2013-06-06 04:47

МУТШ, Ардын зураач Л.Гаваагийн намтар уран бүтээл

ГАВАА Лувсангийн

1920-1991

Ардын Зураач (1975), МУТШ (1946).

Монгол улсын шинэ үеийн театрын урлаг өөрийн хөгжлийн түүхэндээ олон арван шилдэг нэрт уран бүтээлчдийг төрүүлэн гаргасны нэг нь манай алдарт уран зураач Л.Гаваа билээ. Л.Гаваа бүр бага наснаасаа эхэлж театрын урлагтай амьдралаа холбож манай театрын тайз жинхэнэ реалист урлагийн тайз болж бойжиход үнэтэй хувь нэмрээ оруулсан юм.Л.Гаваа 1921 онд одоогийн Дорноговь аймгийн Хатанбулаг сумын нутагт малчин ард Лувсангийн гэрт мэндэлжээ. 1929 оны хавар дөнгөж 8 настай байсан Гаваа анх, нийслэл хотод ахыгаа дагаж ирээд сургуульд суралцжээ. Бүр тэр үеэс зурагт авъяастай болохыг нь Померанцев гэгч орос багш гадарлаж, идэвхийг нь өрнүүлэх юмсан гэдэг бодол төржээ. Нөхрийн төлөө халуун сэтгэл тавьдаг Зөвлөлтийн хүний үнэнхүү чармайлт Гаваагийн амьдралд нөлөөлж зураг улам их сонирхох болгосон байна.

Померанцев багш тэр үед аравхан настай байсан Гавааг зураач болгох, тэр тусмаа бүр сайн зураач болгох гэсэн санаандаа хүрэхийн тулд зураг чимэглэл, тайз заслын ажилд, цаг ямагт оролцуулж дагалдуулан сургаж эхэллээ. Энэ үед багшийгаа дагалдан «Хонины булаг», «Хоёр эзний ганц зарц» гэдэг жүжгийн тайз засал хийхэд оролцсон байна. Залуу зураачийн идэвх авъяас улам өссөөр л байв. Ингээд таван жил өнгөрөхөд «Сүрэг чоно», «Шинэ хүн» жүжгүүдийн тайз заслыг хийсэн нь амжилттай болжээ.

1942 онд «Оросын асуудал», «Намайг хүлээ», 1944 онд «Миний баясгалан» гэдэг жүжгүүдийн тайзны асуудлыг хариуцан авч хийсэн нъ залуу зураач Гаваад зураачийн. асар их авъяас буйг харуулжээ.

Ингээд Л.Гаваа 1947 онд Ленинград хотын Репины нэрэмжит зургийн академийн театрын тайз заслын ангид орж суралцаад 1952 онд төгсөж ирлээ. Сургуулиа төгсөж дипломын ажил хийхдээ Мусоргскийн «Ховащина» дуурийн бүрэн тайз заслыг хийсэн нь багш нараасаа онц үнэлэлт авчээ. Чухам үүнээс хойш Л.Гаваагийн авъяас билэг улам ундарч үргэлжлэн өссөөр олон арван жүжгийн тайзны чимэглэлийг чадварлаг бүтээсээр иржээ. Л.Гаваа «Отелло», «Строконец нутгийн хөөрөгт цоорч», «Бахчисарайн оршлолт булаг», «Скапены дамшиглал», «Эрхүүд болсон явдал», «Тамирын бэр» зэрэг олон жүжгийн тайзны чимэглэл хийжээ. Ялангуяа тайзны чимэглэлийн үнэтэй нүсэр илүү зардлыг өөрчлөн хөнгөлж, жүжигчдийн тоглолтыг тодотгох орчин үеийн урлагийн хөгжилтэй холбох талаар «Эрхүүд болсон явдал», «Отелло»-гын шинэтгэсэн засал зэргээр ихээхэн эргэлт гаргасан юм. Театрын тайз чимэглэлийн тал дээр Л.Гаваагийн уран бүтээлийн амжилтын үндэс нь уг жүжгийн утга санааг илчлэн чадсан үнэн бодит байдалтай, бас тэгээдтухайн онцлог хэлбэрүүдийг илэрхийлэн гаргаж, өнгө будаг тохирсон үзэмж бүхий нь үзэгч олонд үнэмшигдэхүйц бөгөөд Монгол театрын өвөрмөц байдлыг тусгаж чадсан байдагт оршино.

