2012-07-26 10:09

Сэсэржаагийн Дамчаа

Сэсэржаагийн Дамчаа

Алдарт дууч С.Дамчаа нь 1899 онд хуучин Цэцэнхан аймаг одоогийн Дорнод аймгийн Халх гол сумын нутагт төржээ. Эцэг Сэсэржаа нь тэр үеийн То вангийн хөгжмийн сургуульд дуу хөгжмийн багш, уг сургууль нь жилд 1 удаа зуны дэлгэр цагийн эцсээр болдог хошуу найранд дуулж хөгжимдөх 12-14 насны 8 дууч 8 хөгжимчин хүүхдийг найр болох өдрөөс 45 хоногийн өмнөөс бэлтгүүлдэг.

Сэсэржаа нь нутаг хошуундаа нэр хүндтэй нэгэн. Тэднийх "Үүлэн бор" нэртэй сайн морьтой юмсанж. Гэтэл тэр морийг нь сумын занги Арслан хүнд, Тамгын түшмэл Намсрайшүрэн нар арга сүвэгчлэн гуйхад өгөөгүй учир тэр өс хонзонгоор Сэсэржаа нь өртөөнд хөөгдөж Цагаан нуур, Таван овоо, Түгээмэл, Чоно гол, Цоргодол, Цагаан зэрэг газруудад удаа дараа өртөө залгуулж Арслан, Намсрайшүр 2-ыг амьд байгаа цагт нутагтаа буцаж очихгүй хэмээн тангараг өгөн нутгаасаа гарч өөр хошуунд нутгалсаар хожим одоогийн Хэнтий аймгийн нутагт суурьшсан ажгуу.

Сэсэржаа хааяа Богдын ордонд уригдан ирж их хурим, төрийн найранд хөгжим дуу үүсгэх чуулганд хааяа оролцдог байжээ. Харин Дамчааг 7 настайгаас нь сахил хүртээж хийдэд суулгажээ. Иймд хэдийгээр ааваа дагаж хөгжмийн сургуулийнхан дээр очиж дуулж хөгжимдөхийг сонсох боловч тэр үед нь "Хувраг хүн дуулбал хувхайрахын дохио, Хув ямаа майлбал үхэхийн дохио" гэж сургаж байсан тул сонирховч сурах боломж хомс байжээ. Дамчаа То вангийн хошууны хийд тартал төдий л дуу сурсангүй. Багш ламаасаа нууж "Тохой зандан мод", "Гунан хар" зэрэг богино дуунуудыг сэм сурч хааяа нууж аялна. Харин 1917онд 18 насандаа Цэцэнханы Ахай Гүнгийн хошуунд ирж Донойн Омбонэрэн, зэнэ Дамдин нартай танилцан дуу хөгжмийн сонирхолыг хөгжөөжээ. Омбонэрэнгээр "Цэвцгэр хурдан шарга" Зэнэ Дамдингаар "Эр бор харцага", "Дөрвөн цагт" зэрэг дууг заалгажээ. 1934 онд анх Улаанбаатар хотод ирээд Улсын театрт концерт үзэж сэтгэл нь ихэд сэргэсэн тул ийм сайхан газар орж дуулахсан гэсэн хүслийг төрүүлжээ. Тэр концертонд "Уяхан замба тив"-ийг Түдэв хуурдаж Төмөр дуулж байсан ба Дорждагва "Тунгалаг тамир" гэдэг дууг дуулж байжээ. Ингээд сонирхолоо дагаж 1938 онд дуучин Дугаржавд шалгуулан театрт дагалдан дуучин болов.

Энэ үеэс л дуучин Самын Гомбо, М.Дугаржав нараар дуу заалгаж улмаар театрын жинхэнэ дууч болж бие даан концертонд орж эхэлжээ. Дамчаа гуай газар газрын дуучдын янз янзын аяыг тэр хэвээр нь сурч дууг аль сонгодог түгээмэл аялгуугаар дуулахыг хичээдэг дууч юм. Дамчаа гуай ардын дууг сайхан дуулахаас гадна уртын дууны сайхан аялгууг дуурайлгаж шинэ аялгуу зохиодог хүн байж. Түүний зохиосон "Хэрлэн баян улаан" хэмээх дууны аяыг "Их сайхан халиун" гэдэг дууны хэлбэрийг авч эхлээд өргөн тэнүүн байдалтай гаргаж байгаль нутгийн сайхныг бахдан харуулахыг хичээсэн гэж дуучин өөрөө хэлсэн байна. Лувсанжамц үгийг зохиосон энэ дуу нь 3-н мөр шүлгээс бүрдсэн 4-н бадаг бөгөөд :

Тунгалаг агаарын уудамд

Туяаран цэнхэрлэн харагдагч

Номин хангайн үзэсгэлэн

Дүнхийн харагдагч Баян-Улаан

Сайхан хангай минь

Бахдам дэлгэр баялаг даа

хэмээн дуулдаг байна

Дамчаа гуай дуулах арга барил, дууч хүний онцлог аливаа дууг өөрийн болгож эзэмших талаар ярихдаа:

Дууч хүний анхаарах зүйл:

