2013-07-30 04:12

МУ-ын Төрийн шагналт Б.Ринченгийн намтар уран бүтээл

1905-1991

Яруу найрагч, үргэлжилсэн үгийн зохиолч, орчуулагч, эрдэмтэн

ШУА-ийн гишүүн,  Төрийн шагналт (1946).

Бямбын Ринчен 1905 оны 12-р сарын 21-нд Сэлэнгэ аймгийн Бул Сарай гэдэг газар төржээ.

Б.Ринчен бол Монголын ууган зохиолчдын нэг бөгөөд уран бүтээл нь олон сэдвээр, олон төрөл зүйлээр бичигдсэнээрээ онцлог юм.

1922 оноос Ленинград хотноо Дорно Дахины дээд сургуульд суралцаж төгсөөд ЗХУ-д дээд боловсролтой болсон анхны монгол сэхээтний нэг билээ.  1956 онд БНУАУ-ын Шинжлэх ухааны академид монгоп хэлний түүхэн зүйг судалсан бүтээлээрээ докторын зэрэг хамгаалжээ.

1923 оноос эхлэн уран зохиол бичих болжээ. Дэлхийн хоёрдугаардайны жилүүдэд Б.Ринчен "Үнэн" сонины газарт ажиллаж байхдаа германы фашист эзэрхэг түрэмгийлэгчдийн эсрэг тэмцсэн зөвлөлтийн ард түмэнд туслаж байсан монголын ард түмний тусламжийн тухай, монгол зөвлөлтийн ард түмний найрамдлын тухай олон найруулал, өгүүлэл,шүлэг бичиж хэвлүүлсэн юм.

Түүний туурвисан "Үүрийн туяа" гурамсан роман нь түүх хувьсгалын сэдвээр бичсэн монголын анхны романы нэг болж Монгол оронд төдийгүй гадаад орнуудад өндөр үнэлэгдсэн байна. Б.Ринчен уран зохиолын орчуулгыг олон жилийн турш хийж А.Пушкин, А.Чехов, А.Горький, А.Толсгой, Н.Островский, Д.Фурманов, М.Шолохов, А.Мицкевич, Ю.Фучик зэрэг дэлхийн шилдэг зохиолчдын бүтээлээс олноор орчуулан хэвлүүлжээ.

Академич Б.Ринчен монголын ард түмний соёлын өв уламжлалыг судлан сурталчилж үндэснийхээ бичгийн хэлийг хөгжүүлэхэд ихээхэн анхаарч “Монгол бичгийн хэлний зүй” дөрвөн боть угсаатны хэл зүйн лавлах ном зэрэг нь олон нийтийн оюун ухааныг хөгжүүлэхэд хувь нэмэр оруулсан юм. Түүний хөделмөрийг үнэлж ойн одон медалиар шагнажээ.

Дэлгэрэнгүй

www.URLAG.mn

Манай сайт таньд таалагдаж байвал мөн сайтад нийтлэгдсэн
мэдээ мэдээлэлийг түргэн шуурхай уншихыг хүсвэл "LIKE" дарнауу



Шинэ мэдээ
Тоглолтын мэдээ
 Сүүлд нэмэгдсэн дуу