Театрын тайзны урлагаас үүдэн кино чимэглэлийн бие даасан урлагийн хэсэг буй болох явдалд уран зураач Гаваа маш чухал үүрэг гүйцэтгэсэн хүн юм.

Үргэлжлэлийг энд дарж үзнэ үү.

www.URLAG.mn

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • ФАУСТ | Аз жаргалын томъёог түгээхээр дахин ирлээФАУСТ | Аз жаргалын томъёог түгээхээр дахин ирлээМонголыг төдийгүй дэлхийг байлдан дагуулсан И.В.Гётегийн ФАУСТ жүжиг Монголын тайзнаа амилсан өдрөөсөө олон нийтийг байлдан дагуулж чадсан. С.Болд-Эрдэнийн гайхалтай жүжиглэлт, Т.Бархүүгийн төслөөлөшгүй хувиралт, жүжгийн найруулга, уран бүтээлчдийн онцлог, постдрамын сонин содон шийдэл нь алга ташилтыг харамгүй бэлэглэж, дахин дахин үзэх хүсэлтээр тус хамт олныг булж байсан нь саяхан.
  • МУГЖ Г.Ариунбаатар МУГЖ Г.Ариунбаатар "Би Монгол" тоглолтоо хийнэДэлхийн сонгодог урлагийн тайзнаа “Монголын баритон” нэрээр алдаршсан П.И.Чайковскийн нэрэмжит олон улсын мэргэжлийн дуурийн дуулаачдын XV уралдааны шилдэг эрэгтэй дуучин, "Чингис хаан" одонт, Монгол Улсын Гавьяат жүжигчин Г.Ариунбаатар эх орондоо зохион байгуулах "Би Монгол" тоглолтынхоо товыг зарлалаа.
  • Үндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой тохиож байнаҮндэсний урлагийн их театрын 70 жилийн ой энэ жил тохиож буй. Ойн хүрээнд баримтат кино, кино концерт, түүхэн ном бүтээж, цуврал тоглолт хийхээр төлөвлөж байгаа талаар уран бүтээлчид нь мэдээлэл хийлээ.
  • Д.Отгонжаргал фэнүүдээ Д.Отгонжаргал фэнүүдээ "Хун галуу"-ны эгшиглэнт ертөнцөөр аялуулнаДуучин Д.Отгонжаргал гэхээр Миний ээж тэмээчин, Хайрлахын жаргал, Хун галуу гээд хүн бүрт өөр өөрийн танил, дотно дуунууд санаанд бууна. Ийм сайхан бүтээлүүдийн эзэн, уянгат сайхан хоолойгоороо сонсогчдынхоо зүрх сэтгэлийг нэвт эзэмдэж чаддаг энэ уран бүтээлч маань төр, түмнээсээ "Монгол Улсын Соёлын тэргүүний ажилтан" хэмээх эрхэм алдрыг хүртсэн нь саяхан.
  • С.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлан гавьяатын тоглолт ҮЗЭГЧДИЙН ХҮСЭЛТЭЭР дахин товлогдлооС.Жавхлангийн дууг мэдэхгүй хүн гэж үгүй. Найман настай балчраас наян настай буурай хүртэл даган дуулж, уяран хайлж байна. Түүний дуунууд одоо ч хуучнаараа, сонсох бүрийд дотнохон. УИХ-ын гишүүн болоод урлагийн алтан тайз, үзэгч, сонсогч фэнүүдээсээ хэсэг хугацаанд хөндийрөөд байсан Гавьяат жүжигчин С.Жавхлан тайзнаа иргэн ирлээ. Тэрээр ард түмэнтэйгээ тайзан дээрээс энэ өдрүүдэд мэндчилж байна.
 Сүүлд нэмэгдсэн дуу