Ер нь сайн дууч гэдэг маань сайн хоолойтой байхаас гадна бодол ухаан, уран сайхны намба, ялангуяа дууг эхлэх аяыг зөв хуваарилах, жолоодох, өргөлт даралт, шуранхайг аль үед яаж хийхийг мэдэж байх нь нэн чухал хүчээр чанга хашхирсан хүн олон жил дуулж чадахгүй арга эвийг зөв олж хоолойныхоо хүчийг сайн мэдэж амьсгааг ямагт дор авч намуухан тавиу эхлэж, араа төвөнх, түүшинг чөлөөтэй авч чадаж гэмээ нь дуу төдий чинээ аятайхан хир чинээгээрээ гарах ёстой. Уртын сайн дууч миний багш Самын Гомбо, Зэнэ Дамдин нар тийм л дуучид байсан. Их дуучдыг харж байхад сэтгэл амьсгаа хоёрыг тун их барьж доороос өгсүүлэн дээд цэгт хүргэхийн завсар олон янзын хийц үйлдэж нөөцлөж байсан дуугаа хэрэгтэй газар нь нэмж өгдөг бололтой. Дуучин хүн эгшиг авиаг өргөдөг юм. Эгшиг дотроос А, Э, И эгшгийг ямар ч байдлаар эргүүлж болдог. Ө ,Ү, У нэг л яву муутай дууг чөлөөтэй гаргахыг хаах янзтай тул аль болох тойрч ухаандаа Ө, Ү,У эгшгийг сав гэж бодвол уруу харсан юм шиг санагддаг. Тэгэхээр учрыг сайн тунгаах хэрэгтэй. Уртын дуу уламжлагдах тавилантай сайхан урлаг сэтгэл булаам дуучид төрөхдөө л төрнө гэж хэлж байжээ.

 

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
  • Дуучин Б.Гүрбадамын “Дурлал шиг бүсгүй” тоглолт болноДуучин Б.Гүрбадамын “Дурлал шиг бүсгүй” тоглолт болноНийтийн дууны урлагт хоолойн цар хүрээгээрээ өөрийн гэсэн өвөрмөц өнгө аясыг бий болгож чадсан дуучин бол Баянмөнхийн Гүрбадам юм. Тэрээр “Өр зүрхний ээж” хэмээх энэрэл хайр, ухаарал шингэсэн дууг анх дуулж урлагт орж ирсэн бол “Дурлал шиг бүсгүй”, “Насанд олдсон хань” зэрэг хуучны сайхан дуунуудыг сэргээн дуулж, дахин амилуулж ард түмэнд танигдсан билээ. Түүний дуучин Э.Чулуунчимэгтэй хамтран дуулсан “Хайрт минь утсаа аваарай”, “Сайхан хань”, “Эрийн гурван наадам” дуучин Г.Энхнарантай “Ганцхан чамдаа”, дуучин Р.Болортуяатай “Учрлын уянга” зэрэг дуунууд нь сонсогчдийн хүртээл болж, фм радиогийн хит парадуудыг тэргүүлсээр байгаа билээ.
  • Улстөржилтөөс болж Улстөржилтөөс болж "The Hu" хамтлагийн хандивын тоглолт хойшиллоо“The Hu” хамтлаг энэ сарын 23-ны мягмар гаригт МҮОНРТ-ээр болон цахимаар бүрэн тоглолтоо хийхээр төлөвлөж, зараа хүртэл тараагаад байсан ч тоглолтоо цуцалжээ.Тэд “COVID-19”-ийн хорионд гадаадад гацаж, байгаад өнгөрсөн сард эх орондоо ирсэн. Ингээд сонгуулийн өмнөх өдөр хандивын тоглолт хийхээр төлөвлөөд байсан ч улс төрийн шалтгаанаас үүдэн цуцалсан байна.
  • “The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо энэ сарын 23-нд хийнэ“The Hu” хамтлаг УОК-т хандив өргөх онлайн тоглолтоо White Rock Center-т 2020 оны зургаадугаар сарын 23-ны мягмар гарагийн орой хийхээр болсон тухайгаа зарлалаа. Уг хандивын тоглолтыг “The HU” хамтлаг “Хүрээ энтертайнмент” ХХК-тай хамтран МҮОНРТ-ээр шууд дамжуулан хүргэх бөгөөд ивээн тэтгэгчээр Мобиком Корпораци, Хаан Банк ажиллахаар болжээ.
  • "Монгол соёл" онлайн тоглолтоор 102.952.147 төгрөгийн хандив, тусламж цуглажээДэлхийд гайхагдсан монгол соёлын өв тэр дундаа соёлын биет бус өвийн гайхам сайхныг нэгэн дор цогцлоох "Монгол өв соёлын цогцолбор" байгуулах төслийн хандивын аяны нээлтэд зориулсан монгол поп опера “Увертюра” хамтлаг болон язгуур урлагийн алдартай уран бүтээлчид, соёлын биет бус өвийн шилдэг өвлөн уламжлагчдын "Монгол соёл" онлайн тоглолт 06 дугаар сарын 01-нд 18:00 цагаас "ТВ8" телевизээр орон даяар шууд дамжуулагдсан билээ.
  • “Параллель” контемпорари үзэсгэлэн нээлтээ хийлээ“Параллель” контемпорари үзэсгэлэн нээлтээ хийлээДэлхий нийтийг түгшээгээд буй шинэ төрлийн Корона вирусийн /Ковид 19/ халдварын тархалтаас урьдчилан сэргийлэх зорилгоор Монгол Улсын Засгийн газар улс орон даяар онц байдал зарлан олон нийтийг хамарсан үйл ажиллагаа, мөн соёл урлагийн арга хэмжээг түр хугацаагаар зогсоосон байгаа билээ. Иймд МN17 Арт Галерейн санаачилгаар Засгийн газрын хэрэгжүүлэгч агентлаг Соёл, урлагийн газрын дэмжлэгтэйгээр Хүн Байгаль Хайр Эрх Чөлөө хөдөлгөөний уран бүтээлчидтэй хамтран “Параллель” контемпорари хамтарсан үзэсгэлэнгийн төслийг хэрэгжүүлж байна.
 Сүүлд нэмэгдсэн дуу