ц.Элбэгдоржийн ард түмэндээ хандаж хэлсэн мэндчилгээндээ онцгойлон тэмдэглэснээр 2013 он Төрт улс- Хүннү гүрэн байгуулагдсан дөрвөн хоёр давхцсан тэгш тоотой тэмдэглэлт баярыг өргөн дэлгэр тэмдэглэх явдал хэмээсэн байдаг. 
Тоглолтод:
-НТӨ 209-НТ 1-р зууны хооронд амьдарч байсан өвөг дээдэс Хүн гүрний урлагийн бүтээлийг туурвиснаар монголчуудын соёл урлагийн түүхийг даруй 2200-3000 жилээр урагшлуулах боломжтой. Их монгол улсын 800 жилийн үеийн урлагийн бүтээлийг /уртын дуу, бүжиг, хөгжим/ сэргээж чадсан шиг үйл явдал болно.
-НТӨ-х 3-р зуунд зохиогдон өнөө үеийн бидэнд хадгалагдан ирсэн нь үл мэдэгдэх хүн гүрний яруу найрагчдын “Хүйтэн салхи” “Ахын дуу ”, “Умрын чоно” шүлгүүдээр дуу зохиогдоно.
-НТ 1-р зууны үед амьдарч байсан яруу найрагчийн бичиж үлдээсэн эсгий туургатан өвөг дээдсийн амьдран байсан гэрийг гайхалтайгаар магтан дуулсан “Гэрийн магтаал ” шүлэг магтаал болгон амьдарна.
-Монголчуудын үеийн үед тахиж ирсэн шувууны бүжиг хийгдснээр бид уг шувууг 3000 жилийн өмнөөс шүтэн билэгдлээ болгож ирснийг үзүүлэх болно.
- Хан гүрний шаштир түүх, хаадын сурвалж бичигт олонтоо тэмдэглэгдэн үлдсэн хүн гүрний үеийн гиншил /уртын дуу/, магтаал туульс, цоор, ятга, хуур,чулуун болон модон төрлийн цохиурын зэмсгүүдийг ашиглан хөгжмийн болон бүжгийн хөгжмийн бүтээлүүд хийгдэнэ.
-Ноён уулын булшнаас олдсон хивсийг анх удаа /9м*11м/ хэмжээтэйгээр тайзны хөшгөн бүтээл болгох, Хүннү гүрний бусад эд зүйлийг өргөн ашигласан тайзны чимэглэлтэй.

Уг бүтээлд ҮДБЭЧуулгын 150 уран бүтээлч оролцоно.
Тоглолтын Ерөнхий найруулагчаар ҮДБЭЧ-ын дэд захирал, найруулагч Н.Болд, 
Ерөнхий зураач МУСТА Д.Ганболд, 
Ерөнхий удирдаач МУСТА Р.Ганбат, 
Ерөнхий бүжиг дэглээч МУСТА Д.Баярбаатар, 
Хөгжмийн зохиолчид: МУУГЗ Б.Буянбаатар, МУСТА Д.Алтантуул, МУСТА Х.Алтангэрэл, МУСТА Д.Ариунболд, МУСТА В.Батзориг, И.Лхамрагчаа, 
Бүжиг дэглээчид: МУГЖ А.Даваахүү, Х.Хашхүү, Д.Энхгэрэл, 
Яруу найрагчид: И.Бавуудорж, МУСТА А.Шартолгой, 
Гүйцэтгэх зураачид: Т.Түмэн-Өлзий, Б.Батболд нар ажиллаж байна. 

2-р сард тоглох тоглолтын хуваарь:
II/01-ны 19:00 цагт Салхины дууль 
II/02-ны 19:00 цагт Салхины дууль
II/03-ны 19:00 цагт Салхины дууль
II/04-ны 19:00 цагт Монгол бүжгийн гайхамшиг
II/05-ны 19:00 цагт Монгол бүжгийн гайхамшиг

Ерөнхий боловсролын сургуулийн удирдлагууд, хамт олон та бүхнийг  өөрийн орондоо төдийгүй Дэлхийд гайхагдаж байгаа Монгол үндэсний урлагаа дэмжиж, ҮДБЭЧ-ын урын сангийн бүтээлүүдээс сонголт хийж, багш сурагчдынхаа оюуны мэлмийг мялааж хамтран ажиллахыг уриалж байна. Тоглолтуудын үндсэн үнэ 20,000 бөгөөд ЕБСургуулийн багш сурагчид, албан байгуулын хамт олонд хөнгөлөлттэй үнээр буюу тасалбарын үнэ 10.000т-өөр захиалга авч байна.

МАРКЕТИНГИЙН АЛБА

Утас: 113239548 89110107, ­Еmail: www.mongolianensemble.com, www.uyanga1909@yahoo.com

www.URLAG.mn

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
  • Үндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой энэ жил тохиож буй. Ойн хүрээнд баримтат кино, кино концерт, түүхэн ном бүтээж, цуврал тоглолт хийхээр төлөвлөж байгаа талаар уран бүтээлчид нь мэдээлэл хийлээ.
  • Д.Отгонжаргал фэнүүдээ Д.Отгонжаргал фэнүүдээ "Хун галуу"-ны эгшиглэнт ертөнцөөр аялуулнаДуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ "Монгол Улсын Соёлын тэргүүний ажилтан" хэмээх эрхэм алдрыг хүртсэн нь саяхан.
  • С.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлангийн дууг мэдэхгүй хүн гэж үгүй. Найман настай балчраас наян настай буурай хүртэл даган дуулж, уяран хайлж байна. Түүний дуунууд одоо ч хуучнаараа, сонсох бүрийд дотнохон. УИХ-ын гишүүн болоод урлагийн алтан тайз, үзэгч, сонсогч фэнүүдээсээ хэсэг хугацаанд хөндийрөөд байсан Гавьяат жүжигчин С.Жавхлан тайзнаа иргэн ирлээ. Тэрээр ард түмэнтэйгээ тайзан дээрээс энэ өдрүүдэд мэндчилж байна.
  • “МОРИН ХУУР- 33” шилдэг дууны концерт болно“МОРИН ХУУР- 33” шилдэг дууны концерт болноМонгол Улсын Соёлын яам, Засгийн газрын хэрэгжүүлэгч агентлаг Соёл, урлагийн газар, Монголын Хөгжмийн Зохиолчдын холбоо, Монгол Улсын Филармони хамтран “БҮХ НИЙТИЙН ХӨГЖМИЙН БАЯР 2020” арга хэмжээг 2020 оны аравдугаар сарын 05-ны өдрөөс арваннэгдүгээр сарын 15-ны өдрийг хүртэлх хугацаанд улсын хэмжээнд зохион байгуулж байна.
 Сүүлд нэмэгдсэн дуу